მნიშვნელოვანი ინფორმაცია
1
ივნისიდღის ზოგადი ასტროლოგიური პროგნოზი
ორშაბათი, მთვარის მეშვიდე დღე დაიწყება 11:53-ზე, მთვარე ქალწულს ესტუმრება 07:02-ზე – კარგია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა. უმჯობესია თავი შეიკავოთ დიდი რაოდენობით ქონის, ლორის, ქაშაყის, დამუშავებული ყველის და მსგავსი პროდუქტების მიღებაზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რატომ იმყოფებოდა კუბლაშვილის მოადგილე ბრიუსელში უგულავასთან ერთად
23:19 / 26-07-2013
სასამართლო სისტემაში მიმდინარე რთულ პროცესებზე, ცვლილებების აუცილებლობაზე იუსტიციის უმაღლესი საბჭოს წევრი, სამართლის დოქტორი ევა გოცირიძე გვესაუბრება.
- ახალციხეში მოსამართლე გოჩა ჯეირანაშვილის მიერ გამოტანილ განაჩენს საპროტესტო აქციები მოჰყვა; რა რეაგირება შეუძლია ამ შემთხვევაში იუსტიციის უმაღლეს საბჭოს?
- რა თქმა უნდა, საზოგადოების მხრიდან სასამართლოზე თავდასხმა, კვერცხებისა და ქვის სროლა მიუღებელია, მაგრამ ეს სასამართლოსადმი ძალზე დაბალი ნდობით შეიძლება აიხსნას. ამ კონკრეტულ ფაქტზე მხოლოდ ერთს ვიტყვი: აღმოჩნდა, რომ ბორჯომის პოლიციის ყოფილ უფროს მამუკა ხვადაგიანის საქმეზე მიღებული გადაწყვეტილება მოსამართლე გოჩა ჯეირანაშვილის პირველი და ერთადერთი გამამართლებელი განაჩენია, რაც, ჩემი აზრით, თავისთავად მრავლისმეტყველია. მოსამართლე არ აგებს პასუხს ისეთი სასამართლო შეცდომისათვის, რომელიც მის თუნდაც მცდარ სამართლებრივ შეხედულებებს და მის შინაგან რწმენას ეყრდნობა, მაგრამ მართლმსაჯულების განზრახ გამრუდებისათვის მოსამართლე პასუხს აგებს, მათ შორის დისციპლინური სამართალწარმოების გზით, რისი უფლებამოსილებაც იუსტიციის საბჭოს შესაბამისი საჩივრის არსებობისას აქვს. მეორე მხრივ, დისციპლინური მექანიზმები არ უნდა იქნეს გამოყენებული თანამდებობიდან მოსამართლეთა უსაფუძვლო გათავისუფლების ინსტრუმენტად. საზოგადოდ, მოსამართლეთა შეუცვლელობის პრინციპი და უფლებამოსილების გარანტირებული ვადა უმნიშვნელოვანესია სასამართლოს დამოუკიდებლობის უზრუნველსაყოფად.
- მოსამართლეთა ალტერნატიულმა ასოციაციამ განაცხადა, რომ უზენაესი სასამართლოს თავმჯდომარის მოადგილე ზაზა მეიშვილი ბრიუსელში გამართულ ევროპის სახალხო პარტიის, "ნაციონალური მოძრაობის" პარტნიორის კონფერენციას დაესწრო. გავრცელებული ინფორმაციით, ის თბილისის მერ გიგი უგულავასთან ერთად იყო, რომელიც ბრალდებულია.
- მეიშვილის ამ ვიზიტს გიგი უგულავასთან ერთად უარყოფითად ვაფასებ, - სამოსამართლო ეთიკა მოსამართლეს უკრძალავს პარტიულ ღონისძიებებში მონაწილეობას. მოსამართლე ვალდებულია, ყოველთვის დაიცვას თავისი პარტიული ნეიტრალურობის იმიჯი, რათა ეჭვქვეშ არ დააყენოს თავისი მიუკერძოებლობა მომავალში განსახილველ საქმეებზე. ზაზა მეიშვილი უზენაესი სასამართლოს სისხლის სამართლის პალატის თავმჯდომარეა, შესაბამისად, დიდი ალბათობით, ადრე თუ გვიან, თუკი გიგი უგულავას გამოძიება ბრალს არ მოუხსნის, მისი საქმე უზენაეს სასამართლოში აღმოჩნდება განსახილველად, და საზოგადოებას ექნება ობიექტური არგუმენტები მის მიუკერძოებლობაში ეჭვის შესატანად.
ნინო კვიტაშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
