მეცნიერებმა რელიგიურობასა და ინტელექტს შორის უკუკავშირი იპოვეს

როჩესტერის და ბოსტონის უნივერსიტეტების სპეციალისტებმა მასშტაბური კვლევის შედეგები წარმოადგინეს - რელიგიურობასა და ინტელექტს შორის უკუკავშირია. სტატიას ჟურნალი Personality and Social Psychology Review აქვეყნებს.  

კვლევის ავტორების თქმით, ჭკვიანი ადამიანი ათეისტებში უფრო მოიძებნება, ვიდრე მორწმუნეებში. ამასთან, კონფესიას მნიშვნელობა არ აქვს. ინტელექტზე რელიგიურობის ხარისხი მოქმედებს.

მკვლევარებმა რელიგიურობის ხარისხი ისეთი კატეგორიებით განსაზღვრეს, როგორიცაა რელიგიური დოგმების მიღება, რელიგიური საზოგადოების ცხოვრებაში ჩართულობა და ეკლესიაში სიარულის სიხშირე.

მონაცემები 1928-2012 წლების პერიოდს მოიცავს და მასზე სხვადასხვა მკვლევარი მუშაობდა.  63-დან  53 ნამუშევარში, ავტორები მიდიოდნენ დასკვნამდე, რომ რელიგიურობა ინტელექტის დაქვეითებასთანაა კავშირში.

მკვლევარებმა წამოაყენეს 3 განსხვავებული ჰიპოთეზა, რომელიც განმარტავს კვლევის შედეგებს: ჭკვიანი ადამიანები ნაკლებად ითავისებენ რელიგიურ დოგმებს. გარდა ამისა, ავტორები ინტელექტს ანალიტიკურ აზროვნებასთან აკავშირებენ, რაც მეცნიერების თქმით,  ვერ ეთავსება რელიგიურობას. და ბოლოს, როგორც წესი ჭკვიან ადამიანებს შეუძლიათ უფრო მეტს მიაღწიონ და დაგეგმონ  ცხოვრება ისე, რომ ამაში რელიგია არ დაიხმარონ.

მომზადებულია psr.sagepub.com-ის მიხედვით.