მნიშვნელოვანი ინფორმაცია
11
ივლისიდღის ზოგადი ასტროლოგიური პროგნოზი
შაბათი, მთვარის მეთვრამეტე დღე დაიწყება 23:22-ზე, მთვარე მერწყულშია – იმუშავეთ მშვიდად და საფუძვლიანად. მოაგვარეთ მარტივი ფინანსური საკითხები. გადადეთ მნიშვნელოვანი საქმეები. იყავით ყურადღებიანი იმის მიმართ, რაც ხდება და მოუსმინეთ რას გეუბნებათ ხალხი. იყავით ფხიზლად და მოერიდეთ კონფლიქტს. გამოიჩინეთ მოქნილობა და ორიგინალურობა ადამიანებთან ურთიერთობისას. სამსახურში გამოავლინეთ თქვენი საუკეთესო მხარე. ზედმეტი აქტიურობა შედეგს არ მოიტანს. არ აიღოთ ზედმეტი სამუშაო და რთული პროექტები. ხორცზე უარის თქმა ჯობია. გამოიყენეთ მცენარეული ზეთი. ალკოჰოლური სასმელები უნდა გამოირიცხოს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ემუქრება თუ არა ეგვიპტეში მყოფ ქართველებს საფრთხე
23:10 / 26-07-2013
ვიდრე ევროპელები კამათობენ, უწოდონ თუ არა ეგვიპტეში დაწყებულ სისხლიან მოვლენებს სახელმწიფო გადატრიალება, ქვეყანაში მსხვერპლთა რიცხვი დღითი დღე იზრდება. საინტერესოა, რა გავლენას ახდენს არეულობა წლევანდელ ტურისტულ ზაფხულზე, რა მდგომარეობაა ამჟამად ეგვიპტის სახელგანთქმულ კურორტებზე? - ვესაუბრებით შოუბიზნესის წარმომადგენელს, ტელეწამყვან ხატია შამუგიას, რომელიც ახლახან დაბრუნდა ქალაქ ხურგადადან.
- ეგვიპტის ამ საზღვაო კურორტზე ყოფნისას არანაირი საფრთხე, დაძაბულობა არ მიგრძნია, სხვადასხვა ქვეყნიდან ჩამოსული ტურისტებიც მშვენივრად ისვენებდნენ, იახტ-კლუბშიც ვიყავი, იახტით გავისეირნეთ კიდეც.
თბილისიდან ახლობლები, 15 კაცი ვიყავით, თვითმფრინავის სალონიც სავსე იყო. თბილისი-ხურგადა ჩარტერული რეისია. იახტ-კლუბში სხვა ქართველებიც შეგვხვდნენ, ვისაც გამოველაპარაკეთ, არავის ეშინოდა.
ადგილობრივ მცხოვრებლებთან ნაკლებად გვქონდა ურთიერთობა, არც მომსახურე პერსონალი საუბრობდა პოლიტიკაზე, მართალი გითხრათ, თბილისიდან უფრო ბევრი მირეკავდა ამ თემაზე, ღელავდნენ და იქაური ამბებიც აინტერესებდათ. არანაირი დისკომფორტი არ გვიგრძნია, რეკომენდაციას ვერავის გავუწევ, ყველამ თვითონ უნდა გადაწყვიტოს, უნდა თუ არა ასეთ გარემოში დასვენება.
- საგარეო საქმეთა სამინისტრომ მოქალაქეებს მოუწოდა, ეგვიპტეში გამგზავრებისგან თავი შეიკავონ. თქვენ გარშემო თუ არიან ისეთები, ვინც ეგვიპტეში წასვლა გადაიფიქრა?
- ეს განცხადება მეტი უსაფრთხოებისთვის გაკეთდა, დამსვენებლებს მოუწოდეს, განსაკუთრებით წითელი ზღვის კურორტებზე - შარმ-ალ-შეიხში, ტაბაში ნუ წახვალთო, იქ დაძაბულობაა. ესეც გავითვალისწინე და შარმ-ალ-შეიხში არ წავსულვარ. ხურგადაში, ქალაქში ხშირად არ გავდიოდით, ისიც გვირჩიეს, კავშირი გვქონოდა ჩვენს საკონსულოსთან, სასტუმროს ტერიტორიის დატოვებისგანაც თავი შეგვეკავებინა.
- ქვეყანაში შექმნილმა ფორსმაჟორულმა სიტუაციამ მომსახურება არ გააიაფა, ფასები არ შემცირდა?
- ეგვიპტეში პირველად ვიყავი, ამიტომ შარშანდელ ფასს ვერ შევადარებ, თუმცა, იქ ძალზე შეღავათიანი ფასებია. აღსანიშნავია, რომ ჩვენთან ერთად ოჯახით ისვენებდა იმ ტურისტული კომპანიის მფლობელი, რომლის მომსახურებითაც ვისარგებლეთ, ასე რომ, არავის შეგვშინებია.
- უსაფრთხოების ზომები კურორტზე გამკაცრებული არ ყოფილა?
- არა, არაფერი მიგრძნია. სასტუმროს ტერიტორია შემოსაზღვრულია, შეიძლება ითქვას, ცალკე იმპერიაა და ბავშვებს აუზზე თავისუფლად ვუშვებდით. რა თქმა უნდა, ყველგან სიმშვიდე რომ ყოფილიყო, კაიროშიც წავიდოდით, ალექსანდრიასაც დავათვალიერებდით; ამ მხრივ, რა თქმა უნდა, შევიზღუდეთ და მხოლოდ ზღვაზე დასვენებით შემოვიფარგლეთ, თორემ ეგვიპტეში იმდენი ღირსშესანიშნაობაა! შექმნილი საგანგებო სიტუაცია მაინც მოქმედებს.
ნინო კვიტაშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ვიდეოკადრებს ავრცელებს პროკურატურა პოლიციელზე თავდასხმაში ბრალდებულ 19 წლის საბა ჯიქიასთან დაკავშირებით?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
