მნიშვნელოვანი ინფორმაცია
1
ივნისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ქრისტინე ძიძიგური: "დი კაპრიომ მითხრა, რომ აგვისტოს ომის დროს მხარს საქართველოს უჭერდა"
23:16 / 24-07-2013
ცნობილი მოდელი ქრისტინე ძიძიგური საფრანგეთიდან საზაფხულოდ, ორი თვით არის ჩამოსული. ის თავის საქმიანობაზე, ფრანგული ელიტის გლამურულ ცხოვრებასა და ამ ცხოვრების თანამდევ საინტერესო შეხვედრებზე გვესაუბრება.
- წლევანდელი წელი წარმატებული იყო, რადგან ჩემთვის საოცნებო ბრენდებთან ვიმუშავე. აქტიურად ვთანამშრომლობ "კრისტიან დიორის პარფიუმის" სახლთან, მისი ბოლო კოლექცია წარვადგინე, თავდაპირველად 20 მოდელი ვიყავით, შემდეგ ეტაპზე კი ორნი შეგვარჩიეს, მე და ჩეხი გოგონა, რაც ნიშნავს, რომ ამ ბრენდის მოდელები გავხდით, "კრისტიან დიორი" მსოფლიო მაღალი მოდის ნაწილია და ამაზე, ვფიქრობ, ყველა მოდელი ოცნებობს. წამოსვლამდე გადაღებები მქონდა ცნობილი ფრანგული მოდის ჟურნალ "ლა მოდისთვის". მოდის ჟურნალის გარეკანზე ჯერ არ ვყოფილვარ, თვითონ ჟურნალის რედაქციამ და "ვერსაჩეს" სახლმა ამარჩიეს, რადგან პოზირებისას "ვერსაჩეს" კოლექციის სამოსი მაცვია.
- ამბობენ, რომ ფრანგული ელიტა, მაღალი საზოგადოება ჩაკეტილია. უცხოელს, მით უმეტეს პოსტსაბჭოთა სივრციდან, ზემოდან უყურებენ. თქვენ თუ გიგრძნიათ ასეთი დამოკიდებულება?
- გარკვეულწილად, ეს მართალია. ფრანგები უფრო კონსერვატორები არიან, თუმცა, ისინი, ვისაც საერთაშორისო კონტაქტები, მოგზაურობა უწევთ, განსხვავდებიან, ინგლისურადაც საუბრობენ, ტრადიციული ფრანგული "თვისებები" შედარებით ნაკლებად აქვთ, თუმცა ფრანგები მაინც ფრანგებად რჩებიან და უყვართ საკუთარი ქვეყნის, კულტურის გამორჩეულობაზე ლაპარაკი. ვიდრე ფრანგული არ ვისწავლე, იქაურ საზოგადოებასთან კონტაქტი მიჭირდა, ახლა კი ბევრი ფრანგი მეგობარი მყავს, პარიზულ სიტუაციებში უკეთ ვერკვევი და მათი საღამო-წვეულებების ხშირი სტუმარი ვარ.
- თავის დროზე დიდი აჟიოტაჟი გამოიწვია მსოფლიო კინოს ვარსკვლავთან, ალენ დელონთან გადაღებულმა თქვენმა ფოტომ. კიდევ რომელ ცნობილ ადამიანს შეხვდით?
- მადონას, რომელიც ცხოვრებაშიც ისეთივე ლამაზი ქალია, როგორც სცენასა და ეკრანზე. ახლახან, კანის ფესტივალზე გავიცანი ოსკაროსანი მსახიობი ადრიან ბროუდი, რომელიც გახმაურებულ ფილმ "პიანისტში" თამაშობს, და, რაც მთავარია, კანში შევხვდი ლეონარდო დი კაპრიოს, რომელიც ბავშვობიდან ჩემი უსაყვარლესი მსახიობია და მის გაცნობაზე ვერც ვიოცნებებდი. კანის შემდეგ პარიზშიც ვნახე, რამდენიმე წვეულებაზე მოგვიწია ერთად ყოფნამ, ვისაუბრეთ კიდეც, მერე ვიცეკვეთ. ლეონარდო ძალზე უშუალოა, ადვილად შემოდის კონტაქტში. ჯერ რატომღაც იტალიურად გამომელაპარაკა, მკითხა: იტალიელი ხარო? ვუთხარი, რომ ქართველი ვარ და იქვე დავუწყე ახსნა, რომ ამერიკის ჯორჯიიდან კი არა, აღმოსავლეთ ევროპიდან, კავკასიიდან ვარ. მითხრა, რომ იცის საქართველოს შესახებ, ისიც თქვა, რომ ახსოვს რუსეთ-საქართველოს ომი და რომ ჩვენს ქვეყანას მხარს უჭერდა და უჭერს. ეს ჩემთვის საოცრება იყო, გადავკოცნეთ ერთმანეთი და მადლობა გადავუხადე, საქართველოშიც დავპატიჟე და ვუთხარი, რომ ის აქ ძალიან უყვართ.
ნინო კვიტაშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
