მნიშვნელოვანი ინფორმაცია
15
ივლისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 23:45-ზე, მთვარე თევზებშია – კარგია: ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. შეგიძლიათ დაიწყოთ ახალი საქმეები. მოუფრთხილდით ღვიძლს. კარგია სისხლის გაწმენდა. რეკომენდებულია აბაზანები, ნებისმიერი გამწმენდი პროცედურა. ივარჯიშეთ, იყავით სუფთა ჰაერზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რეპორტაჟი თბილისის ბაზრებიდან ანუ "ბუზებს ნუ გადაიღებ"
23:18 / 13-07-2013
ვიდრე ბაზარში პროდუქტს შეიძენდეთ, კარგად დაფიქრდით, შესაძლოა, ეს თქვენი ჯანმრთელობისთვის მეტად სახიფათო აღმოჩნდეს. სპეციალისტების განცხადებით, თბილისის და არა მარტო თბილისის ბაზრობებში სანიტარიული მდგომარეობა მძიმეა. განსაკუთრებით მძიმე სურათი კი იმ ადგილებშია, სადაც ხორცპროდუქტები იყიდება.
მდგომარეობის უკეთ შესწავლის მიზნით, დეზერტირებისა და სამგორის ბაზრები მოვიარე. თუმცა, არც ბაზარში შესვლამდე ნახავთ სახარბიელო სურათს. მეტროს სადგურიდან გამოვედი თუ არა, ხაჭაპურისა და ფუნთუშების გამყიდველებს შევეფეთე, რომლებიც ამ პაპანაქებაში მზის ქვეშ ქოლგებით სხედან და კრემიან ფუნთუშებს ყიდიან. ხაჭაპური ერთი ლარი, ფუნთუშა კი 30 თეთრი ღირს. ამბობენ, რომ კლიენტებს არ უჩივიან. "ეს ყველაფერი ჩვენი გაკეთებულია, ვაცხობთ და ოც-ოცი ცალი გამოგვაქვს გასაყიდად. ძალიან მალე გვეყიდება, იმიტომ რომ გემრიელია" - მეუბნება ერთ-ერთი გამყიდველი. თუმცა ჩემმა კითხვამ, რატომ უწყვია საკვები პროდუქტი ამ მტვერში, ცოტა დააბნია და ცელოფანის ქვეშ მოთავსებული ფუნთუშები შემომთავაზა.
მეფუნთუშეებს გავცდი თუ არა, მხიარულ მემწვადე ქალბატონს გადავაწყდი, რომელიც, ჩემდა გასაკვირად, ტურისტებს უბრაწავდა ჩაბასტურმებულ ხორცს. შემდეგ იქვე თეფშებზე დაულაგა და გემრიელად მიირთვითო, დააყოლა. ტურისტებმა, როგორც ჩანს, მართლაც გემრიელად მიირთვეს, რადგან სახეებზე კმაყოფილება ეტყობოდათ.
ტურისტებს შევეშვი და გზა ბაზრობისკენ განვაგრძე. ამ ტერიტორიაზე რას აღარ ნახავთ: მზისგულზე დაწყობილ შოკოლადის კანფეტებს, ვედროებში ჩაწყობილ კვერცხს, მაწონს და რძესაც კი. თუ სამარშრუტო ტაქსების სადგომისკენ შეუხვევთ, ურიკით მოსიარულე ქალბატონს წააწყდებით, რომელიც თქვენი გემოვნებით დაგიმზადებთ გნებავთ ჩაის და კაკაოს, გნებავთ ყავას - არჩევანი თქვენზეა.
როგორც იქნა ბაზარშიც შევაღწიე და პირდაპირ იმ ტერიტორიისკენ გავეშურე, სადაც ხორცპროდუქტები იყიდება... არ გამიკვირდება, იქ ნანახის შემდეგ ვეგეტარიანელი გავხდე. აქ საქონლის ხორცი ან პირდაპირ დახლებზეა დაყრილი, ან ლურსმნებზეა ჩამოკიდებული, ან კიდევ გამორთულ მაცივრებშია ჩაწყობილი. ხორცის გამყიდველებისთვის ყველაზე საჭირო ნივთი ბუზის საკლავია, რომელიც ფოტოაპარატის დანახვისთანავე დახლქვეშ დამალეს. ერთ-ერთმა ისიც კი მითხრა: "გადაიღე, გადაიღე, მთავარია ბუზები ვერ გადაიღოო". თუ აქ ხორცს შეიძენთ, ბონუსად აუცილებლად მიიღებთ რამდენიმე კარგად მოსუქებულ ბუზს.
რა თქმა უნდა დავინტერესდი, რატომ არის ყველა მაცივარი გამორთული, რაზეც ერთმა გამყიდველმა მითხრა: "აქ რომ მაცივრებიც ჩავრთოთ, ჩვენ რაღა დაგვრჩება, ამდენ გადასახადს თუ გადავიხდი, მოგებას ვერ ვნახავ. ამ ხორცით დაღუპული ჯერ არავინ მინახავს. ხალხი მოდის და ყიდულობს, მყიდველების ნაკლებობას არ ვუჩივით. არც სახელმწიფო იჩენს სიმკაცრეს ჩვენს მიმართ და ვცდილობთ ორი კაპიკი ვიშოვოთ აქ ვაჭრობით".
ასევე უმაცივროდაა შენახული ქათმის ხორცი და ბარკლები. ექსპერტობა სულაც არ არის აუცილებელი მიხვდე, სიცხეში დახლზე დაწყობილი ხორცპროდუქტები და თევზეული ადამიანის ჯანმრთელობას სერიოზულ საფრთხეს რომ უქმნის...
ყოველგვარ მოლოდინს გადააჭარბა მზა საჭმელების "მაღაზიამ" თუ სარდაფმა, სადაც ქვაბებში თუ უკვე თეფშებზე გადმოღებული საჭმელი ამაზრზენად გამოიყურებოდა. თქვენ წარმოიდგინეთ, არც ამ სასადილოში უჩივიან კლიენტთა ნაკლებობას.
საქართველოს ბაზრებში რომ შემაშფოთებელი მდგომარეობაა, ეს უფრო მეტად ჩვენი, ანუ მყიდველების ბრალია. რომ არა საშიშ პროდუქტს მიძალებული მყიდველი, ალბათ გამყიდველებიც იზრუნებდნენ, ჩვენთვის ხარისხიანი პროდუქტი შემოეთავაზებინათ.
მადონა კოიძე - მომხმარებელთა ფედერაციის თავმჯდომარე: სამგორის ბაზარში სანიტარიული მდგომარეობის შესწავლის შედეგად აღმოჩნდა, რომ პროდუქცია რომელიც იქ იყიდება, ადამიანის ჯანმრთელობას საფრთხეს უქმნის. სამგორის ბაზარს წყალიც არა აქვს, რომ რეალიზატორებმა ხელები დაიბანონ და ბაქტერიები პროდუქტებზე არ გავრცელდეს.
როგორც წესი, ზაფხულში ბაქტერიების პროვოცირება იზრდება და თუ აგრარულ ბაზარში კონტროლი არ გამკაცრდა, თბილისში ინფექციური დაავადებების რიცხვი გაიზრდება.
მართალია, სურსათის უვნებლობის სამსახური საწარმოებს ამოწმებს, თუმცა აგრარული ბაზრები უყურადღებოდ არის დარჩენილი და იქ შექმნილი მძიმე სანიტარიული მდგომარეობა მომხმარებელს საფრთხეს უქმნის. კატეგორიულად უნდა აიკრძალოს ეგრეთ წოდებულ "დეზერტირების ბაზრობაზე" თევზისა და ხორცპროდუქტების გაყიდვა, რადგან ბაზრის ტერიტორიაზე შენახვის პირობები არადამაკმაყოფილებელია.
მაკა ქობალია
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აშშ უკრაინისთვის გაგზავნის Patriot -ის სარაკეტო კომპლექსებს, რომელთა ღირებულებსაც ევროკავშირი აანაზღაურებს - რა გეგმა აქვს აშშ-ის პრეზიდენტს?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
