დუბაის ავტობუსის გაჩერებები კონდიციონერით აღჭურვეს

დუბაი ზრუნავს ისეთ მოქალაქეებზეც, რომლებსაც ძვირადღირებული მანქანები არ ჰყავთ. შესაბამისმა სამსახურმა ქალაქის მასშტაბით ავტობუსის გაჩერებები კონდიცირების სისტემით აღჭურვა.

დუბაის ხელისუფლება ავტობუსის გაჩერების კონდიციონერით აღჭურვის ინიციატივით  ჯერ კიდევ 2006 წელს გამოვიდა. პირველი მსგავსი მოდერნიზებული გაჩერება ქალაქში 2007 წელს გაჩნდა. დღეისთვის დუბაის 2700 ავტობუსის გაჩერებიდან 636 კონდიციონერითაა აღჭურვილი. მსგავსი გაჩერება აბუ-დაბიში 2009 წელს გაჩნდა.

რა თქმა უნდა, დუბაი "კონკურენტის" უკან ჩამოტოვებას ლამობს. შემდეგი ნაბიჯი ავტობუსის გაჩერებაზე უფასო უკაბელო ინტერნეტის დამონტაჟებაა. უფასო Wi-Fi-ს დამონტაჟება ავტობუსის გაჩერებებზე წელს დაიწყება.

მომზადებულია manonthelam.com-ის მიხედვით.