კვი­რის გან­მავ­ლო­ბა­ში გან­ვი­თა­რე­ბულ პო­ლი­ტი­კურ მოვ­ლე­ნებ­თან და­კავ­ში­რე­ბით ერ­თმა­ნეთს "ქარ­თუ­ლი ოც­ნე­ბის" წარ­მო­მად­გე­ნე­ლი, ეკა ბე­სე­ლია და "ნა­ცი­ო­ნა­ლი", გი­ორ­გი ვა­შა­ძე უპი­რის­პირ­დე­ბი­ან. წი­ნა­სა­არ­ჩევ­ნო პე­რი­ო­დი, პრე­ზი­დენ­ტო­ბის კან­დი­და­ტე­ბი და მათი ახა­ლი და­პი­რე­ბე­ბი - ის თე­მე­ბია, რო­მელ­თა შე­სა­ხე­ბაც ბე­სე­ლია და ვა­შა­ძე თა­ვი­ანთ მო­საზ­რე­ბებს გა­მო­ხა­ტა­ვენ.

- წი­ნა­სა­არ­ჩევ­ნო გა­რე­მოს რო­გორ აფა­სებთ?

გი­ორ­გი ვა­შა­ძე:

- სამ­წუ­ხა­როდ, ზუგ­დიდ­სა და ბა­თუმ­ში "ნა­ცი­ო­ნა­ლუ­რი მოძ­რა­ო­ბის" მიერ ჩა­ტა­რე­ბუ­ლი პრა­ი­მე­რის დროს გან­ხორ­ცი­ე­ლე­ბულ­მა მოვ­ლე­ნებ­მა ცალ­სა­ხად აჩ­ვე­ნა, რომ "ქარ­თუ­ლი ოც­ნე­ბა" ნორ­მა­ლუ­რი სა­არ­ჩევ­ნო გა­რე­მოს შექ­მნას არ აპი­რებს. ქვე­ყა­ნა­ში შექ­მნი­ლი რე­ა­ლო­ბა რა­დი­კა­ლუ­რად გან­სხვავ­დე­ბა პრე­მი­ე­რი­სა და მისი მი­ნის­ტრე­ბის და­პი­რე­ბე­ბი­სა­გან.

- რას გუ­ლის­ხმობთ?

- "ქარ­თუ­ლი ოც­ნე­ბის" წარ­მო­მად­გენ­ლებ­მა თა­ვად უზ­რუნ­ველ­ყვეს იმ ადა­მი­ა­ნე­ბის შეკ­რე­ბა და მო­ბი­ლი­ზე­ბა, ვინც ჩვენ თავს დაგ­ვეს­ხა ბა­თუმ­სა და ზუგ­დიდ­ში. სხვა­თა შო­რის, ამის და­მა­დას­ტუ­რე­ბე­ლი ვი­დე­ო­მა­სა­ლაც არ­სე­ბობს. კარ­გი იქ­ნე­ბა, თუ ეს ხალ­ხი მეტი პა­სუ­ხის­მგებ­ლო­ბით მო­ე­კი­დე­ბა საქ­მეს და უფრო სე­რი­ო­ზუ­ლად მო­იქ­ცე­ვა. ჩვენ ვი­ცით, რომ "ქარ­თულ­მა ოც­ნე­ბამ" ჩვენ­ზე თავ­დას­ხმის­თვის იმ­დე­ნი ხალ­ხი ვერ შეკ­რი­ბა, რამ­დენ­საც გეგ­მავ­და. ჩვენ­თვის ცნო­ბი­ლია ისიც, რომ ზო­გი­ერ­თი მათ­გა­ნი "მე­ოც­ნე­ბე­ებ­მა" მო­ა­ტყუ­ეს, ვი­თომ მი­ნის­ტრთან შე­სახ­ვედ­რად მიჰ­ყავ­დათ. თა­ვი­დან 150 ადა­მი­ა­ნის მო­ბი­ლი­ზე­ბა მო­ა­ხერ­ხეს, მაგ­რამ სა­ბო­ლო­ოდ, რო­დე­საც ხალ­ხმა სი­მარ­თლე გა­ი­გო, ხელთ ოცამ­დე კაცი შერ­ჩათ. მათ შო­რის იყ­ვნენ კახა მი­ქა­ია და მისი "შანტრა­პა". თუ და­ინ­ტე­რეს­დე­ბით, ჩა­დით სა­მეგ­რე­ლო­ში და იკი­თხეთ, ვინ არის მი­ქა­ია და რა სა­ხე­ლი აქვს. თუ "ქარ­თუ­ლი ოც­ნე­ბის" სახე სა­მეგ­რე­ლო­ში მი­ქა­ი­ას­ნა­ი­რი ხალ­ხია, კარ­გად ყო­ფი­ლა მისი საქ­მე.

ეკა ბე­სე­ლია:

- თუ არ ჩავ­თვლით ზუგ­დიდ­სა და ბა­თუმ­ში "ნა­ცი­ო­ნა­ლე­ბის" მიერ გა­მარ­თულ საპ­რე­ზი­დენ­ტო პრა­ი­მე­რის დროს მომ­ხდარ ინ­ცი­დენ­ტებს, წელს წი­ნა­სა­არ­ჩევ­ნო გა­რე­მო ბევ­რად უფრო გამჭვირ­ვა­ლე, თა­ვი­სუ­ფა­ლი და მშვი­დო­ბი­ა­ნია, ვიდ­რე მა­შინ იყო, რო­დე­საც არ­ჩევ­ნებს სა­ა­კაშ­ვი­ლი ატა­რებ­და. სა­ზო­გა­დო­ე­ბის გარ­კვე­ულ­მა ჯგუფ­მა პრო­ტეს­ტი ძა­ლი­ან მწვა­ვედ გა­მო­ხა­ტა, რა­საც ხე­ლი­სუფ­ლე­ბის მხრი­დან შე­სა­ბა­მი­სი რე­ა­გი­რე­ბა მოჰ­ყვა. "ქარ­თულ­მა ოც­ნე­ბამ" ყვე­ლა­ფე­რი გა­ა­კე­თა იმის­თვის, რომ პრა­ი­მე­რის მო­ნა­წი­ლე "ნა­ცი­ო­ნა­ლე­ბის­თვის" მაქ­სი­მა­ლუ­რად მშვი­დო­ბი­ა­ნი გა­რე­მო შე­ექ­მნათ. შე­გახ­სე­ნებთ, რომ წი­ნა­სა­არ­ჩევ­ნო პე­რი­ოდ­ში სა­ა­კაშ­ვი­ლის ხე­ლი­სუფ­ლე­ბა ყვე­ლა­ნა­ი­რად ცდი­ლობ­და, "ქარ­თუ­ლი ოც­ნე­ბის" მიერ ჩა­ტა­რე­ბუ­ლი ღო­ნის­ძი­ე­ბა ჩა­ე­შა­ლა. მე­რეთ­სა და კა­რა­ლეთ­ში, დევ­ნილ­თა ჩა­სახ­ლე­ბა­ში, თა­ვად ოფი­ცი­ა­ლუ­რი სტრუქ­ტუ­რის წარ­მო­მად­გენ­ლე­ბი - გამ­გე­ო­ბის თა­ნამ­შრომ­ლე­ბი ის­როდ­ნენ ქვებს. 2012 წლის სა­ხალ­ხო დამ­ცვე­ლის ან­გა­რიშ­ში ასა­ხუ­ლია, რო­გორ აპა­ტიმ­რებ­დნენ და აჯა­რი­მებ­დნენ ჩვენს მომ­ხრე­ებს. კონ­ტრო­ლის პა­ლა­ტა მთლი­ა­ნად ტე­რო­რი­სა და პო­ლი­ტი­კუ­რი დევ­ნის ია­რა­ღად იყო გა­დაქ­ცე­უ­ლი. თუ ამ ყვე­ლა­ფერს გა­ვიხ­სე­ნებთ, შე­იძ­ლე­ბა ით­ქვას, რომ ჩვენს პო­ლი­ტი­კურ ოპო­ნენ­ტებს მაქ­სი­მა­ლუ­რად ვაძ­ლევთ შე­საძ­ლებ­ლო­ბას, ჩა­ა­ტა­რონ სა­არ­ჩევ­ნო კამ­პა­ნია თა­ვი­სუ­ფალ გა­რე­მო­ში. ჩვენ რა უნდა ვქნათ, თუ სა­ზო­გა­დო­ე­ბის დიდი ნა­წი­ლი მათ პრო­ტესტს უცხა­დებს? სხვა­თა შო­რის, "ნა­ცი­ო­ნა­ლებ­მა" თა­ვად თქვეს, რომ პო­ლი­ტი­კურ პა­სუ­ხის­მგებ­ლო­ბას იღებ­დნენ იმ არა­ა­და­მი­ა­ნუ­რი მო­პყრო­ბი­სა და წა­მე­ბის გამო, რო­მელ­საც სა­ა­კაშ­ვი­ლის ხე­ლი­სუფ­ლე­ბის დროს ძა­ლო­ვა­ნი უწყე­ბე­ბი ახორ­ცი­ე­ლებ­დნენ. თუ ეს მარ­თლაც ასეა და პა­სუ­ხის­მგებ­ლო­ბას არ გა­ურ­ბი­ან, მა­შინ კე­თი­ლი ინე­ბონ, მო­უს­მი­ნონ, და­ე­ლა­პა­რა­კონ წა­მე­ბის მსხვერ­პლთა ახ­ლობ­ლებ­სა და ოჯა­ხის წევ­რებს.

- რო­გორ ფიქ­რობთ - აქ­ცი­ის მო­ნა­წი­ლე­ე­ბი, რომ­ლებ­მაც "ნა­ცი­ო­ნა­ლუ­რი მოძ­რა­ო­ბის" წარ­მო­მად­გენ­ლებს ფი­ზი­კუ­რი შე­უ­რა­ცხყო­ფა მი­ა­ყე­ნეს, სა­თა­ნა­დოდ და­ი­სა­ჯნენ?

გი­ორ­გი ვა­შა­ძე:

- რა სა­თა­ნა­დოდ დას­ჯა­ზეა სა­უ­ბა­რი?! ას­ლა­რი­ა­ნი ჯა­რი­მა - სა­სა­ცი­ლოა. სტუ­დენ­ტე­ბი, რომ­ლე­ბიც გა­ნათ­ლე­ბის კა­ნონს აპ­რო­ტეს­ტებ­დნენ და ილი­ა­სა და აკა­კის ძეგლ­ზე პა­ტა­რა პლა­კა­ტის ჩა­მო­კი­დე­ბას აპი­რებ­დნენ, ათა­სი ლა­რით და­ა­ჯა­რი­მეს. ხვდე­ბით, რას­თან გვაქვს საქ­მე?

ეკა ბე­სე­ლია:

- რო­გორ გი­თხრათ, ამ ადა­მი­ა­ნებს არც პარ­ლა­მენ­ტი სჯის და არც მთავ­რო­ბა. მათ სჯის სა­სა­მარ­თლო. შე­გახ­სე­ნებთ, რომ დღე­ვან­დე­ლი მო­სა­მარ­თლე­თა კორ­პუ­სი სწო­რედ "ნა­ცი­ო­ნა­ლე­ბის" შერ­ჩე­უ­ლია. ასე რომ, თუ მათ რა­ი­მე პრე­ტენ­ზია აქვთ, მი­მარ­თონ სა­სა­მარ­თლოს, გა­ა­სა­ჩივ­რონ, იდა­ვონ.

- თქვე­ნი აზ­რით, "ნა­ცი­ო­ნა­ლუ­რი პრა­ი­მე­რი" რე­ა­ლუ­რად, დე­მოკ­რა­ტი­უ­ლი პრო­ცე­სია თუ - უბ­რა­ლო ფორ­მა­ლო­ბა?

გი­ორ­გი ვა­შა­ძე:

- პი­რა­დად გახ­ლა­ვართ პრა­ი­მე­რის სა­ორ­გა­ნი­ზა­ციო ჯგუ­ფის ხელ­მძღვა­ნე­ლი და გარ­წმუ­ნებთ, რომ ეს დე­მოკ­რა­ტი­უ­ლი პრო­ცე­სია. ვა­პი­რებთ, ასე­თი­ვე არ­ჩევ­ნე­ბი ჩა­ვა­ტა­როთ იმ კან­დი­და­ტე­ბის გა­მო­სავ­ლე­ნად, რო­მელ­თაც სა­პარ­ლა­მენ­ტო თუ ად­გი­ლობ­რივ არ­ჩევ­ნებ­ში წარ­ვად­გენთ. ეს მხო­ლოდ და­სა­წყი­სია, კი­დევ ბევ­რი რა­მით გან­ვაც­ვიფ­რებთ სა­ზო­გა­დო­ე­ბას. მალე ნა­ხავთ, თუ რო­გო­რი გახ­სნი­ლი, მოქ­ნი­ლი და დე­მოკ­რა­ტი­უ­ლი იქ­ნე­ბა "ნა­ცი­ო­ნა­ლუ­რი მოძ­რა­ო­ბა".

ეკა ბე­სე­ლია:

- ჩემი აზ­რით, "ნა­ცი­ო­ნა­ლუ­რი" პრა­ი­მე­რი მხო­ლოდ ფარ­სია. "ნა­ცი­ო­ნა­ლუ­რი მოძ­რა­ო­ბა" ის პო­ლი­ტი­კუ­რი ძა­ლაა, რო­მე­ლიც ძა­ლა­დო­ბა­ზე იყო დამ­ყა­რე­ბუ­ლი. მხო­ლოდ კა­ნონ­დარ­ღვე­ვე­ბით ცდი­ლობ­და სა­კუ­თა­რი ძა­ლა­უფ­ლე­ბის შე­ნარ­ჩუ­ნე­ბას. ამი­ტომ არ მჯე­რა, რომ ევ­რო­პუ­ლი და და­სავ­ლუ­რი ფა­სე­უ­ლო­ბე­ბით ატა­რებ­დეს წი­ნა­სა­არ­ჩევ­ნო კამ­პა­ნი­ას. ეს არ არის იმ ტი­პის პრა­ი­მე­რი, რო­მე­ლიც ამე­რი­კა­ში წი­ნა­სა­არ­ჩევ­ნოდ ტარ­დე­ბა. ამ პრა­ი­მე­რით "ნა­ცი­ო­ნა­ლე­ბი" უბ­რა­ლოდ ცდი­ლო­ბენ, და­ი­ძა­ხონ - "ჰოპ­ლა, ჩვენ ვცო­ცხლობთ!"

- თქვე­ნი აზ­რით, რითი ჯობს თქვე­ნი საპ­რე­ზი­დენ­ტო კან­დი­და­ტი მე­ტო­ქის კან­დი­დატს?

გი­ორ­გი ვა­შა­ძე:

- აშ­კა­რაა, რომ სა­ზო­გა­დო­ე­ბის აბ­სო­ლუ­ტურ უმ­რავ­ლე­სო­ბას და­ვით ბაქ­რა­ძე მოს­წონს. "ენ­დი­ა­ის" გა­მო­კი­თხვე­ბის მი­ხედ­ვით, მარ­გვე­ლაშ­ვი­ლის რე­ი­ტინ­გი თან­და­თან ეცე­მა. ბაქ­რა­ძე გა­მოც­დი­ლი პო­ლი­ტი­კო­სია, რო­მელ­საც შე­უძ­ლია, იყოს პრინ­ცი­პუ­ლიც და ძა­ლი­ან გა­წო­ნას­წო­რე­ბუ­ლიც. ის არის პი­როვ­ნე­ბა, რო­მე­ლიც ოპო­ზი­ცი­ას ელა­პა­რა­კე­ბო­და ჩვე­ნი ხე­ლი­სუფ­ლე­ბა­ში ყოფ­ნის დროს და რო­მე­ლიც ხე­ლი­სუფ­ლე­ბას ელა­პა­რა­კე­ბა ჩვე­ნი ოპო­ზი­ცი­ა­ში ყოფ­ნის დროს. ვფიქ­რობ, რომ მას ყვე­ლა ის მა­ხა­სი­ა­თე­ბე­ლი აქვს, რაც დღეს ჩვე­ნი ქვეყ­ნის პრე­ზი­დენტს სჭირ­დე­ბა.

ეკა ბე­სე­ლია:

- არ მი­მაჩ­ნია, რომ და­ვით ბაქ­რა­ძე ჩვე­ნი გუნ­დის საპ­რე­ზი­დენ­ტო კან­დი­და­ტის სა­პირ­წო­ნე კონ­კუ­რენ­ტია, რად­გან ეს ადა­მი­ა­ნი წარ­მო­ად­გენს პო­ლი­ტი­კურ გუნდს, რო­მე­ლიც ძა­ლა­დობ­რი­ვი სის­ტე­მის შემ­ქმნე­ლია და სა­ში­ნელ და­ნა­შა­უ­ლებ­შია მხი­ლე­ბუ­ლი.

- გი­ორ­გი მარ­გვე­ლაშ­ვილ­მა გა­ნა­ცხა­და, რომ 27 ოქ­ტომ­ბრის შემ­დეგ სა­ქარ­თვე­ლო ქვეყ­ნის მო­ქა­ლა­ქე­ე­ბის­თვის ყვე­ლა­ზე კარ­გი სა­ცხოვ­რე­ბე­ლი ად­გი­ლი იქ­ნე­ბა. თქვენ რას ფიქ­რობთ ამის შე­სა­ხებ?

გი­ორ­გი ვა­შა­ძე:

- ეს ალ­ბათ "ქარ­თუ­ლი ოც­ნე­ბის" ახა­ლი მე­სი­ჯია. აქამ­დე ყვე­ლა ოც­ნე­ბის ახ­დე­ნას გვპირ­დე­ბოდ­ნენ, თუმ­ცა, ხომ ხე­დავთ, რომ ეკო­ნო­მი­კა­ში ნუ­ლო­ვა­ნი ზრდაა, უმუ­შევ­რო­ბა იზ­რდე­ბა, ბი­უ­ჯე­ტი ვერ ივ­სე­ბა, გა­ჩე­რე­ბუ­ლია სა­წარ­მო­ე­ბი. ქვე­ყა­ნა­ში ძალ­ზე რთუ­ლი სი­ტუ­ა­ცი­აა. კარ­გი იქ­ნე­ბა, თუ საპ­რე­ზი­დენ­ტო კან­დი­და­ტე­ბის­გან (და­ვით ბაქ­რა­ძე­საც ვგუ­ლის­ხმობ) უფრო კონ­კრე­ტულ პა­სუ­ხებს მო­ვის­მენთ იმას­თან და­კავ­ში­რე­ბით, თუ რო­გორ აპი­რე­ბენ და­სა­ხუ­ლი მიზ­ნე­ბის მიღ­წე­ვას.

ეკა ბე­სე­ლია:

- 28 ოქ­ტომ­ბერს რომ გა­ვიღ­ვი­ძებთ, ედემ­ში არ აღ­მოვ­ჩნდე­ბით. მარ­გვე­ლაშ­ვილ­მა საპ­რე­ზი­დენ­ტო არჩვე­ნე­ბის შემ­დგომ პე­რი­ოდ­ზე ისა­უბ­რა, რო­დე­საც პო­ლი­ტი­კუ­რი პრო­ცე­სი ლო­გი­კუ­რი კა­ნონ­ზო­მი­ე­რე­ბის მი­ხედ­ვით და­ლაგ­დე­ბა. ცხოვ­რე­ბა უკე­თე­სი იმი­ტომ გახ­დე­ბა, რომ და­ი­წყე­ბა ინ­სტი­ტუ­ტე­ბის გაძ­ლი­ე­რე­ბა და სის­ტე­მა ამა თუ იმ პი­როვ­ნე­ბა­ზე აღარ იქ­ნე­ბა და­მო­კი­დე­ბუ­ლი. ჩვენ უნდა შევ­ქმნათ სა­ხელ­მწი­ფო, სა­დაც პო­ლი­ტი­კურ პა­სუ­ხის­მგებ­ლო­ბას ყვე­ლა ადა­მი­ა­ნი გა­აც­ნო­ბი­ე­რებს, სა­დაც ყვე­ლა ჩი­ნოვ­ნიკს შეგ­ნე­ბუ­ლი ექ­ნე­ბა, რომ ხე­ლი­სუფ­ლე­ბა­ში ყოფ­ნა ვალ­დე­ბუ­ლე­ბე­ბია და არა - უფ­ლე­ბე­ბი.

- "თეთ­რი სა­ყე­ლოს და­ნა­შა­უ­ლის" პრინ­ცი­პთან და­კავ­ში­რე­ბით, არ­ჩილ კბი­ლაშ­ვი­ლის ინი­ცი­ა­ტი­ვა­ზე რას იტყვით? რამ­დე­ნად მარ­თე­ბუ­ლად მი­გაჩ­ნი­ათ, რომ სა­მო­ხე­ლეო ან სა­ფი­ნან­სო-ეკო­ნო­მი­კურ სფე­რო­ში ჩა­დე­ნი­ლი და­ნა­შა­უ­ლის გამო პირი სა­სა­მარ­თლოს გა­ნა­ჩე­ნამ­დე არ და­ა­კა­ვონ?

გი­ორ­გი ვა­შა­ძე:

- ეს კბი­ლაშ­ვი­ლის ინი­ცი­ა­ტი­ვაა? რა ვიცი, ამას­თან და­კავ­ში­რე­ბით რამ­დე­ნი­მე კა­ნონპ­რო­ექ­ტი გვაქვს მომ­ზა­დე­ბუ­ლი და უკვე დიდი ხა­ნია, მის გა­სა­ტა­ნად ვიბ­რძვით. თუ კბი­ლაშ­ვილს მსგავ­სი ინი­ცი­ა­ტი­ვა აქვს, ძა­ლი­ან კარ­გია.

ეკა ბე­სე­ლია:

- რო­გორც ვიცი, ეს მხო­ლოდ ეკო­ნო­მი­კურ და­ნა­შა­ულს ეხე­ბა, რო­მე­ლიც გან­სხვა­ვე­ბუ­ლი სა­მარ­თლებ­რი­ვი რე­გუ­ლა­ცი­ით გა­მო­ირ­ჩე­ვა.

- არა, ეს სა­მო­ხე­ლეო სფე­რო­ში ჩა­დე­ნილ და­ნა­შა­ულ­საც ეხე­ბა.

- არ ვიცი, ჩემი აზ­რით, თა­ნამ­დე­ბო­ბის პირი უფრო მე­ტად პა­სუ­ხის­მგე­ბე­ლია და­ნა­შა­ულ­ზე, ვიდ­რე - რი­გი­თი მო­ქა­ლა­ქე.

ხა­თუ­ნა ბახ­ტუ­რი­ძე

ჟურ­ნა­ლი "გზა"

(გა­მო­დის ხუთ­შა­ბა­თო­ბით)