მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
აშშ-ში მანიაკი-მკვლელი ფსიქოლოგიის პროფესორი გახდა
03:12 / 06-08-2013
ილინოისში უნივერსიტეტის 61 წლის პროფესორმა დამალა ფაქტი, რომ 46 წლის წინ საკუთარი ოჯახი ამოხოცა, ის უდანაშაულოდ სცნეს.
პროფესორის წარსულს, ტეხასში, ჯორჯთაუნის ერთ-ერთი გაზეთის რეპორტიორმა ახადა ფარდა. სწორედ მან გამოაქვეყნა ყველასთვის პატივსაცემი პედაგოგის, ჯეიმს სენტ-ჯეიმსის ცხოვრების აქამდე უცნობი დეტალები.
ფსიქოლოგიის დოქტორი სენტ-ჯეიმსი, რომელმაც სასწავლო დაწესებულებაში 30 წელი იმუშავა, მანიაკი მკვლელი აღმოჩნდა, რომელმაც 1967 წლის 4 აგვისტოს, 15 წლის ასაკში საკუთარი ოჯახის წევრები დახვრიტა.
ჟურნალისტური გამოძიების შემდეგ დადგინდა, რომ მამაკაცის ნამდვილი სახელი და გვარი ჯიმ ვოლკოტია.
46 წლის წინ მან მამა, გორდონი, 17 წლის და, ლიბი და დედა, ელიზაბეტი დაოხოცა.
როდესაც ვოლკოტების სახლში პოლიცია მივიდა, ბიჭმა დაუყოვნებლივ აღიარა დანაშაული.
დაკითხვაზე ჯიმი ირწუმებოდა, რომ ფსიქიკური აშლილობით იტანჯებოდა და დაავადება მაშინ გაურთულდა, როდესაც "წებოს შესუნთქვა" დაიწყო.
მკვლელმა განაცხადა, რომ ვერ იტანდა ოჯახის წევრებს და ეგონა, რომ ყველა მისი ჭკუიდან გადაყვანას ცდილობდა. ბიჭმა თქვა, რომ დედამისი "საჭმელს ხმამაღლა ღეჭავდა". ჯიმის აზრით, ეს მისი "განადგურების" მცდელობა იყო. რაც შეეხება მამას, ის ბევრ რამეს უკრძალავდა, მათ შორის ვიეტნამის ომის საწინააღმდეგო სიმბოლოების ტანსაცმელზე დამაგრებას. დის ლაპარაკი კი ნერვებს უშლიდა.
სასამართლო პროცესი 6 თვეს გაგრძელდა. 15 წლის ჯიმს მკვლელობაში დასდეს ბრალი. საბოლოოდ, სასამართლოს ექიმებმა მას დიაგნოზი - პარანოიდული შიზოფრენია დაუსვეს. ჯიმ ვოლკოტი ფსიქიკური მდგომარეობის გამო უდანაშაულოდ სცნეს და ფსიქიატრიულ კლინიკაში მოათავსეს.
ექვსი წლის შემდეგ ვოლკოტის საქმე გადაიხედა. ის ჯანმრთელად სცნეს და გაათავისუფლეს.
1988 წელს ჯიმმა სახელი შეიცვალა და ჯეიმს სენტ-ჯეიმსი დაირქვა. მოგვიანებით დოქტორის ხარისხი მიიღო და უნივერსიტეტში დაიწყო მუშაობა.
"მხოლოდ ცოტა ხნის წინ შევიტყვეთ დოქტორ სენტ-ჯეიმსის წარსულის შესახებ. ჩვენ ვთვლით, რომ ახალგაზრდობისას მოხდარი ისტორიის შემდეგ, მისი მცდელობა, ნორმალური ცხოვრებით იცხოვროს, დაუჯერებელია. ჩვენ იმედი გვაქვს, რომ ის კვლავაც განაგრძობს ჩვენს უნივერსიტეტში მუშაობას", - აცხადებენ უმაღლესი სასწავლებლის წარმომადგენლები.
სენტ-ჯეიმსს მხარი თანამშრომლებმაც დაუჭირეს.
"ის მართლაც კარგი ადამიანია. მასთან უამრავი კარგი მოგონება მაქვს. ძალიან მეცოდება. ახლა მთელი მისი ცხოვრება გადატრიალდება", - აცხადებს კოლეჯის ყოფილი მოსწავლე ლანა ჰინშოუ კლანი.
უმაღლესში მისი მუშაობის გაგრძელების სასტიკი წინააღმდეგია ქალაქის საბჭოს წევრი დოუსონი.
"ის სასწრაფოდ უნდა გაათავისუფლოს უნივერსიტეტის ხელმძღვანელობამ. მე რომ სტუდენტების მშობელი ვიყო, შემაწუხებდა ის ფაქტი, რომ ჩემს შვილს ნასამართლევი, მანიაკი მკვლელი ასწავლის", - აცხადებს დოუსონი.
მომზადებულია lifenews.ru-ის მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
