მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მოჩვენება სარელაქსაციო ცენტრში
23:14 / 20-07-2013
მოჩვენებების არსებობას ძირითადად ძველ შენობებს უკავშირებენ, რომელთაც განსაკუთრებით ლამაზი ან შემზარავი ისტორია აქვთ. თუმცა პარანორმალური მოვლენები ყველგან შეიძლება მოხდეს. ამჯერად ნინოშვილის 25 ნომერში მდებარე სარელაქსაციო ცენტრს ვესტუმრეთ.
ხატია წერეთელი, სარელაქსაციო ცენტრის ხელმძღვანელი: ამ შენობაში ჩვენი გამაჯანსაღებელი ცენტრი სამი წლის წინ გადმოვიდა სამუშაოდ, მანამდე აქ "ქრისტიან-დემოკრატების" ოფისი იყო განთავსებული. სახლი მორწმუნე, მართლმადიდებელ ოჯახს ეკუთვნის. როცა გადმოვედით, ყველაფერი დავალაგეთ და მუშაობას შევუდექით. საქმეების გამო ქალაქიდან მომიხდა გასვლა და უცნაური მოვლენები პირველად სწორედ მაშინ შენიშნეს ჩემმა თანამშრომლებმა - ძირითადად წითელ ოთახში ხმაურობდა მოჩვენება.
- კერძოდ, რა შენიშნეს?
- როგორც ხედავთ, ცენტრი ორსართულიანია. მეორე სართულიდან, სადაც მაშინ არავინ იყო, მოესმათ, კიბეზე არბენის ხმა, თითქოს ოთახებში ვიღაც დადიოდა. ხმაურმა რამდენიმე წამს გასტანა, ამიტომ ამ ფაქტს დიდი ყურადღება არ მიაქციეს, იფიქრეს, რომ მოეჩვენათ. როდესაც თბილისში დავბრუნდი, მიამბეს ამის შესახებ, რაც ცოტა დაუჯერებლად მეჩვენა. შემდეგ საკუთარი თვალით ვნახე, როგორ დადიოდა ოთახებში აჩრდილი და დავიჯერე. ყველას გვსმენია ასეთი შემთხვევების შესახებ, მაგრამ სანამ საკუთარი თვალით არ ვნახავთ, ვერ ვიჯერებთ. ასე მოხდა ჩემს შემთხვევაშიც. შეუძლებელი იყო აქ გაჩერება. საღამოობით მოჩვენება ძალიან ხმაურობდა, ამიტომ ვანთებდით საკმეველს. ამ დროს უნდა გენახათ, რა დღეში იყო. სასწაული ხმაური ისმოდა. ადიოდა კიბეზე, დადიოდა ოთახებში, ჩართავდა და გამორთავდა ტელევიზორს. განსაკუთრებით მაშინ აქტიურდებოდა, როცა ქალაქიდან მიწევდა გასვლა.
- მოჩვენება ახლაც ჩნდება?
- არა. მღვდელთან წავედი და ყველაფერი მოვუყევი, ცენტრი ვაკურთხებინეთ, იმ დროს განსაკუთრებით გააქტიურდა: შევიდა სააბაზანოში, წყალი მოუშვა და ყველაფერი დაასველა. ეტყობა, იბრძოდა, არ უნდოდა აქედან წასვლა.
- მღვდელმა როგორ ახსნათ ეს ამბავი?
- მას არ გაჰკვირვებია ეს მოვლენა. გვითხრა, რომ ყველა ადამიანს შეიძლება დაჰყვებოდეს ეშმაკი, ჩვენს ცენტრში სხვადასხვა აღმსარებლობის უამრავი ადამიანი მოდის. მისი ვარაუდით, ალბათ ერთ-ერთ მათგანს შემოჰყვა და ვეღარ გააღწია აქედან. გვითხრა, რომ უცნაური მოვლენებისგან თავის დასაღწევად აუცილებელია ლოცვა და დადებითი აურა. სახლის კურთხევის შემდეგ, ერთ წელზე მეტია მოჩვენება აღარ შეგვინიშნავს. ბოროტი ძალისგან დასაცავად ყველა თანამშრომელი ატარებს 90-ე და 50-ე ფსალმუნებს.
გიორგი ახალაია (თანამშრომელი): იცით, რამდენჯერ ჩაგვაგდო უხერხულ მდგომარეობაში მოჩვენებამ? ყოფილა შემთხვევა, როცა კლიენტი მარტო იყო სარელაქსაციო ოთახში და მოჩვენებამ წყალი მოუშვა. გიჟდებოდნენ, წარმოიდგინეთ, როგორი სტრესია, როცა ასეთი რაღაც ხდება. ერთ საღამოს მე და ჩემი თანამშრომელი თიკო ფანჯარასთან ვიდექით, ვეწეოდი. უცებ ორივემ უცნაური სიცივე ვიგრძენით, ზაფხული იყო, დავინახეთ, რომ კართან იდგა მოჩვენება და მისგან მოდიოდა ეს სიცივე.
- როგორ გამოიყურებოდა?
- ძალიან მაღალია, მოკლე თმა და გრძელი წვერი აქვს. მასაც თითქოს სიგარეტი ეჭირა. როცა ჩნდებოდა, ჯერ სიცივეს ვგრძნობდით და მერე ვხედავდით. ერთხელ დივანიდანაც კი გადმომაგდო.
ჟანა (თანამშრომელი): ცენტრის მოწვევით სამუშაოდ უზბეკეთიდან ჩამოვედი. თავდაპირველად, სანამ ბინას დავიქირავებდი, აქ ვცხოვრობდი. თავიდან უცნაური არაფერი შემინიშნავს. ერთ საღამოს ხმაურმა გამაღვიძა. მეორე სართულზე ვიღაც დადიოდა, ვიფიქრე, გოგონებს რამე დარჩათ და დაბრუნდნენ-მეთქი. ზემოთ ასულს სიმღერის ხმა შემომესმა, ვიღაცა კაცი ხმამაღლა ჩემთვის უცნობ მელოდიას მღეროდა. ძალიან შემეშინდა.
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ მიმდინარეობს საქალაქო სასამართლოში „სტრატეგია აღმაშენებლის“ ლიდერის, გიორგი ვაშაძის პროცესი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
