ყურძენზე სუბსიდირებას წელს სახელმწიფო აღარ აპირებს

"რთველი 2013" -სთვის მზადება უკვე დაწყებულია. ექვსწლიანი რუსული ემბარგოს დასრულების შემდეგ, ფერმერებს ყურძნის ხელსაყრელ ფასად რეალიზების იმედი აქვთ. ხელისუფლება კი პირობას დებს, რომ გასული წლებისგან განსხვავებით, ფერმერი შრომის ფასს აუცილებლად დაინახავს. როგორც ღვინის ეროვნულ სააგენტოში აცხადებენ, მევენახეებსა და მეღვინეებს შორის დაბალანსებული ურთიერთობის გარანტი მთავრობა იქნება.

"წელს შარშანდელთან შედარებით ყურძენზე მოთხოვნა თითქმის სამჯერ მეტია. მიმდინარეობს მოლაპარაკებები ღვინის კომპანიებთან, ვეცნობით, რა სჭირდება კერძო სექტორს. დაახლოებით მომდევნო კვირის ბოლოს გრაფიკი უკვე გაწერილი იქნება. თანდათან ჯანსაღ პრაქტიკაზე, ჯანსაღ კომერციულ ურთიერთობებზე უნდა გადავიდეთ, სადაც დაბალანსდება მევენახეების და მეღვინეების ინტერესები. სუბსიდირების სისტემა არ არის ჯანსაღი მექანიზმი, როდესაც მევენახე საწყლის როლში გამოდიოდა. არადა, ის არის მეწარმე, მას აქვს თავისი გათვლები, რისკები, ინტერესები და უნდა მიიღოს შრომის ადეკვატური ანაზღაურება" - აცხადებს ღვინის ეროვნული სააგენტოს ხელმძღვანელი ლევან დავითაშვილი.

იხილეთ ვრცლად

”სპექტრი”