10
ივნისიდღის ზოგადი ასტროლოგიური პროგნოზი
"ვისოლ ჯგუფმა" აჭარაში "სმარტის" ორ სუპერმარკეტი, "ვისოლის" სერვის-ცენტრისა და "ვიანორის" ავტო-ტექმომსახურების ცენტრი გახსნა.
როგორც ვისოლ ჯგუფში განაცხადეს, ბათუმში, აღმაშენებლის ქუჩასა და ახალსოფელში მდებარე სუპერმარკეტების გახსნით "ვისოლ ჯგუფმა" "სმარტის" ქსელის შექმნა უკვე აჭარაშიც დაიწყო და უახლოეს პერიოდში კიდევ დამატებით რამდენიმე, როგორც პატარა ფორმატის, ასევე დიდი ფორმატის სუპერმარკეტები გაიხსნება. დიდი ფორმატის სუპერმარკეტი 7 000 კვ.მ მქონე სავაჭრო ცენტრში განთავსდება, რომელსაც "ვისოლ ჯგუფი" ბათუმის ცენტრში აშენებს.
"ვისოლ ჯგუფის" შვილობილი კომპანიების ქსელის განვითარება აჭარის რეგიონში აქტიურ ფაზაში შედის. მოხარული ვართ, რომ დღეიდან ადგილობრივ მოსახლეობასა და დამსვენებლებს საშუალება ექნებათ "სმარტში" უმაღლესი ხარისხის პროდუქტის ფართო არჩევანით, ექსკლუზიური შეთავაზებებითა და ევროპული სტანდარტის მომსახურებით ისარგებლონ. "ვისოლ პეტროლიუმ ჯორჯიას" მომსახურების ახალი ცენტრი ავტომაგისტრალზე მოძრავ სატვირთო თუ მსუბუქი ავტომობილების მძღოლებს საშუალებას მისცემს სრულყოფილი მომსახურება მათთვის მოსახერხებელ ადგილას მიიღონ. ავტო-ტექმომსახურების ქსელის "ვიანორის" კიდევ ერთი ცენტრი კი მომხმარებლებს უმაღლესი ხარისხის მომსახურებითა და "ტოტალის", "ფინასა" და "შევრონის" საავტომობილო ზეთებითა თუ სხვა ავტომანქანებისათვის აუცილებელი ექსკლუზიური პროდუქტებით გაანებივრებს. "ვიანორი" უმსხვილესი, მულტინაციონალური კომპანიაა და ჩვენ მოხარული ვართ, რომ საქართველოში ამ ბრენდის განვითარება ექსკლუზიურად "ვისოლ ჯგუფს" ერგო წილად.
ახლადგახსნილ ობიექტებზე "ვისოლ ჯგუფმა" დღეს დამატებით 110 ადამიანი დაასაქმა და ეს ჩვენი ბიზნეს-ჯგუფის ყველაზე დიდი მიღწევაა. ყველა თანამშრომელი უფასო კვებითა და ჯანმრთელობის დაზღვევით ისარგებლებს", - აცხადებს "ვისოლ ჯგუფის" პრეზიდენტი სოსო ფხაკაძე.
"სმარტის" ახალი სუპერმარკეტები მომხმარებლებს ყოველდღიური მოხმარების ევროპული თუ ადგილობრივი წარმოების უმაღლესი ხარისხის პროდუქტების ფართო არჩევანს შესთავაზებენ. ორივე სუპერმარკეტში განთავსებულია "სმარტ კაფე" უგემრიელესი საკონდიტრო პროდუქტებით, მზა კერძებით, სასმელებითა და უფასო ინტერნეტ (WIFI) ზონით. აქვე მომხმარებელს საშუალება ექნება ისარგებლოს ბანკომატით და სწრაფი გადახდის ტერმინალებით. "სმარტის" სუპერმარკეტები მომსახურების გამორჩეული ხარისხით მომხმარებლებს სრულ კომფორტს უქმნიან.
"ვისოლ ჯგუფმა" "სმარტის" ქსელის განვითარება 2010 წელს დაიწყო. ახალგახსნილი სუპერმარკეტების გარდა, "სმარტი" ამჟამად ფუნქციონირებს თბილისში აღმაშენებლის ხეივნის მე-13 კილომეტრზე, რუსთაველის გამზირზე, ვაზისუბნის მეორე მკ.რ-ში, კახეთის გზატკეცილზე, გუდაურში, ზუგდიდში, მარნეულში, ახალციხეში, ყვარელსა და ჩქაროსნული ავტომაგისტრალის გორის მონაკვეთზე.
რა? სად? რა ფასად?
გაიგეთ "რადიო მარკეტში"
ყოველ სამუშაო დღეს 10:50 და 11:50 საათზე
რადიო "პალიტრის" ეთერში - FM 103.9
