9
ივლისიდღის ზოგადი ასტროლოგიური პროგნოზი
შემოდგომაზე "ცეკვავენ ვარსკვლავების" მესამე სეზონი დაიწყება. თუ ვინ მიიღებს ცნობილი ადამიანებიდან მასში მონაწილეობას, ვინ იქნებიან ჟიურის წევრები და ვინ წაიყვანს ამ პროექტს, ეს ჯერჯერობით არ ხმაურდება. თუმცა პროექტის მთავრი პროდიუსერი - ნოე სულაბერიძე გახლავთ, ადამიანი, რომელიც ამ საქმეს მანამდეც წარმატებულად უძღვებოდა.
ორგანიზატორების თქმით, წელს სიახლე ის არის, რომ "ცეკვავენ ვარსკვლავებს" მეცამეტე წყვილი დაემატა, რომელიც ინტერნეტკონკურსის წესით შეირჩევა. პრინციპი ასეთია: 16 წლიდან ზემოთ ასაკის ადამინი, რომლის პარამეტრები (წონა, სიმაღლე) არ არის განსაზღვრული, შედის "ცეკვავენ ვარსკვლავების" ინტერნეტგვრდზე, ირჩევს მუსიკას, რომელზეც ცეკვავს და შემდგომ ვიდეოს საიტზე ატვირთავს. ჩანაწერს პროდიუსერები და ქორეოგრაფები ნახულობენ. ვიდეო იმის მიხედვითაც ფასდება, თუ რამდენი ადამიანი ნახავს მას და მხარს დაუჭერს.
როგორც ორგანიზატორები ამბობენ, ადამიანები ამ პროცეში აქტიურად არიან ჩართულები, მაგრამ მსურველებს მაინც მეტი აქტიურობისკენ მოუწოდებენ, ვინაიდან დრო იწურება.
აღსანიშნავია, რომ მსაგავსი წესით კონკურსანტების შერჩევა მსოფლიოს მასშტაბით, სადაც ეს პროექტი მიმდინარეობს, ჯერ არსად ყოფილა - საქართველოში პირველად ხდება, რაც BBC-ის წარმომადგენლებს ძალიან მოეწონათ.
