მნიშვნელოვანი ინფორმაცია
6
აპრილიდღის ზოგადი ასტროლოგიური პროგნოზი
კვირა, მთვარის მეცხრე დღე დაიწყება 12:10-ზე, მთვარე ლომში იქნება 08:37-დან
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა მოგზაურობის, შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადაადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თბილისის ბაღების ისტორია
23:10 / 26-07-2013
1.ბოტანიკური ბაღი
თბილისის ბოტანიკურ ბაღს 375 წლის ისტორია აქვს. აღა-მაჰმად-ხანის შემოსევის დროს, 1795 წელს, ბაღი თითქმის განადგურებულა. 1856 წელს კავკასიის მეფისნაცვალ ბარიატინსკის ბრძანებით, მოქალაქეთა დასასვენებელ და სასეირნო ბაღად გადააქციეს. ტერიტორიას ბოტანიკური ბაღის სტატუსი 1860 წელს, რუსეთის მეცნიერებათა აკადემიის აკადემიკოს კარლ ბერის შუამდგომლობით დაუბრუნდა.
2. ვაკის პარკი
ვაკის პარკის გაშენება დიდ სამამულო ომში საბჭოთა ხალხის გამარჯვების აღსანიშნავად 1945 წელს დაუწყიათ. Pპარკი ქუჩუ დგებუაძისა და ნელი ციციშვილის პროექტის მიხედვით გაშენდა 226 ჰექტარ ფართობზე.
3. მუშტაედის ბაღი
მუშტაედის ბაღი ერთ-ერთი უძველესია თბილისის პარკებს შორის.Mმისი შექმნის ისტორია 1828 წელს უკავშირდება. თბილისში ჩრდილო ირანიდან მრავალრიცხოვან ოჯახთან ერთად შიიტური სექტის გამოჩენილი მოღვაწე მირ-ფეთეხ-აღა-სეიდ-მუშტეიდი გადმოსახლდა. მნიშვნელოვანი პოლიტიკური სამსახურის საფასურად, რაც მან კავკასიის ადმინისტრაციას გაუწია, მუშტაიდს რეზიდენციის მოსაწყობად თითქმის ხუთ ჰექტარზე მეტი მიწის ნაკვეთი გადასცეს, სადაც მან დიდებული ბაღი გააშენა.
4. 9 აპრილის ბაღი
ყოფილი ალექსანდრეს ბაღი, გერმანელი არქიტექტორის ოტო სიმონსონის პროექტის მიხედვით პრივილეგირებული მოსახლეობის სასეირნოდ გაშენდა. ბაღს 36.000 კვმ ფართობი ეკავა. ფერდობზე გაშლილი ბაღი 1863 წელს გაიხსნა და მას რუსეთის იმპერატორ ალექსანდრე მეორის პატივსაცემად "ალექსანდრეს ბაღი" უწოდეს.
5. ვერის ბაღი
"მე-18 საუკუნის შუა ხანებისთვის ვერის პარკის ტერიტორია, ისევე როგორც ვერეს მიწების სხვა ნაკვეთები, დანიბეგაშვილის ოჯახის საკუთრება იყო. 1898 წელს საქართველოს ეგზარქოს ფლაბიანე გოროდეცკის ქალაქის გამგეობისათვის ამ ადგილზე ბაღის გაშენების ნება დაურთავს, მაგრამ გამგეობას ეს შესაძლებლობა ხელიდან გაუშვია. ე.წ. ვერეს სასაფლაო 1930 წელს გაუქმებულა და პარკი გაუშენებიათ.
6. "მზიური"
"მზიურის" გაშენების იდეა მწერალ ნოდარ დუმბაძეს ეკუთვნის. საბავშო ქალაქის მშენებლობა მდინარე ვერეს ხეობაში 1981 წელს დაიწყო. "მზიურის" სიგრძე პროექტის მიხედვით 15 კმ იყო.
7. "ვარდების ბაღი"
ყოფილი გორკის ბაღი, ახლა უკვე "ვარდების ბაღი", დავით აღმაშენებლის გამზირზე მდებარეობს. ბაღს რეკონსტრუქცია 2011 წელს ჩაუტარდა. ბაღს ერთი საინტერესო ისტორია უკავშირდება: ილიკო სუხიშვილმა 10 წლის ასაკში ცეკვით დაიწყო ოჯახის რჩენა. გორკის ბაღში მდებარე რესტორანში ის ქართული ცეკვის ილეთებს ასრულებდა. Gაპლოდისმენტები და ხალხის სიყვარული არ აკლდა პატარა ილიკოს.
8. დედაენის ბაღი
დედაენის ბაღი მტკვრის მარჯვენა სანაპიროზეა გაშენებული. ბაღის გაშენება მეორე მსოფლიო ომის შემდეგ გადაუწყვეტიათ. ბაღი დემონსტრანტების თავშეყრის ადგილი იყო. 1977 წელს, ახალი საბჭოთა კონსტიტუციის მიღების შემდეგ, უზენაესი საბჭოს კონსტიტუციური გეგმის თანახმად, ქართული სახელმწიფო ენად არ იყო გამოცხადებული. Aამის გამო საპროტესტო აქციები მიმდინარეობდა. 1978 წლის 14 აპრილს დედა ენის ბაღში, ენის სტატუსის შენარჩუნების მოთხოვნით, დიდი მიტინგი გაიმართა. ქართული სახელმწიფო ენად დარჩა.
9. დენდროპარკი
თბილისის დენდროლოგიური პარკი 1956 წელს დაარსდა. პარკის გაშენების იდეა იოსებ ჩოდრიშვილს ეკუთვნოდა. მას სურდა, ამ ადგილზე მეტყევეებს ცოცხალი ძეგლი შეექმნათ. იდეის განხორციელებაში მას ცეკას მდივანი ვასილ მჟავანაძე დაეხმარა. ადგილი, სადაც დენდროლოგიური პარკი დაარსდა, ცხვრის სადგომი ყოფილა. თავდაპირველად პარკი 250 ჰექტარი იყო, მოგვიანებით კი 50 ჰექტარი შეუერთეს.
10. დიღმის ტყე-პარკი
დიღმის ტყე-პარკი ახმეტელისა და ლუბლიანას ქუჩებს შორის მდებარეობს. ტერიტორია 1934 წელს 75 ჰექტარს შეადგენდა. აქ თბილისის საბაზისო სანერგე მეურნეობა იყო. ტყე-პარკში მრავლადაა წითელ წიგნში შეტანილი მცენარეები, ასევე ადგილობრივი და შემოტანილი უნიკალური მერქნიანი სახეობები.
მარი მგელაძე
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
