პროკურატურა რჩეულიშვილისა და კერვალიშვილისთვის თითოეულის შემთხვევაში, მილიონი ლარის დაკისრებას ითხოვს

"ცენტრ პოინტის" დამფუძნებლების, მაია რჩეულიშვილისა და რუსუდან კერვალიშვილისთვის პროკურატურა აღმკვეთი ღონისძიების სახით თითოეულის შემთხვევაში, მილიონი ლარის დაკისრებას ითხოვს.

აღნიშნული მოთხოვნით შუამდგომლობა სასამართლოში პროკურატურამ უკვე შეიტანა და პროცესი 16.00 საათზეა ჩანიშნული.

რაც შეეხება მესამე ბრალდებულს, "დექსუსის" დამფუძნებელ ივანე ცაგურიას "ინტერპრესნიუსის" ინფორმაციით, მის შემთხვევაში პროკურატურა აღმკვეთი ღონისძიების სახედ პატიმრობის გამოყენებას ითხოვს.

რუსუდან კერვალიშვილი და მაია რჩეულიშვილი თაღლითობაში – დიდი ოდენობით თანხების მითვისებაში არიან ბრალდებულები, ხოლო ივანე ცაგურია, რომელიც 11 ივლისს დააკავეს, "ცენტრ პოინტის" დამფუძნებლების დახმარებაშია ბრალდებული.

"ინტერპრესნიუსი"