მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ქართლოსისა და მიშას ურთიერთობაში არ ჩავერევი"
23:12 / 26-07-2013
"ფსიქოს" სტუმარი ყველასათვის საყვარელი მსახიობი გიორგი აფციაურია. სატელევიზიო სივრციდან მისმა გაქრობამ მაყურებელს გული დასწყვიტა, თუმცა გიორგი თაყვანისმცემლებს ახლო მომავალში ახალი სატელევიზიო პროექტებით დაბრუნებას ჰპირდება.
- გიორგი, ინტერვიუ სასიამოვნო თემით დავიწყოთ, შვილის მოლოდინში ხართ, სქესი თუ იცით?
- კი, სქესი ვიცით - ბიჭია.
- სახელი თუ გაქვთ შერჩეული?
- რაც შეეხება სახელს, სალიტას ამ საკითხთან დაკავშირებით ფართო ავტონომია აქვს და ჯერ მოფიქრებული არ გვაქვს.
- სალიტა ჭირვეული ფეხმძიმეა?
- სხვათა შორის არა, თუ არ ჩავთვლი იმას, რომ საზამთრო მანამ მოუნდა, ვიდრე შემოვიდოდა და კარგა ხანს აზერბაიჯანული საზამთროს ყიდვა მიწევდა (იცინის). სხვა აჩემება არა აქვს. რასაც ფეხმძიმე ქალების შესახებ მიყვებოდნენ, ისეთი რთულიც არაა.
- შენ თუ ხარ განებივრებული მეუღლისგან?
- კი, 26 ივნისს ჩვენი ახალგაზრდული ორგანიზაციის ფორუმზე რამდენიმე ათასი ახალგაზრდის წინაშე სიტყვით უნდა გამოვსულიყავი, ეს რომ სალიტამ გაიგო, წავიდა და ჩუმად მიყიდა პიჯაკი ამ გამოსვლისთვის. თუმცა ყველაზე განსაკუთრებულ საჩუქარს მისგან სექტემბრის ბოლოს ველოდები.
- წარმოიდგინე, ერთ დილით სალიტა გუბნება, რომ არ უყვარხარ, რა რეაქცია გექნება?
- ეს ისეთივე წარმოუდგენელია ჩემთვის, როგორც ჩრდილოატლანტიკური ალიანსის გენერალურ მდივნად შალვა ნათელაშვილის ხილვა.
- წარმოიდგინე, რომ პარლამენტარი ხარ, პირველად რა განცხადებას გააკეთებდი?
- პირველი განცხადება ასეთი იქნება - მოგესალმებით, ქალბატონებო და ბატონებო, მე თქვენთან ხელცარიელი არ მოვსულვარ, მინდა წარმოგიდგინოთ რომის სენატის მიერ აკრძალული გლადიატორების ნაქსოვი პრეზერვატივი, ასე რომ, დამშვიდდით, პრეზერვატივის აკრძალვაში თქვენ პირველები არ ყოფილხართ (იცინის).
- ხომ არ ნანობ "კომედი არხის" დატოვებას?
- ვიდრე რამეს მოვიმოქმედებ, მანამდე ვფიქრობ. შესაბამისად, იმას, რასაც ვაკეთებ, არასოდეს ვნანობ.
- რა ურთიერთობა გაქვს "კომედი არხის" მსახიობებთან, დაძაბულობამ გადაიარა?
- დაძაბულობა არა მთლიან გუნდთან, არამედ ერთ-ორ ადამიანთან მქონდა, ასე რომ, წესით, არც ახლა უნდა არსებობდეს დაძაბულობა იმათთან, ვისთანაც არ ყოფილა.
- ახლა თუ მუშაობ ვინმეს პაროდიაზე?
- მიუხედავად იმისა, რომ ეს საქმე ძალიან მიყვარს, ამ ეტაპზე პაროდიების კეთებას არ ვაპირებ. ალბათ გამოჩნდებიან ახალგაზრდა პაროდისტები და იუმორისტები, რომლებსაც ყოველთვის გვერდში დავუდგები და რაც ვიცი, იმასაც ვასწავლი. თუ ყველა იუმორისტი ასე მოიქცევა და ახალ თაობებს არ დაბლოკავს, ეს სფერო უფრო განვითარდება, თუ არა და, 10 წლის მერეც ის მდაბიო იუმორი იქნება, რაც ახლა იყიდება.
- საკმაოდ დიდხანს აკეთებდი პრეზიდენტის პაროდიას. მისი როლის შესრულებამ მის პიროვნებაში რამე დადებითი თუ გაპოვნინა?
- მნიშვნელობა არა აქვს, რას ვფიქრობ პრეზიდენტზე. ახლა ქართლოსს (პრეზიდენტის ახალი პაროდისტი ქართლოს ნატროშვილი) და მას უყვართ ერთმანეთი და მე რა თქმა უნდა, წყვილის ურთიერთობაში არ ჩავერევი, ისევე როგორც თავის დროზე არ ჩავერიე ვანო ჯავახიშვილისა და ერთ-ერთი პოლიტიკოსის ურთიერთობაში.
- როგორ შეაფასებ იმ ახალგაზრდა პაროდისტს, რომელმაც შენ ჩაგანაცვლა?
- ეს ბიჭი უდავოდ და ნიჭიერია, მე მას წარმატებებს ვუსურვებ. მანამდე არაოფიციალურად ვეხმარებოდი ახალგაზრდებს, ახლა კი ჩემი სამსახური მთლიანად მათ ხელშეწყობას მოიცავს და მე დავიცავ მათ ინტერესებს, მათ შორის, თუ საჭირო გახდება, დავიცავ ქართლოს ნატროშვილის ინტერესებსაც.
- როგორც ვიცი, ახლახან დაბრუნდი ბორჯომიდან, რა ხდებოდა იქ?
- ბორჯომში საქველმოქმედო კონცერტი მიმყავდა, რომელიც 3 წლის ვახოს დასახმარებლად გაიმართა, მას სასწრაფო ოპერაცია ესაჭიროება, იმედია, ყველაფერი კარგად იქნება.
- იქნებ სამომავლო გეგმები გაგვიმხილო...
- ახლო მომავალში ჩემი დრო დაეთმობა ახალშობილს და ოჯახს. ჩემს ახლანდელ სამსახურს და ახალ სატელევიზიო პროექტებსაც არ გამოვრიცხავ.
- რომელ ტელევიზიაში უნდა ველოდოთ შენს გამოჩენას?
- ამაზე ჯერ ვერ ვისაუბრებ.
- ტელევიზია მოგენატრა?
- სხვათა შორის "კომედი არხზე" ხშირად გადის ჩემი და ნიკა გრიგოლიას ნომრები, ალბათ იმიტომ, რომ უნდათ "კომედი არხს" მაღალი რეიტინგი ჰქონდეს.
- მიიჩნევ, რომ თქვენმა წასვლამ "კომედი არხის" რეიტინგს საფრთხე შეუქმნა?
- არ ვიცი, ეს მაყურებელმა განსაჯოს. თუმცა მე ახლა გაცილებით დიდი მიზნები და გეგმები მაქვს, ვიდრე ვანო ჯავახიშვილთან დისკუსია იქნებოდა.
მაკა ქობალია
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
