მნიშვნელოვანი ინფორმაცია
27
ივნისიდღის ზოგადი ასტროლოგიური პროგნოზი
შაბათი, მთვარის მეოთხე დღე დაიწყება 07:58-ზე, მთვარე ლომშია – ნუ აჰყვებით პროვოკაციებს, მოერიდეთ კამათსა და კონფლიქტს. კარგია ახალი ინფორმაციის შეგროვება და დამუშავება. წარმოების ზრდა. დღის ენერგიამ შეიძლება გამოიწვიოს გაურკვევლობა, ადამიანებში იმატებს კომპრომისზე წასვლის უუნარობა. არ არის რეკომენდებული ახალი საქმეების დაწყება. ასევე, არ არის მიზანშეწონილი რომანტიკული პაემანი. საკვები არ უნდა იყოს ცხიმიანი. კარგია ბოსტნეული, სალათები; დამამშვიდებელი ბალახებისგან დამზადებული მცენარეული ჩაი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მკვლელი მაღაროები - რატომ გახშირდა ტრაგედია
23:01 / 26-07-2013
16 ივლისს ჭიათურის მაღაროში უბედური შემთხვევა მოხდა. ადგილზე დაიღუპა სოფელ კალაურის მკვიდრი შალვა დარბაიძე. მომხდარზე აღძრულია სისხლის სამართლის საქმე და მიმდინარეობს მოკვლევა. შინაგან საქმეთა სამინისტროს ოფიციალური სტატისტიკით, 2007 წლიდან დღემდე საქართველოში 243 მუშა დაიღუპა, 472 კი - მძიმედ დაშავდა. განსაკუთრებით მძიმე მდგომარეობაა ამ მხრივ ჭიათურისა და ტყიბულის მაღაროებში, სადაც ყოველ წელიწადს ხდება მსგავსი ტრაგედია. მაღაროებში შექმნილ მდგომარეობაზე ჭიათურის მაღაროს თანამშრომელი, მაღაროელთა პროფკავშირის თავმჯდომარე მერაბ ჩინჩალაძე გვიამბობს:
- შალვა დარბაიძე ამფეთქებლად მუშაობდა, ფითილს ამზადებდა, როცა ჭერი ჩამოენგრა, უზარმაზარი ლოდი დაეცა და ადგილზევე დაიღუპა. მსგავსი ტრაგედიები ხდება შვიდივე მაღაროში. ამის მიზეზი კომპლექსურია. ალბათ პირველი მიზეზია გაზრდილი გეგმები და შემცირებული მუშახელი. მარტო პენსიაზე გასვლის გამო ყოველწლიურად ასობით ადამიანს ამცირებენ. მათ სანაცვლოდ კი, უკვე რამდენიმე წელია, ახალ მუშახელს არ იღებენ. დავუშვათ, დაიღუპა ადამიანი, ან ვინმე შვებულებაში გავიდა, მათ ნაცვლად არავის ამატებენ. ალბათ ჩვენს ხელმძღვანელებს რომ შეეძლოთ, ერთ კაცს შეასრულებინებდნენ მთელ სამუშაოს..ჩვენი სამუშაოს სპეციფიკიდან გამომდინარე, მაღაროელი სულ ყურადღებით უნდა იყოს. აქ ყურადღების მოდუნება ერთი წამითაც არ შეიძლება, ჩვენს მუშებს კი ათასი პრობლემა აქვთ: უმეტესობა ვალებშია ჩაფლული, როდესაც ყურადღება გაფანტულია, ეს თავისთავად აისახება ყველაფერზე. თანაც, მუშახელი ცოტაა და ამ უმძიმეს სამუშაოს ვერ ერევა: როგორია, ჩადიხარ მიწის ქვეშ, გვირაბში, უჰაერობაში, დგახარ მუხლამდე ტალახში და ორი-სამი კაცის საქმეს ასრულებ.
შეიძლება ადამიანს არ შეეძლოს ათის ნაცვლად 20 კილოგრამის ტვირთვა, მაგრამ გაჭირვებით ეს 20 კილოგრამიც გადაიტანოს ერთი ადგილიდან მეორეზე, მაგრამ შესაბამისი ანაზღაურება ხომ უნდა ჰქონდეს? მაღაროელის ხელფასი სამუშაოს სპეციფიკიდან გამომდინარე, 250-300 ლარიდან, 700-800 ლარამდე მერყეობს. მე პირადად 500-550 ლარი მაქვს. წინა მთავრობამ მშვენიერი ფანდი მოიგონა: დაქვითვაც გაზარდა და გამოწერილი თანხაც. ხელფასიდან 20 პროცენტს საშემოსავლო გადასახადს ვიხდით, რაც ძალიან დიდი თანხაა, გამოდის, რომ ათასი ლარი რომ ჰქონდეს ადამიანს, 200 ექვითება.
ხათუნა ჩიგოგიძე
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ირანის შეტევის შედეგად ისრაელის 6 კვლევითი ლაბორატორია განადგურდა და 9 დაზიანდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
