2013 წლის ივლისში 2012 წლის ივლისთან შედარებით ინფლაციის დონემ საქართველოში - 0,2 პროცენტი შეადგინა. საქსტატის ბოლო მონაცემებით, 12-თვიან პერიოდში აღნიშნული მაჩვენებლის ფორმირებაში ძირითადი გავლენა იქონია ფასების ცვლილებამ შემდეგ ჯგუფებზე: სურსათი და უალკოჰოლო სასმელები, ტრანსპორტი და ჯანმრთელობის დაცვა.
აღნიშნულ პერიოდში, სურსათსა და უალკოჰოლო სასმელებზე ფასები შემცირდა 1,1 პროცენტით. შესაბამისად, ჯგუფის წვლილმა წლიური ინფლაციის მთლიან მაჩვენებელში -0,38 პროცენტული პუნქტი შეადგინა. ფასების კლება დაფიქსირდა შემდეგ ქვეჯგუფებზე: თევზეული (-5,7 პროცენტი) ბოსტნეული და ბაღჩეული (-4,1 პროცენტი), შაქარი, ჯემი და სხვა ტკბილეული (-7,5 პროცენტი). ამასთან, ფასები გაიზარდა ხილისა და ყურძენის ქვეჯგუფზე (12,7 პროცენტი).
ტრანსპორტის ჯგუფზე ფასები შემცირდა 2,9 პროცენტით. ჯგუფის წვლილმა წლიური ინფლაციის მთლიან მაჩვენებელში -0,37 პროცენტული პუნქტი შეადგინა. აღნიშნულ ჯგუფში ფასები შემცირდა სატრანსპორტო საშუალებების შეძენაზე (-8,3 პროცენტი).
ჯანმრთელობის დაცვა: მოცემულ ჯგუფში ფასები გაიზარდა 5,6 პროცენტით. შესაბამისად, ჯგუფის წვლილმა წლიური ინფლაციის მთლიან მაჩვენებელში 0,45 პროცენტული პუნქტი შეადგინა. ფასები გაიზარდა ამბულატორიულ სამედიცინო მომსახურებაზე (16,1 პროცენტი).
რა? სად? რა ფასად?
გაიგეთ "რადიო მარკეტში"
ყოველ სამუშაო დღეს 10:50 და 11:50 საათზე
რადიო "პალიტრის" ეთერში - FM 103.9