მნიშვნელოვანი ინფორმაცია
30
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გია კორკოტაშვილი: "ნეტავი, მიშასთან რამე წაგებული ხომ არ გვაქვს? ერთი გვითხრას, რა?"
08:20 / 03-08-2013
მას მერე, რაც ბაჩო ახალაია გაამართლეს, გია კორკოტაშვილმა (კორკოტა) "ფეისბუქის" საკუთარ გვერდზე ხელისუფლება უცოდინარობასა და უმოქმედობაში ამხილა. ამ თემაზე სასაუბროდ, "ამბები.გე" გია კორკოტაშვილს დაუკავშირდა.
- ბატონო გია, საკმაოდ მწვავე განცხადება გააკეთეთ "ფეისბუქის" თქვენს გვერდზე... ბაჩო ახალაიას გამამართლებელ განაჩენს არ ეთანხმებით, ხომ?
- დამნაშავე ის სიტყვა არ არის, რაც ბაჩო ახალაიას მისამართით შეიძლება გამოითქვას. ველოდები, კანონის აღსრულებას, რომ ის კანონიერად დაისაჯოს.
ბატონი ბაჩო რომ დამნაშავეა, ამაზე ციხიდან გამოსული არაერთი ადამიანის ჯანმრთელობა, მათი ფსიქიკური მდგომარეობა მეტყველებს. ის ადამიანები მაშინ იყვნენ ტუსაღები, როდესაც ბატონი ბაჩო ახალაია ციხეში "თავის რეჟიმს" ამყარებდა. საპატიმროში რეჟიმი საჭიროა, მაგრამ არა ისეთი, რომ ადამიანები ცოცხით გააუპატიურო, ღირსება შეულახო, ცოლები გაუუპატიურო. უზარმაზარი ჩამონათვალი არსებობს იმ სისაძაგლის, რაც ციხეში ხდებოდა. ეს ვინმეს მოგონილი იგავ-არაკები კი არ არის, ამას ის ადამიანები ჰყვებიან, ვინც იქიდან გამოვიდნენ. ვიმეორებ, მათ შორის ერთი არ არის ჯანმრთელი. ჩახედეთ მათ თვალებში და ყველაფერს მიხვდებით. ამის მერე როგორ შეიძლება იმაზე ილაპარაკო, რომ ბაჩო ახალაია "სუფთაა", მაშინ თავად ბაჩო ახალაიამ თქვას ვინ არის დამნაშავე? ვინ სჩადიოდა იმ საშინელებებს და არაადამიანურად ვინ მოქმედებდა?
- "ფეისბუქზე" "ქართული ოცნების" მისამართით უკმაყოფილებას გამოთქვამთ...
- მინდა, რომ "ოცნება" გამოფხიზლდეს! ის დაკვეთა და მანდატი, რაც ამომრჩევლებისგან მიიღო ანუ ადამიანებმა მივანიჭეთ, ყველაფერი შეიძლება მალე დაკარგოს.
ვინაიდან, მაგალითად, გუნავა უნდა გამოუშვან თუ არა, ეს ყველაფერი "ოცნებას", პროკურატურას გათვლილი უნდა ჰქონდეს.
ბატონი მიშა, მიშაა თუ ვინც არის, აღარ მინდა, მაგის სახელის ხსენება, რასაც უნდა, იმას აკეთებს. ნეტავი, მიშასთან რამე წაგებული ხომ არ გვაქვს? ერთი გვითხრას, რა?… ჩემი ნება რომ იყოს, მაგ ადამიანს სხვანაირად მოვუვლიდი...
- "ფეისბუქით" ერსაც მოუწოდეთ: "გაინძერი ეეეეეერრრრრრროოოოოო!!!"
- ერი უნდა გამოფხიზლდეს. საზოგადოებრივი აზრი არ ჩანს. ქართველები როდემდე უნდა ელოდნენ თეთრ ცხენზე ამხედრებული რაინდის შემოგელვებას?!
არადა, ქართველებს თანაგრძნობის ათასი ეპითეტი გვაქს, ორთქლის გამოშვებაც გენიალურად ვიცით და ისიც, როგორ უნდა მივუსამძიმროთ ერთმანეთს პირადი ტრაგედია, მაგრამ არ ვიცით მთავარი, რაც უნდა ვიცოდეთ. გაიხედეთ მსოფლიოს ქვეყნებში რა ხდება ან აფრიკა ნახეთ, ან - სირია... მაინცდამაინც შვილები უნდა გაგიუპატიურონ, რომ ხმა ამოიღოთ?
- როგორ გგონიათ, საქმე იქამდე მივა, რომ ადამიანები აჯანყდნენ?
- პროტესტს კი გამოვთქვამთ, მაგრამ ისიც არის, ბიძინა ივანიშვილმა ამხელა გველეშაპი მოგვაშორა თავიდან. ხალხს მაინც მისი იმედი აქვს, მაგრამ მის გარშემო გუნდი არ ვარგა. ამიტომ, ბიძინამაც კონკრეტული რაღაცები უნდა გააკეთოს, რადგანაც მისი გუნდი მასზე აბსოლუტურად უარყოფითად მოქმედებს და ქართველ ხალხს, ამორჩეველს ნერვებს უშლის! ამიტომ ბიძინამ ვიღაც უნდა გააგდოს, დასაჯოს...
- კობა დავითაშვილმა უმრავლესობა რომ დატოვა, ამაზე რას იტყვით?
- კობა დავითაშვილს თავის შეხედულება აქვს, აიღო და დატოვა. ეტყობა, იგრძნო რაღაცები...
- საპრეზიდენტო არჩევნებში აპირებს მონაწილეობას.
- ვიცი. რამდენად ძლიერი კანდიდატი იქნება, ვერ გეტყვით. კობას კრიტიკას ვერ დავიწყებ, კარგად ვიცნობ. რადგან ასეთი გადაწყვეტილება მიიღო, ესე იგი, ელექტორატი ჰყავს, რომლითაც საზოგადოებას დაანახვებს, სიმართლე სად არის. ყოველ შემთხვევაში, კობა დღემდე მწვავე განცხადებებით გამოდიოდა.
- რაც სათავეში ახალი ხელისუფლება მოვიდა, აქტიურად გაისმის სიტყვა - კოაბიტაცია.
- ეს სიტყვა ჩვენი მეტყველებიდან ამოსაძირკვია. ამის შესატყვისი ქართული სიტყვა - ურთიერთობა - არსებობს და გამოვიყენოთ, რა. ქართულ ენაში საკმარისი სიტყვები არის და ვიღაც ჩინოვნიკისა თუ კლერკის ნათქვამების გამეორება არ გვჭირდება. რატომ გვგონია ქართველებს, რომ თუ ვიღაც ევროპელი ჩამოვიდა და რაღაც თქვა, აუცილებლად ჭკვიანურს იტყოდა.
რა დემოკრატიაზე უნდა გველაპარაკოს ამერიკამ, როცა მაგის რჩეული მიშა საშინელ მდგომარეობაში გვამყოფებდა. ამიტომ, მაგ უცხოელების გამონათქვამები ჩემთვის არაფერს ნიშნავს!
დღეს მნიშვნელოვანია ქართველი ხალხი რას ფიქრობს, - დიახ, მშიერი, გაუბედურებული და ღირსებააყრილი ქართველი ხალხი. ბაჩოს დაიჭერენ თუ გამოუშვებენ, ეს კანონმა განსაზღვროს, მაგრამ "ნაცმოძრაობის" გაღიმებულ სახეებს რომ ვუყურებ, მე ის ხალხი მახსენდება, ვინც ციხიდან გაუბედურებული გამოვიდა და სამართალს ელოდება. ამის შემდეგ რა უნდა იფიქრონ? "ნაცები" კიდევ გახარებულები დადიან, არიქა, ბაჩო ახალაია კიდევ ერთ ელემენტში გაამართლეს. თუ საბოლოოდ გაამართლეს, იცით მერე ვის არ გაამართლებენ? ვინც ეგენი გაამართლა და უკვე სხვანაირად წავა საქმე...
ლალი ფაცია
სპეციალურად "ამბები.გე"-სთვის
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
