მნიშვნელოვანი ინფორმაცია
20
ივნისიდღის ზოგადი ასტროლოგიური პროგნოზი
პარასკევი, მთვარის ოცდამეოთხე დღე დაიწყება 01:42-ზე, მთვარე ვერძშია – ფიზიკური ძალის ძლიერი ზრდაა. შესანიშნავია საპირისპირო სქესთან კომუნიკაცია. ხელსაყრელია საძირკვლის ჩაყრა, ბიზნესის დაწყება და სახლის მშენებლობის ან რემონტის დაწყება. გაუმკლავდეთ ფულთან დაკავშირებულ საკითხებს. განიხილეთ მიმდინარე საქმეები. კარგია არქივთან მუშაობა. დაასრულეთ მნიშვნელოვანი პროექტები. დაიწყეთ რემონტი. იყიდეთ უძრავი ქონება. კარგია გამოფენების, სპექტაკლების, კონცერტების, შემოქმედებითი საღამოების გამართვა. ისწავლეთ, აიმაღლე კვალიფიკაცია. საკვები უნდა იყოს მრავალფეროვანი და ნოყიერი. არ არის მიზანშეწონილი შიმშილი. კარგია ვარჯიში და იოგა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ნოდარ გურგენაშვილი ფეხბურთის გუნდის მწვრთნელობაზე ოცნებობს
23:15 / 27-07-2013
მსახიობი ნოდარ გურგენაშვილი თავისი პერსონაჟისგან - პაატასგან (სერიალში - "შუა ქალაქში") ძალიან განსხვავდება და ამას თავადაც ხაზგასმით აღნიშნავს. მსახიობი ცოტა არ იყოს, სიტყვაძუნწი გახლავთ. ის ზოგჯერ თბილისში უკეთ ისვენებს, ვიდრე - ზღვაზე ან მთაში. გარეგნობაზე განსაკუთრებულად არ ზრუნავს. სპორტის არც ერთი სახეობით არ გახლავთ დაკავებული, თუმცა ამ სფეროში მუშაობა სურს...
ვარჯიში და დიეტა
- არ ვვარჯიშობ და დიეტაც არასოდეს დამიცავს. ბავშვობაშიც გამხდარი ვიყავი. ახლა ვარჯიში მჭირდება, მაგრამ მეზარება. თუმცა, პროფესიის გამო შემიძლია, გავსუქდე ან პირიქით - წონაში დასაკლებად ვივარჯიშო...
ტატუ
- 17 წლის ვიყავი, როცა მხარზე ტატუ გავიკეთე. მას არავითარი სიმბოლური დატვირთვა არ აქვს. უბრალოდ, ორნამენტია. ამაზე ოჯახის წევრებს ჩვეულებრივი რეაქცია ჰქონდათ - აბა, ხელს ხომ არ მომაჭრიდნენ? ჩემი ტატუ ჯერ არ მომბეზრებია, პირიქით - სურვილი მაქვს, სხეულზე კიდევ ამოვისვირინგო რამე. ამჯერად, "შინაარსიან" ტატუს გავიკეთებ, მაგრამ ჯერ არ ვიცი - რას...
სამოსი
- კომფორტული სამოსი მიყვარს. უპირატესობას მუქ ფერებს ვანიჭებ. ტანსაცმელს იქ ვიძენ, სადაც მომეწონება. შოპინგის პროცესი მაგრად მეზარება, უფრო მეტიც - მეზიზღება! მირჩევნია, ტანსაცმელი სხვამ მომიტანოს, მაგრამ თუ არ მომეწონება, უბრალოდ - არ ჩავიცვამ. რამდენიმე ახლობელი ადამიანის გემოვნებას ვენდობი, მაგრამ იშვიათია შემთხვევა, როცა ტანსაცმლის შერჩევისას ვინმეს აზრს ვითვალისწინებ. ძირითადად, იმას ვიცვამ, რაც თავად მომწონს.
აქსესუარები
- სათვალეები მიყვარს - "რეიბანები" მიკეთია ხოლმე. სამაჯურსა და ყელსაბამს ვერ ვეგუები. ქუდებიც მიყვარს. რომ გითხრათ, - ქამრებზე ვგიჟდები-მეთქი, მოგატყუებთ: ქამარს მხოლოდ იმიტომ ვიკეთებ, რომ შარვალი არ ჩამძვრეს...
საქმე
- მსახიობი ვარ და ჩემი საქმე მიყვარს - საინტერესოა...
- თქვენი აზრით, სერიალში - "შუა ქალაქში" პაატა კიდევ რამდენ ხანს იქნება?
- ვერ გეტყვით, ეს ჩემზე არ არის დამოკიდებული. რამდენ ხანსაც საჭირო იქნება, სერიალში იმდენ ხანს დავრჩები...
- როგორც ვიცი, მსახიობობის გარდა, პედაგოგადაც მუშაობდით...
- ასეა. სოხუმის მოზარდ მაყურებელთა თეატრში ვმუშაობდი; 3 წლის განმავლობაში ბავშვებს სამსახიობო ოსტატობას ვასწავლიდი.
- პოპულარული კომიკური პერსონაჟის როლის შემსრულებლისგან ბავშვებს შენიშვნების სერიოზულად აღქმა ხომ არ უჭირდათ?
- ამ სამსახურს სერიალში გამოჩენიდან სულ რაღაც 2 თვეში დავანებე თავი.
- რატომ? იქ მუშაობა თქვენთვის საინტერესო აღარ იყო?
- საინტერესო იყო, მაგრამ რაღაც ვერ აეწყო... ჰოდა, მეც წამოვედი. კონკრეტული მიზეზი არ მქონია.
ბენდი
- მუსიკა მაგრად მიყვარს! ჩემი ბენდისთვის მუსიკასა და ტექსტებს ვწერ, ვუკრავ... ახლა კონცერტის გამართვას ვაპირებთ.
- მუსიკალური განათლება გაქვს?
- არანაირი. თვითნასწავლი ვარ. რაღაც ბენდებს ვუსმენდი, მერე მეც მომინდა, დამეკრა და მემღერა. კონკრეტული ჟანრში არ ვმუშაობ. ჩვენი ბენდის მუსიკა პოპის, როკის, რეპის, ჯაზის, ბლუზის, ალტერნატივის ნაზავია.
- მუსიკალურ კონკურსში მონაწილეობა აზრად არასოდეს მოგსვლიათ?
- არა. არავის ვეჯიბრები; რაც "მისწორდება", იმას ვაკეთებ. შეჯიბრება განა ცუდია, მაგრამ მე საკუთარ სიმღერებს ვუკრავ და ვმღერი, სხვისი შემოქმედების შესრულება არ მიყვარს.
- რომელ მუსიკალურ ინსტრუმენტზე უკრავთ?
- გიტარაზე, კლავიშზე, პიანინოზე, დრამზე, ბასზე... რაც მთავარია, ვმღერი! ყველაზე მეტად ეს მიყვარს.
- თქვენს ბენდს რამდენი წევრი ჰყავს?
- სხვადასხვა მუსიკოსთან ვურთიერთობ და ხან ხუთნი ვართ, ხან - შვიდნი, სამნი... ამჟამად ბენდს "ელექტრომაუსი" ჰქვია, მაგრამ შეიძლება, სახელწოდება შევცვალოთ...
ოჯახი
- მეუღლე და შვილი მყავს. ჩემი გოგონა რამდენიმე თვის გახლავთ. მეუღლე მსახიობია, უნივერსიტეტი ახლახან დაამთავრა. ის ჩემზე ბევრად ნიჭიერია, რაც მახარებს... ხან სამსახურში ვარ, ხან - სახლში, ხან - მეგობრებთან ერთად. მოკლედ, დრო ყველასთვის მრჩება.
სამეგობრო წრე
- ჩემი მეგობრები კარგი ადამიანები არიან. რაც უფრო მეტნი იქნებიან, ჩემთვისვე იქნება უკეთესი.
- რა უნდა გააკეთოს მეგობარმა, რომ დასაკარგად გაიმეტოთ?
- საერთოდ, თითქმის ყველაფრის პატიება შემიძლია. ვფიქრობ, ადამიანმა ისეთი რამ არ უნდა იკადროს, რომ დასაკარგი გახდეს... საბედნიეროდ, ჩემს სამეგობრო წრეში ასეთი რამ არ მომხდარა.
თაყვანისმცემლები
- ყველანაირი ასაკისა და კატეგორიის ადამიანები მეკონტაქტებიან - ბავშვებიც და უფროსებიც.
- ისინი თქვენ მიმართ პატივისცემასა და სიყვარულს როგორ გამოხატავენ?
- მელაპარაკებიან, კომპლიმენტებს მეუბნებიან, მკოცნიან...
- გულდაწყვეტილი, გაბრაზებული თაყვანისმცემლები თუ გყავთ?
- არა. ვცდილობ, ყველას ვეკონტაქტო, ვისაც ეს სურს...
ჰობი
- ფეხბურთი ძალიან მომწონს. მინდა, გუნდის მწვრთნელი ვიყო.
- ეს ხუმრობაა?
- არა, ამას გულწრფელად ვამბობ. სპორტის არც ერთი სახეობით არ ვარ დაკავებული, მაგრამ სიამოვნებით გავხდებოდი რომელიმე საფეხბურთო კლუბის მწვრთნელი. ამ სფეროში პროფესიული განათლების მიღების სურვილი მაქვს. ბავშვობაში ფეხბურთს მოყვარულის დონეზე ვთამაშობდი ხოლმე.
- წარმატებით?
- ისე, რა... მაშინ უბრალოდ, ვერთობოდი. დაახლოებით 3 წელია, რაც სპორტის ამ სახეობის მიმართ ინტერესი გამიძლიერდა.
ეთო ყორღანაშვილი
(გამოდის ხუთშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
