19
ივნისიდღის ზოგადი ასტროლოგიური პროგნოზი
როგორც ჩვენთვის გახდა ცნობილი, მომღერალი ქეთა თოფურია საფრანგეთის ლაჟვარდოვან სანაპიროზე, სენ-ტროპეში ისვენებს. ცნობილია, რომ სენ-ტროპე ქეთას საყვარელი ადგილია და მას უკვე ტრადიციულად, ყოველ წელს სტუმრობს, თან ყოველთვის მეგობრები მიჰყავს. ამჯერად ის საზაფხულო არდადეგებს მეუღლესთან, ლევ გეიხმანთან და ბავშვობის მეგობარ ნუცა ბერიძესთან ერთად ატარებს. ნუცა დიზაინერია. რამდენიმე თვეა, ქართველი დიზაინერი საცხოვრებლად რუსეთში გადავიდა და ცოდნის გაღრმავება მოსკოვის სამხატვრო აკადემიაში გადაწყვიტა.
ქეთა თოფურიასთან ერთად ისვენებდა "ნაციონალი" პეტრე ცისკარიშვილი მეგობარ გოგონასთან, მარიკა მერაბიშვილთან ერთად. პეტრე და მარიკა დიდი ხანია, ერთად არიან და საერთო შვილი, ცხრა თვის ალისა ჰყავთ. მარიკა ნუცასთან და ქეთასთანაც მეგობრობს. პეტრე ცისკარიშვილი პირველ მეუღლეს დიდი ხანია გაშორდა და მასთან 11 წლის ვაჟი ჰყავს. მეუღლესთან განქორწინებულია ლევ გეიხმანიც. მას პირველი ქორწინებიდან 17 წლის გოგონა ჰყავს. სენ-ტროპეში მეგობრებთან ერთად ირუჯება რუსი რეპერი ტიმატიც. საფრანგეთში, ქალაქ კანთან ახლოს მდებარე, ახალგაზრდული კლუბებითა და გასართობი ადგილებით ცნობილი სენ-ტროპე, ვარსკვლავების საყვარელი დასასვენებელი ადგილია.
ზაზა გიგაური
ყოველკვირეული გაზეთი "ყველა სიახლე"
(გამოდის ოთხშაბათობით)
