მნიშვნელოვანი ინფორმაცია
15
ივნისიდღის ზოგადი ასტროლოგიური პროგნოზი
კვირა, მთვარის მეცხრამეტე დღე დაიწყება 01:02-ზე – ფრთხილად იყავით სიტყვებთან და ქმედებებთან, იოლია კონფლიქტური სიტუაციის პროვოცირება. დღე მშვიდად გაატარე, მაგრამ არა მარტოობაში. ყურადღებით შეამოწმეთ ყველა ინფორმაცია. სერიოზული საქმეები გადადე. გაასუფთავეთ თქვენი სამუშაო ადგილი არასაჭირო ნივთებისგან. არ არის რეკომენდებული ხელშეკრულებების გაფორმება, ახალ სამსახურში გადასვლა. დაუფიქრებლად მოქმედება, მთვრალ ადამიანებთან ურთიერთობა, უცნობ ადამიანებთან კონტაქტი. მიიღეთ მარტივი საკვები და დაიცავით დიეტა. ორგანიზმის გადატვირთვამ შეიძლება გამოიწვიოს უსიამოვნო შედეგები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თბილისში ყაჩაღი მათხოვრები გამოჩნდნენ
23:18 / 02-08-2013
ბოლო ხანს ჩვენს ქალაქში უცნაური ამბები ხდება. კონკრეტულად კი პრესტიჟულ უბნებში (საბურთალო, ვერა, ვაკე და მარჯანიშვილის მოედნის მიმდებარე ტერიტორია), მნიშვნელობა არა აქვს დღე იქნება თუ ღამე, ადამიანები კარგად ჩაცმული ყაჩაღი მათხოვრების სამიზნე ხდებიან. აშკარაა, რომ ქალაქში მოქმედებენ ე.წ. მათხოვრების ჯგუფები, რომლებიც მოქალაქეებისთვის ფულის გამოძალვის ადგილად, რაოდენ გასაკვირიც უნდა იყოს, პოლიციის შენობის მიმდებარე ტერიტორიებს, ზოგჯერ კი უშუალოდ პოლიციის ეზოებს ირჩევენ.
ამის მოწმეც და მსხვერპლიც პირადად შევიქენი ორიოდე დღის წინ, გაჩერებაზე, სამარშრუტო ტაქსის მოლოდინში. 40-45 წლის მამაკაცი 16-იოდე წლის გოგონას წამოეწია, მკლავზე ხელი წაავლო და უთხრა - გახსენი ჩანთა და ფული მომეცი, შენთვის ასე აჯობებსო. აცრემლებულმა გოგონამ მიუგო, 2 ლარი მაქვს, მეტი არა, რომ მოგცე, სამგზავრო ფული აღარ დამრჩებაო. მოკლედ, გოგონა როგორღაც ხელიდან დაუსხლტა გამომძალველს და მიწისქვეშა ჩასასვლელს სირბილით მიაშურა... ახლა სხვა გოგონა ამოიღო მიზანში და მას აედევნა. მანაც ხელჩანთიდან ფული ამოიღო, მათხოვარს ხელში შეაჩეჩა და სირბილით გაერიდა იქაურობას. ხმა დავადევნე, რატომ მიეცი და არ შეეწინააღმდეგე-მეთქი და იცით, რა მიპასუხა?! - გუშინწინ რომ შევეპასუხეთ, მეც და ჩემს დასაც გვცემაო... ამასობაში გამომძალველმა გეზი ჩემკენ აიღო. იქვე მდგომმა ქალბატონმა მიჩურჩულა, უარი არ გაბედო, ცოტაოდენი თანხა მიეცი და გეტყვი, ეს რატომაც ხდებაო. მათხოვარი მომიახლოვდა, ხელი გამომიშვირა და ჩემთვის უკვე ნაცნობი ტექსტიც მოაყოლა: ფული მომეცით, ქალბატონო და უარი არც გაბედოთო. მეც მორჩილად ამოვიღე ჩანთიდან ლარიანი და გავუწოდე. რა იყო, ამაზე მეტი არ მოგცა ბიძინამო, მითხრა, მერე კი მეც და იქ მდგომ საზოგადოებასაც გვარიანად შეგვიკურთხა და სულ ბიძინას მონები გვეძახა. როცა გამომძალველი მორიგი მსხვერპლის დასაზვერად გაეშურა, იქ მდგომ ადამიანებს მივმართე, პოლიცია აქვეა, არ მივმართოთ-მეთქი? ქალბატონმა, რომელმაც მათხოვრისთვის ფულის მიცემა მირჩია, მიპასუხა: "აქვე ვცხოვრობ, ტელევიზიის გვერდით, პოლიციის შენობის უკან. რაც ახლა ნახეთ, ასეთი სურათის მოწმე ყოველდღიურად ვხდები. ორ-სამ კაციანი ჯგუფები სწორედ პოლიციის წინ სკვერში მჯდომ ქალბატონებს სძალავენ ფულს. უარის შემთხვევაში ლანძღვა-გინებით იკლებენ და არც ფიზიკურ შეურაცხყოფას ერიდებიან. ჩემი აზრით, ეს ყველაფერი გამიზნულად ხდება"... მსგავსი თავგადასავალი გადახდა 10-ოდე დღის წინ, საღამოხანს ჩვენს ორ კოლეგას სწორედ ზემოაღნიშნულ სკვერში. ოღონდ იმ განსხვავებით, რომ ჟურნალისტებმა ამ ყველაფრის შემდეგ ხმაური ატეხეს, გამომძალველები კი პოლიციის გამოჩენისთანავე ტაქსიში ჩასხდნენ და გაუჩინარდნენ. ამ ამბის შემდეგ ასეთ ადგილებში ორ-ორი პოლიციელი პატრულირებს, თუმცა მსგავსი ფაქტები მაინც ხდება. ამ ყველაფერში საეჭვო ის არის, რომ ყველა ე.წ. მათხოვარი (ვინც მე და ჩემმა მეგობრებმა ვნახეთ) ძალიან კარგად არის ჩაცმული და ყველა მათგანის ასაკი 30 წელს აღემატება. საგულისხმოა ისიც, რომ ასეთი ფაქტები პოლიციის შენობის მიმდებარედ და თანაც, პრესტიჟულ უბნებში ხდება.
დარეჯან ლიპარტელიანი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისრაელმა ირანზე მასშტაბური დარტყმები განახორციელა: განადგურებულია ბირთვულ იარაღი, დაიღუპნენ სამხედრო მეთაურები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
