მნიშვნელოვანი ინფორმაცია
27
აპრილიდღის ზოგადი ასტროლოგიური პროგნოზი
კვირა, მთვარის ოცდამეცხრე დღე დაიწყება 05:27-ზე; ხოლო მთვარის პირველი დღე 23:30-ზე, მთვარე 11:16-ზე ესტუმრება კუროს
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია ამ დღეს დაიცვათ მარხვა. ნებადართულია რძის პროდუქტები. ხორცი არა. დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რაკეტა "პროტონ-მ"-ის ავარიის მიზეზად ადამიანური ფაქტორი დასახელდა
04:53 / 12-07-2013
წინასწარი ვერსიით, მიმდინარე წლის 2 ივლისს ბაიკონურის კოსმოდრომზე რაკეტა "პროტონ-მ"-ის ავარიის მიზეზად ადამიანური ფაქტორი დასახელდა. სტარტის შემდეგ რაკეტის არასწორხაზოვანი მოძრაობა და შემდგომი ჩამოვარდნა აწყობისას დაშვებულმა შეცდომამ - კუთხური სიჩქარის დეტექტორების არასწორმა მონტაჟმა განაპირობა. დეტექტორების შეერთებისას "+" და "-" პოლუსები იყო არეული. ამის გამო სტარტის შემდეგ რაკეტამ ორიენტაცია და მდგრადობა დაკარგა.
შეცდომებისგან დაზღვეული არავინ არის. თუმცა ცოტა უცნაურია, რომ მრავალმილიონიანი რაკეტის ჩამოვარდნას ასეთი ბანალური მიზეზი აქვს. ადამიანი კოსმოსს 50 წელიწადზე მეტია ითვისებს და რაკეტების ავარიები ამ პერიოდის განმავლობაში ყოველთვის ხდებოდა. თუმცა თანამედროვე ტექნოლოგიების ეპოქაში მსგავსი შეცდომები დაუშვებელია.
რაკეტა ძალიან რთული აგრეგატია. მის გამართულ მუშაობას ათობით სისტემა და ასობით დეტექტორი განაპირობებს. ამიტომაც არის, რომ აწყობისას, ჯერ რაკეტის ცალკეულ საფეხურებს შემდგომ კი მთლიანად აწყობილ რაკეტას დეტალურად და სკრუპულოზურად ამოწმებენ. არ არის გამორიცხული, რომ 2 ივლისს ბაიკონურზე მომხდარი ავარიის მიზეზი სწორედ აწყობილი რაკეტის შემოწმებისას დაშვებულმა გულგრილობამ განაპირობა.
"პროტონ-მ", რომელსაც ორბიტაზე 3 თანამგზავრი უნდა გაეყვანა, სტარტიდან 10 წმ-ის შემდეგ კურსიდან გადაიხარა და კოსმოდრომის ტერიტორიაზე ჩამოვარდა. მომხდარის ზუსტი მიზეზის დასადგენად ორი დამოუკიდებელი კომისია შეიქმნა.
2010 წლიდან მოყოლებული ეს "პროტონ-მ"-ის მეხუთე ავარიაა. თავად რაკეტის ღირებულების გაუთვალისწინებლად, ავარიების შედეგად მიღებულმა ჯამურმა ზარალმა 15,2 მლრდ რუსული რუბლი შეადგინა.
2013 წლის ივნისის მდგომარეობით, "პროტონ-მ"-ის 74 სტარტიდან სრული წარმატებით, 66 გაშვება დასრულდა.
მოამზადა ნუკრი მგელაძემ topwar.ru-ის მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
