24
მაისიდღის ზოგადი ასტროლოგიური პროგნოზი
კანადის სამხრეთით მდებარე ქალაქ კემპბელტონში კერძო ზოომაღაზიის ტერარიუმიდან გაქცეულმა მახრჩობელა გველმა ორი ბავშვი (5 და 7 წლის) იმსხვერპლა. როგორც ადგილობრივი პოლიციის წარმომადგენელი ჟული როჯერს-მარში აცხადებს, ტრაგედია 5 აგვისტოს ღამეს მოხდა.
უცნობია, როგორ შეძლო გველმა ზოომაღაზია "რეპტაილ ოუშენის" ვოლიერიდან თავის დაღწევა - ვოლიერი ორსართულიანი სახლის პირველ სართულზე იყო განთავსებული, მეორე სართულზე კი ზოომაღაზიის მეპატრონე ცხოვრობდა. სავენტილაციო გაყვანილობის გავლით გველმა მეორე სართულზე ააღწია, სადაც მაღაზიის მეპატრონესთან სტუმრად მყოფ ბავშვებს ეძინათ.
"წინასწარი ინფორმაციით, მახრჩობელა გველმა ბავშვები ძილში გაგუდა", - აღნიშნა როჯერს-მარშმა. პოლიცია დილით გამოიძახეს, სამართალდამცველებმა რეპტილია დაიჭირეს.
"ქალაქის მოსახლეობა შოკშია" , - განაცხადა მერის მოადგილე იენა კომომ.
ამ დროისთვის ზოომაღაზიის მეპატრონე და მისი რამდენიმე თანამშრომელი დაკავებულნი არიან. მათ დაუდევრობაში ადანაშაულებენ.
მომზადებულია itar-tass.com-ის მიხედვით.
