თბილისში გამაგრილებელი სასმელების ფესტივალი გაიმართება

"გაყიდვების მართვის კომპანიისა" და "პერიტუს გრუპის" ორგანიზებით პირველად თბილისში ქართული და იმპორტირებული გამაგრილებელი სასმელების ფესტივალი გაიმართება. 27-28 ივლისს "გუდვილის" საბურთალოს ფილიალში მისულ მომხმარებელს საშუალება ექნება, ღონისძიებაში მონაწილე ლუდის, ლიმონათის, ნატურალური წვენების, მინერალური და მტკნარი წყლების მწარმოებელი კომპანიების პროდუქცია დააგემოვნონ.

ღონისძიების მიზანია საქართველოში წარმოებული თუ იმპორტირებული პროდუქციის პოპულარიზაცია. სწორედ ამიტომ, ფესტივალის ფარგლებში დაგეგმილია სხვადასხვა სახის აქტივობა, რაც მომხმარებელს პროდუქციის შემადგენლობისა და მისი სასარგებლო თვისებების შესახებ ინფორმაციას მიაწვდის. მათ შორის, გაიმართება ფლეშმობი, კონკურსები და გათამაშებები, რომელშიც მომხმარებელი მონაწილეობას მიიღებს და არაერთი საჩუქრის მფლობელი გახდება. ასევე მოეწყობა საინტერესო კონკურსი ჟურნალისტებისთვის.

ფესტივალი ივლისის ბოლოს "გუდვილის" საბურთალოს ფილიალში გაიმართება და ორ დღეს გასტანს (27-28 ივლისი).

"აირჩიე ქართული" - სავაჭრო ნიშანი შექმნილია "გაყიდვების მართვის კომპანიის" მიერ. კომპანიის მიზანია ქართული პროდუქციის მხარდაჭერა და პოპულარიზაცია. კომპანია მცირე და საშუალო კომპანიებს გაყიდვების მართვას, კვლევებს, მარკეტინგის, სარეკლამო და მენეჯმენტის სერვისებს სთავაზობს. კომპანია ორგანიზებას უკეთებს ქართული პროდუქციის გამოფენებს - "აირჩიე ქართული".

რა? სად? რა ფასად?

გაიგეთ ”რადიო მარკეტში”

ყოველ სამუშაო დღეს 10:50 და 11:50 საათზე

რადიო ”პალიტრის” ეთერში - FM 103.9