გა­სულ კვი­რას ქსნის და­წე­სე­ბუ­ლე­ბა­ში მი­სუ­ლი ად­ვო­კა­ტი ნარ­კო­ტი­კის შე­ტა­ნას უჩ­ვე­უ­ლო მე­თო­დით ცდი­ლობ­და. მას ნარ­კო­ტი­კი სა­ს­ქე­სო ორ­გა­ნო­ში ჰქონ­და გა­და­მა­ლუ­ლი. წამ­ლის შე­ტა­ნა და­ნიშ­ნუ­ლე­ბის ად­გი­ლამ­დე ვერ შეძ­ლო, რად­გან სას­ჯე­ლაღ­სრუ­ლე­ბის სა­მი­ნის­ტროს თა­ნამ­შრომ­ლებ­მა ად­ვო­კა­ტი და­ა­კა­ვეს.

სა­მარ­თალ­დამ­ცა­ვებ­მა მას სამ­სა­ხუ­რებ­რი­ვი მდგო­მა­რე­ო­ბის გა­მო­ყე­ნე­ბით პა­ტიმ­რის­თვის აკ­რძა­ლუ­ლი საგ­ნის - ნარ­კო­ტი­კუ­ლი სა­შუ­ა­ლე­ბის გა­და­ცე­მის მცდე­ლო­ბა­ში დას­დეს ბრა­ლი და აღ­მკვე­თი ღო­ნის­ძი­ე­ბის სა­ხით პა­ტიმ­რო­ბის შე­ფარ­დე­ბა მო­ი­თხო­ვეს. ამო­ღე­ბულ ნივთს ექ­სპერ­ტი­ზა ჩა­უ­ტარ­და. გა­ირ­კვა, რომ მას­ში ნარ­კო­ტი­კუ­ლი სა­შუ­ა­ლე­ბა "ბუპ­რე­ნორ­ფი­ნის" შემ­ცვე­ლო­ბა მცი­რე იყო.

26 ივ­ლისს, სა­სა­მარ­თლომ ად­ვო­კატ მა­მუ­ჩაშ­ვი­ლის­თვის აღ­მკვე­თი ღო­ნის­ძი­ე­ბის შე­ფარ­დე­ბის სა­კი­თხზე იმ­სჯე­ლა. პრო­კუ­რა­ტუ­რამ პრო­ცეს­ზე და­ა­სა­ბუ­თა თა­ვი­სი პო­ზი­ცია და ვი­ნა­ი­დან ბრალ­დე­ბულს მძი­მე და­ნა­შა­ულ­ში ედე­ბო­და ბრა­ლი, მის­თვის წი­ნას­წა­რი პა­ტიმ­რო­ბა მო­ი­თხო­ვა, თუმ­ცა და­კა­ვე­ბუ­ლის ად­ვო­კა­ტე­ბი ამ პო­ზი­ცი­ას არ და­ე­თან­ხმნენ და სა­სა­მარ­თლოს წი­ნა­შე იშუ­ამ­დგომ­ლეს, ბრალ­დე­ბუ­ლი 5.000-ლა­რი­ა­ნი გი­რა­ოს გა­დახ­დის სა­ნაც­ვლოდ გა­ე­თა­ვი­სუფ­ლე­ბი­ნათ. სხდო­მა­ზე ბრალ­დე­ბულ­მაც და­ა­ფიქ­სი­რა თა­ვი­სი პო­ზი­ცია და გულ­წრფე­ლად აღი­ა­რა ჩა­დე­ნი­ლი და­ნა­შა­უ­ლი. აღ­ნიშ­ნუ­ლის გათ­ვა­ლის­წი­ნე­ბით, სა­სა­მარ­თლომ ბრალ­დე­ბულ მა­მუ­ჩაშ­ვილს გი­რა­ოს სა­ხით 10. 000 ლა­რის გა­დახ­და და­ა­კის­რა.

და­კა­ვე­ბუ­ლი ე. მა­მუ­ჩაშ­ვი­ლი ად­ვო­კატ­თა ასო­ცი­ა­ცი­ის წევ­რია. ჩვე­ნი ინ­ფორ­მა­ცი­ით, ის არ ასა­ხე­ლებს იმ პა­ტიმ­რის ვი­ნა­ო­ბას, ვის­თა­ნაც ნარ­კო­ტი­კი შეჰ­ქონ­და. ამ ნა­წილ­ში დუ­მი­ლის უფ­ლე­ბას იყე­ნებს, თუმ­ცა ცნო­ბი­ლია, რომ იგი ცნო­ბილ კრი­მი­ნა­ლურ ავ­ტო­რი­ტეტ­თან, გიგა ბა­ლა­ვა­ძეს­თან შე­დი­ო­და. ფაქ­ტზე გა­მო­ძი­ე­ბა მიმ­დი­ნა­რე­ობს და და­კა­ვე­ბუ­ლის­თვის წარ­დგე­ნი­ლი ბრა­ლი 5-დან 7 წლამ­დე თა­ვი­სუფ­ლე­ბის აღ­კვე­თას ით­ვა­ლის­წი­ნებს.

რა­ტომ გა­რის­კა ად­ვო­კატ­მა ცი­ხე­ში ნარ­კო­ტი­კის შე­ტა­ნა? ამ კი­თხვას ის პა­სუხს არ სცემს. რო­გორც ირ­კვე­ვა, ად­ვო­კა­ტი თა­ვი­დან­ვე გა­შიფ­რუ­ლი იყო. ძა­ლო­ვა­ნებს ინ­ფორ­მა­ცია უკვე ჰქონ­დათ. ცი­ხის შე­სას­ვლელ­თან მო­ბი­ლი­ზე­ბუ­ლი იყო შე­სა­ბა­მი­სი სამ­სა­ხუ­რე­ბი, იქვე ჰყავ­დათ ექი­მიც და ექოს­კო­პის­ტიც. ჩხრე­კა­ზე მი­სულ ად­ვო­კატს თურ­მე პირ­და­პირ უთხრეს, ვი­ცით, რის შე­ტა­ნა­საც აპი­რებ და ჯო­ბია, და­ნა­შა­უ­ლი აღი­ა­როო. ეტყო­ბა, ად­ვო­კა­ტიც მიხ­ვდა, გა­შიფ­რუ­ლი რომ იყო, და­ნა­შა­უ­ლი აღი­ა­რა და აკ­რძა­ლუ­ლი ნივ­თი ძა­ლო­ვა­ნებს ნე­ბა­ყოფ­ლო­ბით გა­დას­ცა.

და­კა­ვე­ბუ­ლი ად­ვო­კა­ტი პა­ტი­მარ გიგა ბა­ლა­ვა­ძის მე­უღ­ლეა, სწო­რედ იმ პი­რის, ვის­თა­ნაც იმ დროს შე­დი­ო­და. თურ­მე მათ ერ­თმა­ნე­თი წლე­ბის წინ, ცი­ხე­ში გა­იც­ნეს. კრი­მი­ნა­ლურ ავ­ტო­რი­ტეტ ბა­ლა­ვა­ძეს, ადრე რო­გორც სა­ხა­ზი­ნო ად­ვო­კა­ტი, ისე იცავ­და. რო­გორც ჩანს, პა­ტი­მარ­მა მას თავი შე­აყ­ვა­რა და ცი­ხე­ში ოფი­ცი­ა­ლუ­რად გა­ფორმ­და მათი ქორ­წი­ნე­ბა. პა­ტი­მარ­თან ოჯა­ხის წევ­რს შეხ­ვედ­რა თვე­ში მხო­ლოდ ერთხელ შე­უძ­ლია, ცალ­სა­ხაა, ად­ვო­კა­ტი თა­ვის სამ­სა­ხუ­რებ­რივ მო­ვა­ლე­ო­ბას იყე­ნებ­და ქმარ­თან შე­სახ­ვედ­რად და ად­ვო­კა­ტის სტა­ტუ­სით ცი­ხე­ში მას ხში­რად აკი­თხავ­და.

გიგა ბა­ლა­ვა­ძე საკ­მა­ოდ მძი­მე ბრალ­დე­ბე­ბით იხ­დის სას­ჯელს. თა­ვის დრო­ზე ხმა­უ­რით მოხ­და მისი და­კა­ვე­ბა და 23-წლი­ა­ნი პა­ტიმ­რო­ბა აქვს შე­ფარ­დე­ბუ­ლი. ჯერ­ჯე­რო­ბით უც­ნო­ბია, და­წე­სე­ბუ­ლე­ბა­ში ნარ­კო­ტი­კის შე­ტა­ნა­ზე პი­რის იძუ­ლე­ბით და­ყო­ლი­ე­ბის გამო მი­ე­ცე­მა თუ არა ის პა­სუ­ხის­გე­ბა­ში, თუმ­ცა ამ­ბო­ბენ, მან ცოლს და­უ­რე­კა და უთხრა, მან­ქა­ნით მო­გა­კი­თხა­ვენ და ცი­ხე­ში ის მო­გიყ­ვან­სო.

სა­მარ­თალ­დამ­ცა­ვე­ბი ალ­ბათ გა­არ­კვე­ვენ, სა­ი­დან აღ­მოჩ­ნდა ნარ­კო­ტი­კი ად­ვო­კა­ტის ხელ­ში. ჩვე­ნი ინ­ფორ­მა­ცი­ით, იმ პირ­მა, რო­მელ­მაც ის ცი­ხე­ში მი­იყ­ვა­ნა, იქა­უ­რო­ბა სას­წრა­ფოდ მას შემ­დეგ და­ტო­ვა, როცა ად­ვო­კა­ტის და­კა­ვე­ბის შე­სა­ხებ შე­ი­ტყო. ძა­ლო­ვა­ნებ­მა იგი მცხე­თას­თან და­ა­კა­ვეს. მარ­თა­ლია, სა­მარ­თალ­დამ­ცა­ვებს ეჭვი ჰქონ­დათ, რომ ად­ვო­კატს ნარ­კო­ტი­კი სწო­რედ ამ პირ­მა გა­დას­ცა, მაგ­რამ ამის და­მა­დას­ტუ­რე­ბე­ლი არა­ნა­ი­რი მტკი­ცე­ბუ­ლე­ბა საქ­მე­ში არ არ­სე­ბობს. ბრალ­დე­ბუ­ლი ად­ვო­კა­ტი არ ადას­ტუ­რებს ამ ფაქტს, თა­ვად და­კა­ვე­ბუ­ლი პი­რიც აცხა­დებ­და, რომ არა­ფე­რი იცო­და აღ­ნიშ­ნუ­ლის შე­სა­ხებ. ამ­ბობს, რომ უბ­რა­ლოდ, ად­ვო­კა­ტი ცი­ხეს­თან მი­იყ­ვა­ნა. ეჭ­ვმი­ტა­ნი­ლი პირი ძა­ლო­ვა­ნებ­მა იმა­ვე დღეს გა­ა­თა­ვი­სუფ­ლეს და მხო­ლოდ მოწ­მის სტა­ტუ­სით დაჰ­კი­თხეს.

მა­მუ­ჩაშ­ვი­ლი არ არის პირ­ვე­ლი ად­ვო­კა­ტი, რო­მე­ლიც პა­ტი­მარ გიგა ბა­ლა­ვა­ძეს­თან კა­ნონ­სა­წი­ნა­აღ­მდე­გო ნივ­თის შე­ტა­ნის ბრალ­დე­ბით და­ა­კა­ვეს. 2005 წელს, ანა­ლო­გი­ურ სი­ტუ­ა­ცი­ა­ში კი­დევ ერთი ქალ­ბა­ტო­ნი აღ­მოჩ­ნდა. ად­ვო­კა­ტი სას­ჯე­ლაღ­სრუ­ლე­ბის მე-7 და­წე­სე­ბუ­ლე­ბა­ში სწო­რედ მა­შინ და­ა­კა­ვეს, როცა ის შეს­ვლას ბა­ლა­ვა­ძეს­თან აპი­რებ­და. მა­საც აკ­რძა­ლუ­ლი ნივ­თის შე­ტა­ნა­ში დას­დეს ბრა­ლი. ჟღენტს პა­ტი­მარ­თან შე­სა­ტა­ნი მო­ბი­ლუ­რი ტე­ლე­ფო­ნი ფეხ­საც­მელ­ში აღ­მო­აჩ­ნდა გა­და­მა­ლუ­ლი. გიგა ბა­ლა­ვა­ძე მა­შინ ორ­თა­ჭა­ლა­ში, ე.წ. კა­ნო­ნი­ე­რი ქურ­დე­ბის­თვის გან­კუთ­ვნილ და­წე­სე­ბუ­ლე­ბა­ში იხ­დი­და სას­ჯელს.

გიგა ბა­ლა­ვა­ძე ხო­ნის მცხოვ­რე­ბია და საკ­მა­ოდ დიდი ავ­ტო­რი­ტე­ტით სარ­გებ­ლობ­და. ამ­ბობ­დნენ, ქურ­დად ცნო­ბილ­მა კრი­მი­ნა­ლურ­მა ავ­ტო­რი­ტეტ­მა, "დუ­დუ­კამ" მო­ნათ­ლაო. "დუ­დუ­კა" წლე­ბის წინ გარ­და­იც­ვა­ლა. გიგა ბა­ლა­ვა­ძის სა­ხე­ლი ასე­ვე კახი კა­ლა­ძის ძმის საქ­მეს­თა­ნაც იყო და­კავ­ში­რე­ბუ­ლი. მა­შინ ით­ქვა, რომ იგი კა­ლა­ძე­ე­ბის­თვის ფუ­ლის გა­მო­ძალ­ვას ცდი­ლობ­და. კა­ლა­ძე­ე­ბის ოჯახს ტე­ლე­ფო­ნით აც­ნო­ბეს, - ვი­ცით, გა­ტა­ცე­ბუ­ლი ლე­ვა­ნის ად­გილ­სამ­ყო­ფე­ლი და იმ ად­გი­ლას გარ­კვე­უ­ლი თან­ხის გა­დახ­დის შემ­დეგ მი­გიყ­ვან­თო. ფუ­ლის გა­და­ცე­მის ფაქ­ტზე, მა­შინ ძა­ლო­ვა­ნებ­მა ერთი პირი და­ა­კა­ვეს. ეს ფაქ­ტი გახ­მა­ურ­და.

გიგა ბა­ლა­ვა­ძე 2001 წელს ხო­ნის საკ­რე­ბუ­ლოს თავ­მჯდო­მა­რის ავ­ტო­მან­ქა­ნის გა­ტა­ცე­ბის ფაქ­ტზე და­ა­კა­ვეს და სის­ხლის სა­მარ­თლის პა­სუ­ხის­გე­ბა­ში მი­ე­ცა. მოგ­ვი­ა­ნე­ბით ძა­ლო­ვა­ნებ­მა მისი ძმის, ნოე ბა­ლა­ვა­ძის წი­ნა­აღ­მდე­გაც აღ­ძრეს სის­ხლის სა­მარ­თლის საქ­მე. ძა­ლო­ვა­ნე­ბი ირ­წმუ­ნე­ბოდ­ნენ, - პა­ტიმ­რო­ბი­დან დახ­სნის მიზ­ნით, მის­მა ძმამ, ნოე ბა­ლა­ვა­ძემ, ბან­დის წევ­რებ­თან ერ­თად, რამ­დე­ნი­მე და­ნა­შა­უ­ლი ჩა­ი­დი­ნაო. კერ­ძოდ, 2002 წლის 5 აპ­რილს, თბი­ლის­ში, გლ­და­ნის რა­ი­ონ­ში, სა­კუ­თა­რი ბი­ნი­დან გა­ი­ტა­ცეს არას­რულ­წლო­ვა­ნი ვა­ნი­კო ბერ­ბი­ჭაშ­ვი­ლი, რომ­ლის მშობ­ლებ­საც გა­მო­სას­ყი­დის სა­ხით მოს­თხო­ვეს 50.000 დო­ლა­რი. აღ­ნიშ­ნუ­ლი თან­ხა ხან­გრძლი­ვი მო­ლა­პა­რა­კე­ბის შე­დე­გად 4.500 დო­ლა­რამ­დე ჩა­მო­ვი­და. გა­ტა­ცე­ბუ­ლის ოჯა­ხის წევ­რებ­მა ფული თბი­ლის­ში მცხოვ­რებ ნოე ბა­ლა­ვა­ძის მშობ­ლებს გა­დას­ცეს, რის შემ­დე­გაც გა­თა­ვი­სუფ­ლდა ბერ­ბი­ჭაშ­ვი­ლი, ხოლო თბი­ლი­სის მთა­ვა­რი სამ­მარ­თვე­ლოს თა­ნამ­შრომ­ლებ­მა მა­შინ ბა­ლა­ვა­ძე­ე­ბის მშობ­ლე­ბი და­ა­კა­ვეს.

ძა­ლი­ან ხმა­უ­რი­ა­ნი იყო ასე­ვე 2002 წელს, კობა ნარ­ჩე­მაშ­ვი­ლის ში­ნა­გან საქ­მე­თა მი­ნის­ტრო­ბის დროს, ხონ­ში გან­ხორ­ცი­ე­ლე­ბუ­ლი სპე­ცო­პე­რა­ცია. 23 აპ­რილს, დი­ლის 6 სა­ათ­ზე, ში­ნა­გან საქ­მე­თა სა­მი­ნის­ტრო­სა და იმე­რე­თის სამ­ხა­რეო მთა­ვა­რი სამ­მარ­თვე­ლოს ოპე­რა­ტი­ულ­მა სამ­სა­ხუ­რებ­მა რამ­დე­ნი­მე ადა­მი­ა­ნი და­ა­კა­ვეს. მათ ორ­გა­ნი­ზე­ბუ­ლი შე­ი­ა­რა­ღე­ბუ­ლი დაჯ­გუ­ფის წევ­რო­ბა­ში ედე­ბო­დათ ბრა­ლი. გა­მო­ძი­ე­ბის მტკი­ცე­ბით, ისი­ნი 2001-2002 წლებ­ში სა­ქარ­თვე­ლოს სხვა­დას­ხვა ტე­რი­ტო­რი­ა­ზე ხან­გრძლი­ვი დრო­ის მან­ძილ­ზე იტა­ცებ­დნენ ადა­მი­ა­ნებს ფუ­ლის გა­მო­ძალ­ვის მიზ­ნით და ყა­ჩა­ღობ­დნენ. მა­შინ ხონ­ში მცხოვ­რე­ბი გი­გას ძმა, ნოე ბა­ლა­ვა­ძე და­ა­კა­ვეს; ასე­ვე და­ა­კა­ვეს ზუგ­დი­დე­ლი, წარ­სულ­ში ნა­სა­მარ­თლე­ვი გია ქარ­და­ვა, ხო­ნე­ლი სერ­გო დი­დი­ძე, თბი­ლი­სე­ლი და­ვით გამ­ხუ­აშ­ვი­ლი. ჯგუ­ფის ხელ­მძღვა­ნე­ლად იმ­ჟა­მად პა­ტიმ­რო­ბა­ში მყო­ფი გიგა ბა­ლა­ვა­ძე და­სა­ხელ­და და ით­ქვა, რომ ის ცი­ხი­დან ახ­დენ­და და­ნა­შა­უ­ლის ორ­გა­ნი­ზე­ბას.

კრი­მი­ნა­ლურ ავ­ტო­რი­ტეტ გიგა ბა­ლა­ვა­ძე­ზე 90-იან წლებ­ში ლე­გენ­დე­ბი და­დი­ო­და. ცოტა უც­ნა­უ­რია, მაგ­რამ მა­შინ იმა­საც ამ­ბობ­დნენ, მე­ხუ­თე სა­პყრო­ბი­ლე­ში კარგ აპარ­ტა­მენ­ტებ­ში მყოფ ბა­ლა­ვა­ძეს თა­ვის სა­კან­ში კრა­ნა­ხის მო­პა­რუ­ლი ტილო - "აღ­დგო­მა" კე­დელ­ზე უკი­დი­აო. ეს ის პე­რი­ო­დია, როცა ქურ­დე­ბი აბა­ნო­ში გა­სა­სე­ირ­ნებ­ლად დაჰ­ყავ­დათ. ამ­ბო­ბენ, ბა­ლა­ვა­ძემ იფიქ­რა, - ეს ტილო ყვე­ლა­ზე მე­ტად ცი­ხე­ში იქ­ნე­ბა და­ცუ­ლიო. შემ­დეგ თურ­მე ისიც შე­ი­ტყო, ძა­ლო­ვა­ნე­ბი მის სა­კან­ში ჩხრე­კას და ამ ნივ­თის ამო­ღე­ბას რომ აპი­რებ­დნენ და სპე­ცო­პე­რა­ცი­ას და­ას­წრო, - ნა­ხა­ტი იქი­დან ისე გა­აქ­რო, მისი ამო­ღე­ბა ძა­ლო­ვა­ნებ­მა ვერ შეძ­ლეს.

გიგა ბა­ლა­ვა­ძე ადრე რამ­დენ­ჯერ­მე ნა­სა­მარ­თლე­ვია, მას ბრა­ლი ედე­ბო­და ადა­მი­ა­ნე­ბის გა­ტა­ცე­ბა­ში. ძა­ლო­ვან­თა მტკი­ცე­ბით, მა­შინ და­ნა­შა­უ­ლე­ბის ორ­გა­ნი­ზე­ბას სა­პა­ტიმ­რო­დან მო­ბი­ლუ­რი ტე­ლე­ფო­ნის მეშ­ვე­ო­ბით ახ­დენ­და. კონ­კრე­ტუ­ლად, დედა-შვი­ლის - ელ­გუ­ჯა გვი­ლა­ვა­სა და ელზა კა­ჭი­უ­რის გა­ტა­ცე­ბა­ში ამ­ხი­ლეს. ასე­ვე, მისი სა­ხე­ლი და­უ­კავ­ში­რეს თბი­ლი­სის ყო­ფი­ლი მე­რის, ვანო ზო­დე­ლა­ვას შვი­ლის გა­ტა­ცე­ბას, მას ამ და­ნა­შა­უ­ლის ორ­გა­ნი­ზე­ბა­შიც ედე­ბო­და ბრა­ლი.

რაც შე­ე­ხე­ბა ად­ვო­კატ მა­მუ­ჩაშ­ვილს, მის საქ­მე­ზე წი­ნა­სა­სა­მარ­თლო სხდო­მა 26 აგ­ვის­ტოს გა­ი­მარ­თე­ბა.

თეა ხურ­ცი­ლა­ვა

ჟურ­ნა­ლი "გზა"

(გა­მო­დის ხუთ­შა­ბა­თო­ბით)