პარლამენტში შესულ შეტყობინებასთან დაკავშირებით საქმე ტერორიზმის შეტყობინების მუხლით აღიძრა

პარლამენტის შენობაში ბომბის არსებობასთან შესახებ შესულ შეტყობინებასთან დაკავშირებით სისხლის სამართლის კოდექსის 331-ე მუხლის საფუძველზე საქმე აღიძრა. საქმე ტერორიზმის შეტყობინებას ეხება. ამის შესახებ ჟურნალისტებს იმერეთისა და რაჭა-ლეჩხუმის სამხარეო პოლიციის დეტექტივების სამმართველოს უფროსმა სერგო ადეიშვილმა განუცხადა.

"დღეს, 15:00 საათზე, პოლიციაში შემოვიდა შეტყობინება ქუთაისში, პარლამენტის შენობაში ბომბის არსებობის შესახებ. შეტყობინებას მოჰყვა ადეკვატური რეაქცია, გამოძახებულია სამაშველო ჯგუფი, გამნაღმველები და მოხდა შენობის ევაკუაცია. საქმე აღძრულია სისხლის სამართლის კოდექსის 331-ე მუხლით, რაც ტერორიზმის შესახებ შეტყობინებას ეხება", - განაცხადა ადეიშვილმა.

შენობა დატოვეს პარლამენტის წევრებმა და თანამშრომლებმა. სამართალდამცველი ორგანოების წარმომადგენლები ასევე ითხოვენ შენობის მიმდებარე ტერიტორიის დატოვებას.

პარლამენტის თავმჯდომარემ განცხადება ცოტა ხნის პარლამენტის შენობაში გააკეთა, თუმცა ჯერჯერობით ცნობილი არ არის გამოსულია თუ არა შენობიდან დავით უსუფაშვილი.

იხილეთ ვიდეო: პარლამენტში ევაკუაცია გამოცხადდა - შენობაში ნაღმს ეძებენ

"ინტერპრესნიუსი"