თეა ადეიშვილი - "რა ფასადური მაიმუნობაა ეს პრაიმერიზი"

ჟურნალისტი თეა ადეიშვილი "ფესიბუქის" საკუთარ გვერდზე "ნაციონალური მოძრაობის" პრაიმერიზს "ფასადურ მაიმუნობას" უწოდებს.

"რა ფასადური მაიმუნობაა ახლა ეს პრაიმერისი, ყველამ ხო ვიცით, რომ ბაქრაძეა კანდიდატი! ვის აინტერესებს მალაშხიას და ჯაფარიძის განსხვავებული აზრები?! დაეყენებინათ კონკურენტებად: უგულავა და ბოკერია - აი, მაშინ მართლა საინტერესო იქნებოდა! ერთმა მეგობარმა კი თქვა, "ნაციონალურმა მოძრაობამ" დავით აღმაშენებელი რომ დააყენოს კანდიდატად, მე მაინც არ მივცემ ხმასო, მაგრამ მე ბოკერია-უგულავა-ბაქრაძის დებატებს მაინც მოვუსმენდი", - წერს ადეიშვილი.

პრაიმერიზში 4 კანდიდატი - დავით ბაქრაძე, გიორგი ბარამიძე, ზურაბ ჯაფარიძე და შოთა მალაშხია მონაწილეობენ. მან "ნაციონალური მოძრაობის" პრეზიდენტობის კანდიდატი უნდა გამოავლინოს.