22
მაისიდღის ზოგადი ასტროლოგიური პროგნოზი
თურქეთში, სავარაუდოდ, საქართველოს მოქალაქე გარდაცვლილი იპოვეს. როგორც "ინტერპრესნიუსს" თურქეთის ქალაქ ტრაპიზონში, საქართველოს გენერალური საკონსულოს კონსულტანტმა, გიორგი ყუშიტაშვილმა განუცხადა , 20 ივლისს, დაბა ფაზარში, საქართველოს საზღვართან დაახლოებით 10 კილომეტრში, სავარაუდოდ, საქართველოს მოქალაქე, ქალბატონი გარდაცვლილი იპოვეს. 22 ივლისს კი ამის შესახებ თურქეთის პროკურატურამ ტრაპიზონში საქართველოს გენერალურ საკონსულოს აცნობა.
გიორგი ყუშიტაშვილის ინფორმაციით, მომხდართან დაკავშირებით, პროკურატურას საკონსულოსთვის ზუსტი მონაცემები და სრული მასალა არ გადაუგზავნია. მისივე ცნობით, ამჟამად პირის იდენტიფიკაცია მიმდინარეობს. პროკურატურიდან შესული პირველადი დოკუმენტებით კი ჯერჯერობით, საქართველოს მოქალაქის იდენტურობა ვერ დგინდება.
რაც შეეხება მედიაში გავრცელებულ ვერსიას, თითქოს ქალბატონი საქართველოს მოქალაქე მამაკაცმა ეჭვიანობის ნიადაგზე მოკლა, ამასთან დაკავშირებით, გიორგი ყუშიტაშვილი აცხადებს, რომ გარდაცვალების ვერსიებზე და მოტივზე საუბარი ნაადრევია და საკონსულო პროკურატურისგან დამატებით ინფორმაციებს ელოდება.
მისივე ცნობით, გარდაცვლილი ქალბატონის გვამი ამჟამად პროზექტურაშია დასვენებული.
