სტეფანე მღებრიშვილი: "იმდენად გიჟი არავინ იყო, რომ ჩემთვის სამ სიმღერაში ამდენი გადაეხადა"

სტეფანე მღებრიშვილი "ამბები.გე"-ზე გამოქვეყნებულ სტატიას სათაურით - "სტეფანეს ერთ ღამეში 25000 დოლარი გადაუხადეს", "ფეისბუქის" საკუთარ გვერდზე გამოეხმაურა.

"მოკლედ ბევრმა ჟურნალისტმა დამირეკა, და აქ მირჩევნია გიპასუხოთ:

25-არა, 20 ჩამირიცხეს ბარათზე, საიდანაც რამდენიმე არტისტისთვის უნდა გადამენაწილებინა, და ყველას ყველაფრის ხარჯი თავისით უნდა გაესტუმრებინა (ტრანსპორტირება, სასტუმრო და ა.შ.) მახსოვს მთელი ამ თანხიდან ჩემი ჰონორარი არც თუ ისე დიდი იყო. უბრალოდ დროში ვერ ესწრებოდა და მთლიანად ჩემს ბარათზე ჩარიცხეს. იმდენად გიჟი არავინ იყო, რომ ჩემთვის სამ სიმღერაში ამდენი გადაეხადა.... ესეთი შემთხვევა მეტი ჩემს პრაქტიკაში არ არსებობს.... ისე კი მაგარია ალბათ, როდესაც ამდენს გიხდიან სიმღერაში, და ესეთი ადამიანი მსოფლიოში ძალიან ბევრია....

იმედია ამომწურავად გიპასუხეთ...

პ.ს: ფოტოც კარგი შეურჩევიათ...", - წერს სტეფანე.

"ამბები.გე"-ზე გამოქვეყნებულ სტატიაში ნათქვამია, რომ 2011 წლის 2 აგვისტოს ბათუმში, კონცერტ MTV Georgia Live-ში ჯგუფ "სტეფანე და 3G"-ის მონაწილეობისათვის, სტეფანეს ერთ საღამოში 25 000 აშშ დოლარი გადაუხადეს.

იხილეთ ასევე: "სტეფანეს ერთ ღამეში 25 000 დოლარი გადაუხადეს"