2
მაისიდღის ზოგადი ასტროლოგიური პროგნოზი
შვედური ჯგუფის ABBA-ს სიმღერების რარიტეტული ალბომი აუქციონზე თითქმის 5 000 დოლარად (42 000 კრონი) გაიყიდა.
დისკი, რომელშიც ჯგუფის ყველაზე ცნობილი ჰიტები შედიოდა, 1981 წელს კვარტეტის წევრებმა ABBA-ს მენეჯერის სტიგ ანდერსონის 50 წლის იუბილისთვის მოამზადეს. იგი სულ 200 ეგზემპლარი გამოუშვეს. ლოტი სავარაუდო თანხაზე ორჯერ მეტად გაიყიდა - ვაჭრობის დაწყებამდე მის გასხვისებას 25 000-ს კრონად (დაახლოებით 2,9 ათასი ევრო) ვარაუდობდნენ.
აუქციონზე კიდევ ერთი რარიტეტი - ჟილეტი წარწერით ABBA 31,5 ათას კრონად (დაახლოებით 3,6 ათასი ევრო) გაიყიდა.
ABBA-ს ალბომი მკერავ ტომას ნორდონის კოლექციაში ინახებოდა, რომელიც ცნობილ შვედურ ჯგუფთან დაკავშირებულ დაახლოებით 25 000 ნივთს ითვლიდა. საკუთარი კოლექციის შეგროვება მან 1974 წელს, 9 წლის ასაკში დაიწყო, როდესაც ჯგუფმა "ევროვიზია" მოიგო.
აუქციონის სახლ Stockholms Auktionsverk-ის ვაჭრობაზე ნორდინის მთელი კოლექცია გამოიფინა, სამი ნივთის გამოკლებით, რომელთა შენახვაც მან გადაწყვიტა.
2-დღიანი აუქციონი 12 აგვისტოს დასრულდა. იმ ნივთებს, რომლებიც არ გაიყიდა, აუქციონზე 2013 წლის შემოდგომაზე უფრო დაბალი სასტარტო ფასით გამოიტანენ.
მომზადებულია Agence France-Presse-ის მიხედვით.
