მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ეთერ კაკულია: "დეპუტატობა მინდა, მაგრამ კოჰაბიტაცია ვერ გავიგე, რას ნიშნავს"
07:14 / 24-07-2013
"ჩემი საცხოვრებელი სახლის ნომერი 41-ია. აქ უკვე წლებია ვცხოვრობ" - ამბობს მომღერალი ეთერ კაკულია და ჩვეულ სტილში აგრძელებს ჩვენთან საუბარს.
- "ქართულმა ოცნებამ" სახლის ნომერი მოგპარათ?
- კი არ მომპარა, ვაჩუქეთ და გაიმარჯვა, ხედავ?
- "ოცნებაში" გაწევრიანებას ხომ არ აპირებთ? როგორც მახსოვს, ადრეულ წლებში გქონდათ მცდელობა პოლიტიკაში გადაბარგებულიყავით...
- კი, ერთი პერიოდი გადავბარგდი, მაგრამ ისევ უკან დავბრუნდი, რადგან პოლიტიკას ვერაფერი გავუგე. ძალიან რთული რამეა, რაა?.. მე მინდა, რომ პარლამენტის წევრი გავხდე.
- ისე, ახალი მოწვევის პარლამენტში ბევრმა მსახიობმა მოიყარა თავი...
- კი, და მინითეატრის დაარსებაც შეუძლიათ... ისე, პარლამენტის წევრი კი სიამოვნებით გავხდებოდი. რა ვიცი, შეიძლება, გამომივიდეს ეგ საქმე... მაგრამ სიტყვა კოჰაბიტაცია ვერ გავიგე, რას ნიშნავს. იმის დადგენაც მინდოდა, სადაური სიტყვაა.
- ფრანგული სიტყვაა.
- არ მჯერა. ფრანგულ ლექსიკონში ვეძებე და ვერ ვიპოვე. იქნებ შენ მაინც მითხრა, რას ნიშნავს ქართულად?
- თანაარსებობას.
- მერე ქართულად რომ ვილაპარაკოთ, არ ჯობია? მსოფლიოში ქართულზე უკეთესი ენა დამისახელეთ, რაა? იცი, რა მინდა გითხრა? მეუბნებიან, რომ კოლორიტი ხარო, მაგრამ ამას ვერ ვგრძნობ, სათანადო დაფასება არ მაქვს.
- რას გულისხმობთ?
- იმას, რომ ბიძინას სტიპენდია არ მაქვს... ისე, გავიგე, რომ თურმე ჩემთვისაც უნდა მოეცათ, მაგრამ იქ ვიღაცები ჩაერივნენ, თქვეს, - ეგ მიშისტიაო. მაგრამ მაინც მგონია, რომ ეგ ყველაფერი ბიძინას გარეშე მოხდა.
- ისე, "ნაციონალების" მიერ ორგანიზებულ კონცერტებზე ხშირად გამოდიოდით...
- ე.ი. როგორც მიშისტი ისე ვიყავი ცნობილი, არა? არადა, არ ვარ მიშისტი, ნუ! ის პრეზიდენტი იყო...
- ჯერჯერობით ისევ პრეზიდენტია.
- კი" მაგრამ მალე ხომ აღარ იქნება? მიმაჩნია, რომ სადაც შენი ქვეყნის მთავრობაა, იქ უნდა იყო შენც! ახლა "ოცნება" მოვიდა...
- და "ოცნების" მიერ ორგანიზებულ კონცერტებზე გამოხვალთ?
- იცი, რას გვეტყვი? ცოტა ხნის წინ შალვა რამიშვილმა თავის გადაცემაში მიმიწვია. ბევრი ვილაპარაკეთ, ვიცინეთ და ბოლოს მკითხა: - ახლა რომელ პარტიას უმღერითო?
ვუთხარი, რომ სიმღერა მჟავანაძის ცეკას მდივნობისას დავიწყე. ვმღეროდი შევარდნაძის, პატიაშვილის, გუმბარიძის, გამსახურდიას, ისევ შევარდნაძის, სააკაშვილის მთავრობისას-მეთქი. მერე შალვას ვკითხე, - ვინ არის ახლა საქართველოს მთავრობა-მეთქი? ბიძინა ივანიშვილიო, - მიპასუხა. ჰოდა, მეც მაგის მთავრობას ვუმღერებ-მეთქი. სწორედ ეგ მაინტერესებდაო, - მითხრა შალვამ...
რა მთავრობაც იქნება, იმას ვუმღერებ, რაა? ოპოზიციონერობა არ შემიძლია და არც არასდროს ვყოფილვარ ოპოზიციაში. მე მომღერალი ვარ. ვინც მეტყვის, მოდი და იმღერეო, წავალ და ვიმღერებ! ზოგიერთი ამბობს, სააკაშვილის პრეზიდენტობისას დაჩაგრული ვიყავიო... ახალი მთავრობაც ნეტავ იმავეს გააკეთებს?!
ლალი ფაცია
სპეციალურად "ამბები.გე"-სთვის
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
