მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
პარასკევი, მთვარის ოცდამეექვსე დღე დაიწყება 03:27-ზე, მთვარე ვერძშია – საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა კავშირია ციხის კადრებსა და სერიალებს შორის
23:30 / 10-08-2013
ბოლო ათწლეულია, ქართულ სატელევიზიო სივრცეში სერიალები აქტუალობას არ კარგავს. ტელესერიალების გმირები, ხშირ შემთხვევაში მამაკაცები, ქართველი ქალების გულთამპყრობელები ხდებიან. ამ საკითხზე კომენტარი ფსიქოლოგს და ფილოსოფოსს ვთხოვეთ.
ნათია გვიანიშვილი, ფსიქოლოგი, გენდერული კვლევების მაგისტრი:
- ჩემი აზრით, სერიალები მაყურებელს სთავაზობს ერთგვარ ალტერნატიულ რეალობას, რომელიც ძალიან არ განსხვავდება მაყურებლის რეალობისგან, თუმცა ცოტათი უფრო საინტერესოა. სერიალის გმირები ხშირად გაზვიადებულად არიან შემკობილი პატრიარქალურ კულტურაში გაბატონებული თვისებებით, როგორიცაა - სიმამაცე, ძალა, ფიზიკური მიმზიდველობა, ქალის თითქოს ხელისგულზე ტარება, საკუთარი ღირსების დაცვა. სამწუხაროა, რომ სერიალები პატრიარქალურ სტერეოტიპებში ჩარჩენის კიდევ ერთი ფორმაა. ერთ-ერთ თურქულ სერიალში ქალზე ძალადობის სცენებიც არის, რომელიც იმით არის გამართლებული, რომ მან მეუღლეს უღალატა.
თათა ცოფურაშვილი, გენდერული საკითხების მკვლევარი, ფილოსოფიის ინსტიტუტის დირექტორი.
- ქალი, რომელიც სერიალების ყურებით არის გატაცებული, მის გმირებში საკუთარი ცხოვრების იდენტიფიცირებას ახდენს. ასეთი ქალის ფსიქოლოგია არარეალიზებულია. ადამიანს, რომელსაც არა აქვს საკუთარი ცხოვრება, ჩანაცვლებას ახდენს სერიალებით. გარდა ამისა, მოხდა სხვისი ცხოვრების თვალთვალის ფენომენის ინსტიტუციონალიზება, რაც აისახა სახელმწიფოს მოქმედებაში ფარული ჩანაწერების გავრცელების თვალსაზრისით. ასეთ საკითხებზე საზოგადოება დეკლარირებულ ქმედებას არ ახდენს, მიუხედავად იმ ფსიქოლოგიური სტრესისა, რაც ციხის კადრების ნახვისას განიცადა. საზოგადოების გარკვეული ნაწილი სხვისი ცხოვრების თვალთვალს მიეჩვია და ამ მოთხოვნილებას სერიალების ყურებით იკმაყოფილებს. სერიალებში აჩვენებენ ცხოვრების იმ მხარეს, რომელიც ჩვენს საზოგადოებაში გარიყული და ფარულია - სექსი და სიყვარული.
ზაზა გიგაური
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
