მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მიხეილ სააკაშვილი - "არ შეიძლება ბერიას მიმართ რამე თბილი გრძნობები მამოძრავებდეს"
02:34 / 19-07-2013
პრეზიდენტი მიხეილ სააკაშვილი "ფეისბუქის" ოფიციალურ გვერდზე იმ ადამიანებს პასუხობს, ვინც "ნანუკას შოუში" მის მიერ გაკეთებული განცხადების შემდეგ პრეზიდენტი ლავრენტი ბერიას "თაყვანისმცემლად შერაცხა".
"იმ ადამიანების საყურადღებოდ, ვისაც გუშინდელი ჩემი ინტერვიუს შემდეგ სურვილი გაუჩნდა, ლავრენტი ბერიას თაყვანისმცემლად გამომიყვანონ: მე ვიზრდებოდი ქართული ინტელიგენციის მრავალთაობიან ოჯახში და, სხვებთან ერთად, მზრდიდნენ და ჩემს მსოფლმხედველობას აყალიბებდნენ ჩემი დიდი ბებია და ბაბუა. ბებიაჩემის, თამარ აბაშიძის, ძმა უშუალოდ ბერიას ბრძანებით დახვრიტეს 1937 წელს, ხოლო მამამისი, ჭიათურის საბადოების ყოფილი მფლობელი, მრავალი წლით გადაასახლეს და პრაქტიკულად ამ გადასახლებით გაანადგურეს, ვინაიდან დაბრუნებიდან სულ ცოტა ხანში გარდაიცვალა.
ჩემი დიდი ბაბუა, ნიკოლოზ წერეთელი, ასევე პირადად ბერიას ბრძანებით გაუყენეს მისი ძმის, ალექსანდრე წერეთლის კვალს და ათი წლით გაამწესეს ციმბირის ბანაკში მათ ბიძასთან, მიხაკო წერეთელთან კავშირის გამო, მე კი უნივერსიტეტის პირველ კურსზე დამაპატიმრა უკრაინის "კგბ"-მ და სტალინის და ბერიას დრო რომ ყოფილიყო, იგივე ბედი არ ამცდებოდა.
ამიტომ, ალბათ ხვდებით, რომ არ შეიძლება ბერიას მიმართ რამე თბილი ან თუნდაც პოზიტიური გრძნობები მამოძრავებდეს.
ამის მიუხედავად, ეს არ ცვლის იმ ფაქტს, რომ სწორედ ამ ჯალათის ბრძანებით აშენდა თბილისის ახალი ცენტრი, გადაწყდა მეტროს მშენებლობა და ბევრი სხვა ინფრასტრუქტურული პროექტი განხორციელდა.
დემოკრატიული ინსტიტუტების მშენებლობასთან ერთად, ბოლო წლებში ჩვენ იმავე და უფრო დიდი მასშტაბის მშენებლობები წამოვიწყეთ, ნაწილი დავასრულეთ კიდეც, მაგრამ თბილისის ცენტრალური არტერიის პროექტი, რომელიც რკინიგზის გადატანით იქმნებოდა, სამწუხაროდ, ახალმა მთავრობამ შეაჩერა. არადა, ეს არის ყველაზე პერსპექტიული და მასშტაბური პროექტი, რომელიც ოდესმე განხორციელებულა თბილისში და მისი მნიშვნელოვანი ნაწილი უკვე დაწყებულია. ამ პროექტის შუა გზაზე მიტოვება მავნებლობაა და სხვა არაფერი", - ნათქვამია პრეზიდენტის განცხადებაში.
"ნანუკას შოუში", რომელიც პრეზიდენტს მიეძღვნა, მიხეილ სააკაშვილმა განაცხადა, რომ თბილისს ჰყავდა აღმაშენებლები და დამანგრევლები. მან აღმაშენებლებს შორის, ლავრენტი ბერია მოიხსენია.
"მე თბილისელი ვარ, თბილისში დავიბადე, გავიზარდე და მოვკვდები, მაგრამ ვთვლიდი და ვთვლი, რომ მნიშვნელოვანია ქვეყანაში განვითარდეს რეგიონები. თბილისს ჰყავდა თავის დამანგრევლები დ მაგალითად, აღა-მაჰმადხანი და თენგიზა კიტოვანი, ასევე სიგუა და ჯაბა, შევარდნაძეც, სხვათა შორის, რადგან ეს ყველაფერი მისი მმართველობის პერიოდში ხდებოდა, მაგრამ ჰყავდა აღმშენებლებიც, მაგალითად, ვორონცოვი, რომელმაც მე-19 საუკუნეში სასწაულები მოახდინა აქ და ლავრენტი ბერია, რომელმაც მთაწმინდა და სანაპიროები გააშენა და გამწვანებაშიც დიდი როლი შეიტანა", - განაცხადა სააკაშვილმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
