პაკისტანში ქალებს საყიდლებზე დამოუკიდებლად სიარული აუკრძალეს

პაკისტანში ქალებს საყიდლებზე დამოუკიდებლად სიარული აუკრძალეს. მსგავსი აკრძალვა ქვეყნის ჩრდილო-დასავლეთში ადგილობრივმა უხუცესებმა შემოიღეს. ხიბერ პახტუნხვის პროვინციის კარაკის ოლქის სასულიერო პირებმა მაღაზიის გამყიდველებს მოუწოდეს, რომ თანმხლები ნათესავი მამაკაცის გარეშე, ქალი სავაჭრო ობიექტებში არ შეუშვან.

უხუცესებმა ახალი აკრძალვის შესრულებისთვის თვალყურის დევნება მაღაზიის მფლობელებს დაავალეს. მათი აზრით, ქალი, რომელიც დამოუკიდებლად ვაჭრობს, ვულგარულად გამოიყურება და შეურაცხყოფას აყენებს მორწმუნეთა გრძნობებს, რომლებიც მუსულმანთა წმინდა თვის, რამადანის დროს მარხულობენ.

მოიხსნება თუ არა აკრძალვა, როდესაც რამადანი დასრულდება, უცნობია.

მომზადებულია segodnya.ua-ს მიხედვით.