მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მოსკოვის მაღაზიებში ქართულ ღვინოზე რიგებია"
23:36 / 18-07-2013
"ქართული ღვინის აჩრდილი სადღაც საბაჟოსთან დახეტიალობს, თუმცა მაღაზიებში ჯერ კიდევ არ ჩანს", - ამბობდა ერთი თვის წინ რუსეთის მთავარი სანიტარი გენადი ონიშენკო, თუმცა ბატონ ონიშენკოს მიერ ათასგზის შერისხულმა ქართულმა ღვინომ რუსულ ბაზარზე მაინც შეაღწია. რუსეთის ბაზარზე პროდუქცია უკვე შეიტანეს კომპანიებმა: WS-მა, "დუგლაძეების ღვინის კომპანიამ", "კახურმა ტრადიციულმა მეღვინეობამ", "თბილღვინომ"და სხვებმა. როგორ იყიდება რუსეთის ბაზარზე ქართული ღვინო? - ამ კითხვაზე "დუგლაძეების ღვინის კომპანიის"გენერალური დირექტორი ზაზა დუგლაძე გვიპასუხებს:
- ბატონო ზაზა, პირველ რიგში, როგორ შეგხვდნენ რუსეთში, რას ამბობენ მომხმარებლები ქართული ღვინის შესახებ?
- ძალიან დიდი მონატრებითა და სიხარულით შეგვხვდნენ, ქართულ პროდუქციაზეც დიდი მოთხოვნილებაა, ეს ეხება როგორც ალკოჰოლურ სასმელებს, ასევე მინერალურ წყლებსაც. გვეუბნებოდნენ, რომ მონატრებული ჰქონდათ ქართული ღვინო და ეს მართლაც ასე ყოფილა.
- თქვენი კომპანიის ღვინო როგორ იყიდება?
- ის რაოდენობა, რასაც ვაწვდით, ქსელში შესვლისთანავე იყიდება. გვეუბნებიან, რომ მოსკოვის მაღაზიებში რიგი დგება და ჩვენი ღვინო მალევე ქრება ქსელიდან. ამ ეტაპზე, დაახლოებით, ნახევარი მილიონი ბოთლი გვაქვს გაგზავნილი, პროდუქციის ნაწილი გზაშია, ნაწილი კი - უკვე ქსელში. როგორც ვიცი, უახლოეს მომავალში რამდენიმე კომპანია კიდევ შემოგვიერთდება, მათ შორის "ქინძმარაულის მარანი"და "ბადაგონი", რომლებმაც საბუთები უკვე მოაწესრიგეს და ახლო მომავალში შეიტანენ თავიანთ ღვინოს რუსულ ბაზარზე.
- თქვენი კოლეგები რას ამბობენ, მათი ღვინოც ასე მალე იყიდება?
- როგორც ვიცი, ისინიც არ არიან უკმაყოფილონი. გამოგიტყდებით, არც კი ველოდი, თუ ამხელა მოთხოვნილება იქნებოდა ქართულ ღვინოზე, კონიაკსა და მინერალურ წყლებზე. რასაც ვასხამთ, მაშინვე ვგზავნით რუსეთში და იმის შიში, რომ ჩვენი ღვინო არ გაიყიდება, ნამდვილად არა გვაქვს. მით უმეტეს, რუსი სპეციალისტების მიერ სერიოზული ლაბორატორიული შემოწმება გავიარეთ.
- დაბოლოს, ზუსტად რამდენი ხანია, რაც ქართული ღვინო რუსულ ბაზარზე შევიდა?
- ჯერ მხოლოდ ერთი თვეა გასული. პირველი პარტია დაახლოებით ერთი თვის წინ შევიტანეთ. ღვინომ სხვადასხვა ინსტანციები უნდა გაიაროს, დრო უნდა განბაჟებას, ანალიზებს, მაგრამ ის ნაწილი, რომელიც ქსელშია შესული, მაშინვე იყიდება.
ხათუნა ჩიგოგიძე
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
