მნიშვნელოვანი ინფორმაცია
24
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რაიმონდ პაულსმა "ახალი ტალღა" დატოვა - ”პროექტმა თავი ამოწურა”
05:56 / 26-07-2013
"ახალი ტალღის" თანათავმჯდომარემ, კომპოზიტორმა რაიმონდ პაულსმა საერთაშორისო კონკურსი დატოვა. ინფორმაციას რუსული მედია ავრცელებს. ინფორმაციის თანახმად, რაიმონდ პაულსმა "ახალი ტალღის" სტატუსზეც უარი განაცხადა. კონკურსის დატოვების მიზეზებზე, პაულსმა ინტერვიუში ისაუბრა.
- მე რთული დამოკიდებულება მაქვს "ახალი ტალღის" მიმართ. კონკურსი ძალიან შეიცვალა, ახლა ეს ის აღარ არის, რასაც ჩვენ 2002 წელს საფუძველი ჩავუყარეთ. ამ პროექტმა საკუთარი თავი ამოწურა. ან რაღაც სხვა უნდა გავაკეთოთ, ან საერთოდ დავკარგავთ მაყურებელს. რატომ შევქმენით ეს კონკურსი? რათა გვეპოვა ახალგაზრდა ტალანტები. სად არიან ისინი? მე მიმაჩნია, რომ კანდიდატებს ცუდად არჩევენ, ძალიან ვიწრო ჩარჩოში, "ფორმატით". არა მგონია, რომ მოუსმინეს ნიჭიერ ახალგაზრდებს სადმე ვლადივასტოკში ან ომსკში. ვინც მოაღწია, ის აირჩიეს. თუ ვინმეს ზურგს ოლიგარქი არ უმაგრებს, ის ვერაფერს მიაღწევს.
კომპოზიტორმა ჟიურიც გააკრიტიკა:
- მე მომხრე ვიყავი, რომ ამდენი ჟიურის წევრი არ ყოფილიყო, მაგრამ მე მხარს ვუჭერდი მას, ვისაც საჭიროდ ვთვლიდი. დღეს კი რა ხდება: ნებისმიერ ნიჭიერ ადამიანს რაღაც ფორმატში რთავენ, ისეთში, როგორიც ტელევიზიაში ესმით. მათ კი პირველ რიგში რეიტინგი აინტერესებთ. მუდმივად ისმის სტანდარტული ფრაზა:"არ გადართოთ, დარჩით ჩვენთან". ერთის მხრივ, მე მესმის იგორ კრუტოის, მას ძალიან უტევს მოსკოვი. მას ფული აქვს, მაგრამ ბევრს ვერაფერს წყვეტს...
პაულსი დარწმუნებულია, რომ ახლა, "ახალი ტალღა", როგორც კონკურსი, ცოტა ადამიანს აინტერესებს. განსაკუთრებული ყურადღება უცხოელ სტუმრებს ეთმობა:
- მე მესმის, რომ კონკურსანტები ჯერ კიდევ ახალგაზრდები არიან, მათი ვოკალური მონაცემები მაღალი დონის არ არის და მათ პროფესიონალები ჩრდილავენ. მაგრამ კონკურსის იდეა მდგომარეობს იმაში, რომ აქ სხვადასხვა ქვეყნის წარმომადგენელი იკრიბება და ერთმანეთს ეჯიბრება. ნუ, ისე არ გამოვიდა, როგორც გვინდოდა... ახალი სახელებიც არ აღმოგვიჩენია, ისეთები, რომლებიც თავის სიტყვას დიდი ხნით იტყვიან.
მოამზადა გიორგი ბერიძემ რუსული პრესის მიხედვით
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
