მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
შვიდსულიანი ოჯახი სააბაზანოში ცხოვრობს
23:16 / 24-07-2013
უკიდურესი სიღარიბე, შვილების გადასარჩენად ქუჩაში გაწვდილი ხელი, სააბაზანო, რომელიც დიდი ხანია თავშესაფრად ექცათ და საერთო აივანი, სადაც ინვალიდ შვილს სძინავს - ეს ის რეალობაა, რომელშიც ქეთევან ჩუბინიძეს დედასთან, ოთხ შვილსა და შვილიშვილთან უწევს ცხოვრება...
ზუბალაშვილების ქუჩაზე ამ ოჯახის სანახავად მისულს იმაზე მეტად შემზარავი სურათი დამხვდა, ვიდრე ველოდი. 16 წლის მარიამი ოჯახში მეოთხე შვილია. სამწუხაროდ, ის უსინათლოა და, ამასთან ერთად, დაბადებიდან ცერებრული დამბლითაა დაავადებული. მას 8 ურთულესი ოპერაცია უკვე გადატანილი აქვს და ოჯახს მისი საბოლოო გამოჯანმრთელების იმედი გაუჩნდა, თუმცა ამისათვის კიდევ რამდენიმე ოპერაციაა აუცილებელი. ყოველი ოპერაცია და შემდგომი რეაბილიტაცია დიდ ხარჯებთანაა დაკავშირებული, ეს მრავალშვილიანი ოჯახი კი სიღარიბის ზღვარს ქვევით იმყოფება.
"ამდენი წვალებისა და ოპერაციის შემდეგ შეიძლება ყველაფერი წყალში ჩამეყაროს. რიგითი ადამიანების დახმარების იმედად ვარ დარჩენილი, ქუჩაში ვდგავარ და მხოლოდ ჩემი ინვალიდი შვილისთვის საჭმლის და პამპერსის ფულის შოვნას ვახერხებ. სოციალური დახმარების იმედად ცხოვრება შეუძლებელია" - ამბობს ქეთევან ჩუბინიძე მისივე თქმით, ბინა შვილის მკურნალობისთვის იპოთეკით დატვირთა, თუმცა თაღლითებმა მოატყუეს, დღეს არც ბინა აქვს და არც ის ფული, რომელიც უნდა მიეღო. სააბაზანოში ორსართულიანი საწოლი, ხატების კუთხე და აბაზანაა, აქ უფროს გოგოებსა და პატარას სძინავთ, აივანზე მარიამის საწოლი საკუთარი ბინის ჩარაზულ კართან დგას.
მისი ერთადერთი გასართობი მუსიკალური სათამაშოა, მას ხშირად ამღერებს და ხანდახან თავადაც ახერხებს სათამაშო პიანინოზე ნოტების აკრეფას, ოღონდ მხოლოდ მარჯვენა ხელით. მის საწოლთან ჩამომჯდარ ბებიას მის მიერ დაკრულ მელოდიაზე თვალები უწყლიანდება და იმედს არ კარგავს, რომ ოდესმე მათი ცხოვრებაც შეიცვლება. ზაფხულში ცხოვრება უადვილდებათ, თუმცა გულის კანკალით ელიან ზამთარს, რომელიც ადვილი გადასატანი ნამდვილად არ იქნება მათთვის.
P.S. მარიამის დასახმარებლად გაიხსნა ანგარიში, რომელზეც "მაგთის", "ბილაინისა" და "ჯეოსელის" აბონენტებს შეუძლიათ მცირეოდენი თანხა გაიღონ.
ქვემოთ მოცემულ ნომრებზე ნებისმიერ მსურველს შეუძლია თუნდავ ერთი ზარით დაეხმაროს მარიამს 0901 700 563, 0901 200 363
მაკა ქობალია
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
