მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"პალიტრა L"-მა პროექტ "ჩემი რჩეული მსოფლიოს" პრეზენტაცია გამართა
11:16 / 01-08-2013
თბილისის რკინიგზის პირველ ბაქანზე პროექტ "ჩემი რჩეული მსოფლიოს" პრეზენტაცია გაიმართა. დღეიდან ყოველ ხუთშაბათს მკითხველს ჟურნალ "გზასთან" ერთად "ჩვენი რჩეული მსოფლიოს" პროექტის ფარგლებში მსოფლიო პროზის საუკეთესო ნიმუშების შეძენის შესაძლებლობა ექნება.
როგორც "ინტერპრესნიუსთან" საუბრისას "პალიტრა მედიის" კრეატიულმა დირექტორმა მარიკა დარჩიამ განაცხადა, პროექტის პრეზენტაციის ადგილი სიმბოლურად შეირჩა მათთვის, ვისაც ლიტერატურასთან ერთად ცხოვრება და მგზავრობა უყვარს. მისივე თქმით, მკითხველი ჟურნალ "გზასთან" ერთად მსოფლიო პროზის საუკეთესო ნიმუშების ტომეულების შეძენას მოახერხებს და ეს გამოცემები იქნება ძალიან კრეატიული, ლამაზი და შინაარსიანი. პროექტის ფარგლებში ვიქტორ ჰიუგოს 7 ტომეული გამოიცემა.
როგორც "ინტერპრესნიუსთან" საუბრისას გამომცემლობა "პალიტრა L"-ის მთავარმა რედაქტორმა ნინო დეკანოსიძემ აღნიშნა, მკითხველები გამომცემლობაში გამუდმებით რეკავდნენ და უკმაყოფილებას გამოთქვამდნენ, რომ 50 წიგნის პროექტში ცნობილი მწერლების მხოლოდ ერთი ნაწარმოები მოხვდა. მისივე თქმით, მკითხველების მოთხოვნიდან გამომდინარე გადაწყდა, რომ მსოფლიო პროზის საუკეთესო ნიმუშები ტომების სახით გამოცემულიყო.
დღეს გამოიცა "ჩვენი რჩეული მსოფლიოს" პირველი წიგნი ვიქტორ ჰიუგოს "93 წელი", შემდეგი გამოცემები იქნება "პარიზის ღვთისმშობლის ტაძარი" და "საბრალონი", ხოლო მომდევნო ავტორი კი შტეფან ცვაიგი იქნება.
ამასთან, გამომცემლობა "პალიტრა L"-მა 10 დღის წინ ჩაატარა კონკურსი პროექტის სლოგანის მოსაფიქრებლად, კერძოდ, მკითხველებს უნდა დაესრულებინათ ფრაზა "მსოფლიომ დაწერა, რომ შენ ...". აღნიშნულ კონკურსში გაიმარჯვა დავით დარჩიამ, რომელმაც ფრაზა დაასრულა სიტყვებით "გახდე უკეთესი". "პალიტრა მედიამ" გამარჯვებული ვიქტორ ჰიუგოს წიგნით დააჯილდოვა.
პროექტ "ჩემი რჩული მსოფლიოს შედევრების" შეძენა მკითხველს ყოველ ხუთშაბათს, ჟურნალ "გზასთან" ერთად 6 ლარად შეეძლება.
იხილეთ ვიდეო: "ჩემი რჩული მსოფლიო" - "პალიტრა-L"-ის ახალი პროექტი დაიწყო
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
_2019-10-07_pcZAK5dDPSlBIBs.jpg)
