ისევ აქ­ტუ­ა­ლუ­რია ახალ­გაზ­რდებს შო­რის ჩა­დე­ნი­ლი და­ნა­შა­უ­ლე­ბი. თით­ქმის ყვე­ლა ჩვენ­განს გვეს­მის, ქუ­ჩა­ში რო­გორ კა­მა­თო­ბენ ახალ­გაზ­რდე­ბი, რო­გორ იგი­ნე­ბი­ან დე­დის მი­სა­მარ­თით და უშ­ვე­რი სი­ტყვე­ბით რო­გორ ლან­ძღა­ვენ ერ­თმა­ნეთს. თუმ­ცა, ხში­რად ამას არ სჯერ­დე­ბი­ან და რაც ყვე­ლა­ზე სა­გან­გა­შოა, უმ­ნიშ­ვნე­ლო კონ­ფლიქ­ტის გამო შე­უძ­ლი­ათ, ხელ­ში დანა აი­ღონ და თა­ნა­ტო­ლი სა­სიკ­ვდი­ლოდ გა­ი­მე­ტონ. სამ­წუ­ხა­როდ, ამის უამ­რა­ვი მა­გა­ლი­თი არ­სე­ბობს და ამ­ჯე­რად კონ­კრე­ტუ­ლი ფაქ­ტე­ბის ჩა­მოთ­ვლას არ და­ვი­წყებ. ფაქ­ტია, მსგავ­სმა ქუ­ჩურ­მა გარ­ჩე­ვებ­მა და კა­მათ­მა ბევ­რი ახალ­გაზ­რდის სი­ცო­ცხლე შე­ი­წი­რა, ბევ­რი ადა­მი­ა­ნი იხ­დის სას­ჯელს ცი­ხე­ში თა­ნა­ტო­ლის მკვლე­ლო­ბის­თვის, სხე­უ­ლის და­ზი­ა­ნე­ბის­თვის. ბუ­ნებ­რი­ვია, ამით მათი ცხოვ­რე­ბაც ინ­გრე­ვა.

ში­ნა­გან საქ­მე­თა სა­მი­ნის­ტროს ერთ-ერთი თა­ნამ­შრომ­ლის თქმით, ცივ ია­რაღს ახალ­გაზ­რდე­ბის დიდი ნა­წი­ლი ატა­რებს და ეს კვლავ სე­რი­ო­ზუ­ლი პრობ­ლე­მაა. ყო­ველ­დღი­უ­რად ძა­ლო­ვა­ნე­ბი ათო­ბით ადა­მი­ანს აკა­ვე­ბენ და­ნის ტა­რე­ბის­თვის. მათ შო­რის ბევ­რი სკო­ლის მოს­წავ­ლეა და ამის გამო ნა­სა­მარ­თლე­ვის სტა­ტუ­სის მა­ტა­რე­ბე­ლი ხდე­ბა.

ახალ­გაზ­რდე­ბის დიდ ნა­წილს რა­ტომ­ღაც ცივი ია­რა­ღის ტა­რე­ბის გარ­კვე­უ­ლი ტრა­დი­ცია აქვს. ბევ­რი შე­საძ­ლოა, არც არას­დროს ყო­ფი­ლა კა­ნონ­დარ­ღვე­ვა­ში შემ­ჩნე­უ­ლი, მაგ­რამ ჯი­ბე­ში დანა მა­ინც უდევს. ამ­ბობს - ცივ ია­რაღს ჩემი მე­გო­ბა­რი ატა­რებს და უბ­რა­ლოდ, მეც მინ­დო­და, ეს ნივ­თი მქო­ნო­და, არა­ვის არა­ფერს ვუ­შა­ვე­ბო.

დღეს ინ­ტერ­ნე­ტიც აჭ­რე­ლე­ბუ­ლია რეკ­ლა­მე­ბით და ფირ­მე­ბი მსურ­ვე­ლებს ათა­სა­ნა­ირ და­ნას სთა­ვა­ზო­ბენ. მა­გა­ლი­თად, 30 ლა­რად შე­გიძ­ლია ინ­ტერ­ნე­ტით დანა შე­ი­ძი­ნო. "იდე­ა­ლუ­რი დანა ნა­დი­რო­ბი­სა და ლაშ­ქრო­ბის­თვის. და­ნის პირი დამ­ზა­დე­ბუ­ლია მა­ღა­ლი ხა­რის­ხის, უჟან­გა­ვი ფო­ლა­დის­გან", - აღ­ნიშ­ნუ­ლია გან­ცხა­დე­ბა­ში და თან ერ­თვის და­ნის ფოტო. სახ­ლი­დან გა­უს­ვლე­ლად შე­უძ­ლია და­ნის შე­ძე­ნა მსურ­ველს. ძა­ლოვ­ნის თქმით, და­ნის გა­ყიდ­ვი­სას არა­ვინ აქ­ცევს ყუ­რა­დღე­ბას, მყიდ­ვე­ლი რამ­დე­ნი წლი­საა და არას­რულ­წლოვ­ნე­ბი ამ გზით თა­ვი­სუფ­ლად ახერ­ხე­ბენ და­ნის შე­ძე­ნას.

რაც ყვე­ლა­ზე სა­ყუ­რა­დღე­ბოა, ბევ­რმა თურ­მე არც იცის, რომ და­ნის ტა­რე­ბის­თვის პი­რის პა­სუ­ხის­მგებ­ლო­ბის სა­კი­თხი დგე­ბა. არა­და, გა­სულ წელს ეს სა­კი­თხი დე­პუ­ტატ­მა გიგი წე­რე­თელ­მა წა­მოჭ­რა და მა­შინ მან შე­სა­ბა­მი­სი კა­ნონპ­რო­ექ­ტიც წა­რუდ­გი­ნა პარ­ლა­მენტს. წე­რე­თელ­მა ად­მი­ნის­ტრა­ცი­ულ სა­მარ­თალ­დარ­ღვე­ვა­თა კო­დექსში ცვლი­ლე­ბის შე­ტა­ნა მო­ი­თხო­ვა. ქუ­ჩებ­ში, სტა­დი­ო­ნებ­ზე, სკვე­რებ­ში, პარ­კებ­სა და სა­ზო­გა­დო­ებ­რი­ვი თავ­შეყ­რის ად­გი­ლებ­ში, 21 წლის ასაკს მი­უღ­წე­ვე­ლი პი­რის მიერ ცივი ია­რა­ღის ტა­რე­ბა კა­ნო­ნით იკ­რძა­ლე­ბა. თუმ­ცა, რო­გორც ირ­კვე­ვა, ამის შე­სა­ხებ ინ­ფორ­მა­ცია ბევრ ახალ­გაზ­რდას არ აქვს.

ამ დღე­ებ­ში და­ნის ტა­რე­ბის­თვის სრულ­წლო­ვა­ნი ახალ­გაზ­რდაც და­ა­კა­ვეს.

"ჩემი შვი­ლი 20 წლი­საა, ჯარ­ში მსა­ხუ­რობს, სა­კონ­ტრაქ­ტო სამ­სა­ხურ­შია, ხელ­ში ავ­ტო­მა­ტი უჭი­რავს და პო­ლი­ცი­ე­ლებ­მა ქუ­ჩა­ში იმის გამო და­ა­კა­ვეს, რომ ჯი­ბე­ში პა­ტა­რა დანა უპო­ვეს. პას­პორ­ტი მოს­თხო­ვეს, ნა­ხეს, 21 წლის არ იყო და საქ­მე აღიძ­რა. სი­მარ­თლე გი­თხრათ, ეს ჩემ­თვის აღ­მო­ჩე­ნა იყო. ნამ­დვი­ლად არ ვი­ცო­დი, და­ნის ტა­რე­ბა სრულ­წლო­ვან ბიჭს რომ არ შე­ეძ­ლო. არც ჩემ­მა შვილ­მა იცო­და, თო­რემ ის კა­ნონს არ და­არ­ღვევ­და. სას­ჯელს ვერ ავ­ცდით. ვი­ნა­ი­დან პირ­ვე­ლი შემ­თხვე­ვა იყო, 500-ლა­რი­ა­ნი ჯა­რი­მა გა­მო­უ­წე­რეს და ერთი თვის ხელ­ფა­სის გა­დახ­დამ მო­უ­წია. ამის შე­სა­ხებ ხალ­ხს ინ­ფორ­მა­ცი­ას რა­ტომ არ აწ­ვდი­ან? რომ მცოდ­ნო­და, ბავ­შვს ვე­ტყო­დი და არ ატა­რებ­და. ვი­ცო­დი, დანა რომ ჰქონ­და. თუმ­ცა, დარ­წმუ­ნე­ბუ­ლი ვარ, ცუდი საქ­მის­თვის არ გა­მო­ი­ყე­ნებ­და. ეს გა­რე­მო­ე­ბე­ბი არა­ვინ გა­ით­ვა­ლის­წი­ნა და ჯა­რი­მა გა­მოგ­ვი­წე­რეს", - მი­თხრა ბა­ტონ­მა გი­ორ­გიმ. მან გვა­რის და­სა­ხე­ლე­ბის­გან თავი შე­ი­კა­ვა. რო­გორც გა­ირ­კვა, პატ­რუ­ლის თა­ნამ­შრო­მელ­მა შემ­თხვე­ვით მის ჯი­ბე­ში დანა შე­ნიშ­ნა და ამი­ტომ გა­ა­ჩე­რა. რო­გორც წესი, პატ­რულს თუ არ აქვს ოპე­რა­ტი­უ­ლი ინ­ფორ­მა­ცია, პი­რის ქუ­ჩა­ში ჩხრე­კა არ შე­უძ­ლია. სა­პატ­რუ­ლო პო­ლი­ცი­ის თა­ნამ­შრო­მელ­მა მი­თხრა, და­ნის აღ­მო­ჩე­ნა პრობ­ლე­მას არ წარ­მო­ად­გენს, გან­სა­კუთ­რე­ბით - ზა­ფხულ­ში, რად­გან გა­მო­სა­ჩენ ად­გი­ლას უდევთ ახალ­გაზ­რდებს და­ნე­ბიო.

- არას­რულ­წლოვ­ნე­ბის მიერ ცივი ია­რა­ღის ტა­რე­ბა საკ­მა­ოდ სე­რი­ო­ზუ­ლი პრობ­ლე­მაა და ეს საფრ­თხეს პირ­ველ რიგ­ში მათ უქ­მნის. უმე­ტეს შემ­თხვე­ვა­ში, ახალ­გაზ­რდა გა­უ­აზ­რებ­ლად იყე­ნებს და­ნას და ხში­რად ეს ფა­ტა­ლუ­რი შე­დე­გით მთავ­რდე­ბა. ძა­ლი­ან მნიშ­ვნე­ლო­ვა­ნია არას­რულ­წლოვ­ნე­ბის დაც­ვა ამ მავ­ნე ჩვე­ვი­სა­გან და ყვე­ლა­ფე­რი უნდა გა­ვა­კე­თოთ, რომ ასე­თი შე­დე­გე­ბი თა­ვი­დან ავი­ცი­ლოთ. ამო­ღე­ბულ და­ნას ექ­სპერ­ტი­ზა უტარ­დე­ბა და შემ­დეგ დად­გინ­დე­ბა, ის ცივ ია­რაღ­თა კა­ტე­გო­რი­ას გა­ნე­კუთ­ვნე­ბა თუ - არა. რო­გორც წესი, თით­ქმის ყვე­ლა სა­ხის და­ნის ტა­რე­ბა ის­ჯე­ბა და სამ­წუ­ხა­როდ, ამა­ზე ინ­ფორ­მი­რე­ბუ­ლი არ არის სა­ზო­გა­დო­ე­ბა. ვურ­ჩევ მშობ­ლებს, 21 წლამ­დე ასა­კის ახალ­გაზ­რდე­ბის ახ­ლობ­ლებს, მი­აქ­ცი­ონ ყუ­რა­დღე­ბა და არ მის­ცენ მათ მსგავ­სი ნივ­თე­ბით სი­ა­რუ­ლის უფ­ლე­ბა.

- კა­ნო­ნით რო­გორ რე­გუ­ლირ­დე­ბა ეს მუხ­ლი?

- 238-ე პრი­მა მუხ­ლი არე­გუ­ლი­რებს ამ სა­კითხს. თუ პი­როვ­ნე­ბა 21 წელ­საა მიღ­წე­უ­ლი და ის არ არის ადრე ნა­სა­მარ­თლე­ვი, არ აქვს წარ­სუ­ლი შე­ბღა­ლუ­ლი, შე­უძ­ლია, ცივი ია­რა­ღი ატა­როს. 21 წლამ­დე კი აკ­რძა­ლუ­ლია ცივი ია­რა­ღის ტა­რე­ბა. ბოლო დროს ახალ­გაზ­რდებ­მა მა­სობ­რი­ვად და­ი­წყეს და­ნე­ბით სი­ა­რუ­ლი. მა­გა­ლი­თად, წუ­ხელ მო­რი­გე ვი­ყა­ვი და თბი­ლის­ში 16 ახალ­გაზ­რდა და­ვა­კა­ვეთ და­ნის ტა­რე­ბის­თვის. ბოლო 4 დღე­ში 48 ადა­მი­ა­ნი გა­მო­ვავ­ლი­ნეთ. თით­ქმის ყვე­ლა შემ­თხვე­ვა იყო პირ­ვე­ლი და ამი­ტომ 500-500-ლა­რი­ა­ნი ჯა­რი­მით გა­თა­ვი­სუფ­ლდნენ. რო­გორც წესი, თუ პირი არას­რულ­წლო­ვა­ნია, მისი და­კი­თხვა მშობ­ლის თან­დას­წრე­ბით ხდე­ბა. Gგა­საკ­ვი­რია, მშობ­ლე­ბიც ამ­ბო­ბენ, ვი­ცო­დით ჩვე­ნი შვი­ლი და­ნას რომ ატა­რებ­და, მაგ­რამ არ დაგ­ვიშ­ლია, რად­გან არ ვი­ცო­დით, ეს თუ კა­ნო­ნით ის­ჯე­ბო­დაო.

- რა ტი­პის და­ნებს ატა­რე­ბენ ახალ­გაზ­რდე­ბი?

- პა­ტა­რა და­ნებს, მაგ­რამ ეს იკ­რძა­ლე­ბა. რო­გორც წესი, უდევთ შარ­ვლის პა­ტა­რა ჯი­ბე­ში, გა­მო­სა­ჩენ ად­გი­ლას და ამით ამის აფი­ში­რე­ბას აკე­თე­ბენ. ბევ­რს ჩა­მო­კი­დე­ბუ­ლი აქვს დანა გა­სა­ღე­ბის ჩა­მო­სა­კიდ­ზე და ხელ­ში ატ­რი­ა­ლებს. სპე­ცი­ა­ლუ­რად ისეთ ად­გი­ლებ­ში აქვთ, რომ მე­ო­რე ადა­მი­ან­მა და­ი­ნა­ხოს. არ მა­ლა­ვენ. ძი­რი­თა­დად, მო­და­შია შვე­ი­ცა­რი­უ­ლი და­ნე­ბი და ამის გა­მო­წე­რას ინ­ტერ­ნე­ტით ახერ­ხე­ბენ. გუ­შინ პა­ტა­რა ბიჭი მო­დი­ო­და ქუ­ჩა­ში, და­ნას ხელ­ში ათა­მა­შებ­და და გა­ვა­ჩე­რეთ. აღ­მოჩ­ნდა 18 წლის. იგი­ვე პა­სუ­ხი ჰქონ­და, - არ ვი­ცო­დი, აკ­რძა­ლუ­ლი თუ იყოო. რა­ტომ­ღაც კა­ნონს ყუ­რა­დღე­ბას არ აქ­ცე­ვენ.

- ჩხრე­კას ვერ ატა­რებთ და აღ­მო­ჩე­ნა რა გზით ხდე­ბა?

- გან­სა­კუთ­რე­ბით იო­ლია ზა­ფხულ­ში გა­მოვ­ლე­ნა. ქუ­ჩა­ში მი­დის ახალ­გაზ­რდა და ვხე­დავთ, რო­გორ უდევს ჯი­ბე­ში დანა. მარ­თლა არ მა­ლა­ვენ. ბოლო დროს ანა­ლი­ზი გა­კეთ­და და გა­ირ­კვა, რომ ცივი ია­რა­ღის ტა­რე­ბა მო­დად იქცა. ჯა­რი­მა პირ­ველ შემ­თხვე­ვა­შია 500 ლარი. თუ მე­ო­რედ იმა­ვე პირს და­ვა­კა­ვებთ, მა­შინ მას 2 წლამ­დე პა­ტიმ­რო­ბა ემუქ­რე­ბა. არა­ნა­ი­რი მნიშ­ვნე­ლო­ბა არ აქვს, რა ფორ­მის და­ნას ატა­რებ, პა­ტა­რა და­ნი­თაც შე­იძ­ლე­ბა ადა­მი­ა­ნი დაჭ­რა. სკო­ლის წარ­ჩი­ნე­ბუ­ლი მოს­წავ­ლე და­ვა­კა­ვე, შე­წუ­ხე­ბუ­ლი იყო მშო­ბე­ლი, - ჩემს შვილს სულ ვა­კონ­ტრო­ლებ, გა­მოც­დე­ბიც უმაღ­ლეს ქუ­ლებ­ზე ჩა­ა­ბა­რა და იმის გამო რო­გორ უნდა შე­ე­ბღა­ლოს წარ­სუ­ლი, დანა ჯი­ბე­ში რომ ედოო. მო­ვუ­წო­დებ კი­დევ ერთხელ ყვე­ლას, შე­ა­მოწ­მონ შვი­ლე­ბი, მათ აუკ­რძა­ლონ ცივი ია­რა­ღის ტა­რე­ბა და მერ­წმუ­ნეთ, ამით და­ნა­შა­ულ­საც ავი­ცი­ლებთ. ბევ­რი შე­იძ­ლე­ბა არც იყოს და­ნა­შა­უ­ლის­კენ მიდ­რე­კი­ლი და მხო­ლოდ იმის გამო ატა­რებ­დეს, რომ უბ­რა­ლოდ მის მე­გო­ბარ­საც აქვს დანა, მაგ­რამ კა­ნო­ნი კა­ნო­ნია და მისი დაც­ვა ყვე­ლა მო­ქა­ლა­ქეს ევა­ლე­ბა.

სა­ქარ­თვე­ლოს პატ­რი­არ­ქიც შე­აშ­ფო­თა ქუ­ჩა­ში მომ­ხდარ­მა და­ნა­შა­უ­ლებ­მა და წლე­ბის წინ მან მრევლს მო­უ­წო­და, ჯი­ბით დანა არ ატა­რონ. "ძა­ლი­ან ვწუხ­ვარ, რომ ხში­რია მკვლე­ლო­ბე­ბი. ხში­რია შემ­თხვე­ვა, როცა ერთი ადა­მი­ა­ნი სა­სიკ­ვდი­ლოდ იმე­ტებს მე­ო­რეს. ღვთის­მშობ­ლის წილ­ხვედრ ქვე­ყა­ნა­ში ეს სა­მარ­ცხვი­ნოა. მე ვთხო­ვე მოს­წავ­ლე­ებს, სტუ­დენ­ტებს და ახლა მოგ­მარ­თავთ ყვე­ლას, ნუ ატა­რებთ და­ნას ჯი­ბით, რად­გან ქარ­თვე­ლი ადა­მი­ა­ნი იმ­დე­ნად ემო­ცი­უ­რია, რომ ყვე­ლა­ფე­რი ავი­წყდე­ბა და კლავს სხვა ადა­მი­ანს. ამი­ტომ ყვე­ლას მოგ­მარ­თავთ, არ გინ­დათ, ნუ ატა­რებთ და­ნას ჯი­ბით, რომ ეშ­მაკ­მა არ გა­მო­გი­ყე­ნოთ თქვენ", - ბრძა­ნა უწ­მინ­დეს­მა მა­შინ, თა­ვის საკ­ვი­რაო ქა­და­გე­ბა­ში. მორ­წმუ­ნე ახალ­გაზ­რდებ­მა პატ­რი­არ­ქის ეს მო­წო­დე­ბა მა­შინ აი­ტა­ცეს. თუმ­ცა, ალ­ბათ უწ­მინ­დე­სის სი­ტყვე­ბის შეხ­სე­ნე­ბა ახალ­გაზ­რდე­ბის­თვის არც ამ­ჯე­რად იქ­ნე­ბა ზედ­მე­ტი, ხში­რად რომ გა­იხ­სე­ნონ მისი კურ­თხე­ვა და დანა არ ატა­რონ ჯი­ბით.

თეა ხურ­ცი­ლა­ვა

ჟურ­ნა­ლი "გზა"

(გა­მო­დის ხუთ­შა­ბა­თო­ბით)