24
მაისიდღის ზოგადი ასტროლოგიური პროგნოზი
ინდონეზიელმა მამაკაცმა, რომელმაც სახლის ძარცვის დროს ბავშვის ტირილის ხმა გაიგონა, ჩვილს საკვები აჭამა, უმღერა და დააძინა. ამის შესახებ ადგილობრივი მედია იტყობინება. ინციდენტი ჯაკარტში მოხდა.
როგორც ბრიტანული გამოცემა Metro იტყობინება, კოჯეკ მისტა სხვა ქურდებთან ერთად ძარვცის მიზნით სახლში დილით შეიჭრა. მათ დიასახლისი და ბავშვის ძიძა გაკოჭეს. ხმაურზე პატარას გაეღვიძა და ტირილი დაიწყო.
მისტამ დედას ჰკითხა, რა უნდა გაეკეთებინა, რომ ბავშვი გაჩუმებულიყო. მან ქურდს ბავშვის რძით გამოკვება სთხოვა. მაშინ მძარცველმა პატარა ხელში აიყვანა, უმღერა და აჭამა.
მალევე ბავშვს მძარცველის ხელში დაეძინა. კოჯეკმა ის კვლავ საწოლში ჩააწვინა.
"მეც მყავს შვილი და ვიცი, როგორ უნდა დავაძინო ბავშვი", - განაცხადა კოჯეკმა პოლიციის განყოფილებაში ჟურნალისტთან საუბრისას.
ბავშვის გაჩუმების შემდეგ ქურდებმა სახლიდან ძვირფასი ნივთები გაიტანეს და მიიმალნენ, მაგრამ პოლიციამ ისინი მალევე იპოვა. მისტას 10 წლამდე პატიმრობა ემუქრება.
მომზადებულია metro.co.uk-ის მიხედვით.
