სტალინის ძეგლს ბელადის სახლ-მუზეუმის წინ დადგამენ

საქართველოს კულტურის სამინისტრომ გორის საკრებულოს შუამდგომლობა სტალინის ძეგლის გადატანის შესახებ, წერილობით უკვე დაკმაყოფილა. ქალაქის ცენტრალური მოედნიდან 2010 წლის ივნისში აღებულ ძეგლს 2013 წლის 21 დეკემბერს (სტალინის დაბადების დღეს) დაამონტაჟებენ. ქანდაკება სტალინის სახლ-მუზეუმის ეზოში, ბელადის ძველი სახლის წინ აღიმართება, მუნიციპალიტეტი სამუშაოების დაწყებას უახლოეს დღეებში აპირებს.

საზოგადოება "სტალინელების" წევრები ფიქრობენ, რომ ბელადის ძეგლს შადრევნის წინ დადგმა მოუხდებოდა.

იხილეთ ვრცლად

შიდა ქართლის საინფორმაციო ცენტრი