მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მანიკა ასათიანი - "ერთი დღით ოპრა უინფრი სიამოვნებით ვიქნებოდი"
00:16 / 22-07-2013
მოდელსა და ტელეწამყვან მანიკა ასათიანს არანაირი ფობია არ აქვს, მხოლოდ ხახვს "უფრთხის," "ხახვი ან ხახვიანი კერძი არასოდეს მიჭამია, რადგან მეზიზღება, მძულს!" - გვითხრა მანიკამ, რომელმაც "დეტექტორის" შეკითხვებს ხალისიანად უპასუხა.
- ვთქვათ, საცურაო აუზზე მყოფს რამდენიმე ქალბატონი გთხოვს: აქაურობა დატოვე, რადგან შენი უზადო სხეული გვაკომპლექსებს, გარუჯვასა და ბანაობას ვეღარ ვახერხებთო...
- გამეცინება! ოღონდ მართლა, სიცილით მოვკვდები (იცინის)! არ მიმაჩნია, რომ ისეთი უზადო სხეული მაქვს, ვინმე დავაკომპლექსო. ვინც საცურაო აუზზე მიდის და საცურაო კოსტიუმს იცვამს, იმის შეგნებაც უნდა ჰქონდეს, რომ ვიღაცას შეიძლება, მასზე უკეთესი აღნაგობა ჰქონდეს.
- ზაფხულის სიცხეს თავს სად აფარებ?
- ჯერ თბილისში ვარ, თვის ბოლოს კი ბათუმში წავალ. აუზზე სულ ორჯერ ვიყავი. სატელევიზიო სეზონი გასულ პარასკევს დავასრულე და შესაბამისად, მუშაობის პარალელურად აუზზე წასვლას ვერ მოვახერხებდი.
- ვთქვათ, ბიძინა ივანიშვილი გთავაზობს, რომ მისი მრჩეველი გახდე საჯაროდ მოსაყოლი ანეკდოტების საკითხში...
- მაშინვე უარს ვეტყვი.
- რატომ?
- იუმორის დიდი ნიჭით არ გამოვირჩევი.
- ვქვათ, სტივენ სპილბერგი ფილმში სათამაშოდ გიწვევს...
- რომ არ დავთანხმდე, უნამუსო ვიქნები. მიუხედავად იმისა, რომ ასეთი ცნობილი რეჟისორი მიწვევს, ჩემს პრინციპებს მაინც არ გადავუხვევ. იმედია, მოვილაპარაკებთ. ჯერ დამირეკოს და ამ შეკითხვაზე ზუსტ პასუხს მერე გეტყვით (იცინის).
- რა პრინციპებს გულისხმობ?
- მაგალითად, გაშიშვლებას არ დავთანხმდებოდი.
- დავუშვათ, როლისთვის წონაში 10 კილოგრამის მომატებას გთხოვს...
- პრობლემა არ არის, ეს ყველაზე იოლია: 23 კილო მქონდა მომატებული, მაგრამ ახლა ჩვეულ ფორმაში ვარ.
- ლიფტში უცნობი თანამგზავრი გოგონა ხმამაღლა იგინება...
- გამეცინება. აბა, რა ჩემი საქმეა, ის რას გააკეთებს? საერთოდ, სხვის საქმეში ჩარევა არ მიყვარს. შეიძლება, იმ დროს ბილწსიტყვაობა საჭიროც იყო. ზოგადად, არ მომწონს, როცა გოგონა უცენზურო სიტყვებს ამბობს, მაგრამ უცხო ადამიანების მიმართ ზედმეტი კომენტარების გაკეთება არ მიყვარს.
- ბილწსიტყვაობა თუ გჩვევია?
- ნაკლებად.
- ვთქვათ, ჯეკპოტი მოიგე...
- ბევრ აგარაკს, მანქანას ვიყიდდი, ოღონდ - არა მარტო ჩემთვის, არამედ სხვებისთვისაც... ისე, გააჩნია, რა თანხას მოვიგებ. გაჭირვებულებს რომ დავეხმარებოდი, ეს ზუსტად ვიცი. თანხებს საქველმოქმედო ფონდებში გადავრიცხავდი.
- ვთქვათ, შენი დანახვით აღტაცებული პატრულის თანამშრომელი გეკითხება: ასეთი სილამაზის პატრონს მოდელობაზე ან ტელეწამყვანობაზე არასოდეს გიფიქრიაო?
- (იცინის) ვიფიქრებ, რომ მეხუმრება და სინამდვილეში, ჩემ შესახებ ყველაფერი იცის. თუ სერიოზულად მეუბნება, გამეცინება და ვუპასუხებ, რომ ამაზე აუცილებლად ვიფიქრებ.
- ზოგადად, შენი დანახვისას უცნობ ხალხს როგორი რეაქცია აქვს?
- ბედნიერი ვარ, რომ უარყოფითი ენერგია არავისგან მოდის. ყველა დადებითადაა განწყობილი. ეს ჩემთვის ძალზე მნიშვნელოვანია.
- ვთქვათ, მეუღლე გეუბნება, რომ სპორტისთვის თავის დანებებას და ექსტრასენსობას აპირებს...
- გამეცინება, მაგრამ ვეტყვი, - იუმორი შეარჩიე-მეთქი.
- ერთი დღით რომელ ცნობილ ადამიანად ისურვებდი ყოფნას?
- ალბათ, ბევრი (მათ შორის - მეც) ოცნებობს ისეთ წარმატებაზე, როგორსაც ოპრა უინფრიმ მიაღწია. ამიტომ ერთი დღით ოპრა უინფრი სიამოვნებით ვიქნებოდი.
- ვთქვათ, თაყვანისმცემლები ნაცრისფერ ჩოჩორს გჩუქნიან და გთხოვენ, - მათდამი პატივისცემის ნიშნად, გაზარდო და მოუარო...
- ალბათ, საჩუქარს მივიღებ, მაგრამ შემდეგ გავაჩუქებ, რადგან ნამდვილად ვერ მოვუვლი.
- Victoria's secret-ი საცვლების კოლექციის ჩვენების გახსნას გთავაზობს...
- ამ წინადადებაზე აუცილებლად დავთანხმდებოდი (იცინის). ასეთ ჩვენებაზე საცურაო კოსტიუმით გამოსვლა არ "ტეხავს".
- დავუშვათ, ტელეკომპანია "მაესტროს" ეზოში მიხეილ სააკაშვილი და შალვა ნათელაშვილი დომინოს თამაშობენ და შენც გეპატიჟებიან...
- დომინოს თამაში კარგად ვიცი და მეც ვითამაშებდი, პრობლემა არ არის...
- უჩინარი რომ იყო, რას გააკეთებდი?
- ვაიმე, ძალიან რთული შეკითხვაა... არ ვიცი... ყოველ შემთხვევაში, ამ ნიჭს ცუდი საქმისთვის არ გამოვიყენებდი. ზოგი ამბობს, - ბანკს გავძარცვავდიო. ასე ნამდვილად არ მოვიქცეოდი... და თუ მაინც გავძარცვავდი, ნაქურდალს კარგ საქმეს მოვახმარდი - გაჭირვებულებს დავეხმარებოდი.
ეთო ყორღანაშვილი
(გამოდის ხუთშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
