ტელეკომპანია "მაესტროს" თანამშრომელთა ნაწილი უხელფასო შვებულებაში გაუშვეს
ტელეკომპანია "მაესტროს" თანამშრომელთა ნაწილი უხელფასო შვებულებაში გაუშვეს.
ამ გადაწყვეტილებას "მაესტროს" ხელმძღვანელი ბაჩო კიკაბიძე ადასტურებს და განმარტავს, რომ მიმდინარეობს რეორგანიზაციის პროცესი, რომელიც ყველა გადაცემას - საინფორმაციოს, დილის გადაცემას, თოქ-შოუებს შეეხება.
"ეს ჩვეულებრივი მომენტია ტელევიზიაში და გასაკვირი არაფერი ხდება. ზაფხული მკვდარი სეზონია და ახლა გადაიარაღების პროცესი მიმდინარეობს", - განუცხადა კიკაბიძემ "ინტერპრესნიუსს", თუმცა ვერ დააზუსტა, მოცემული მომენტისთვის ტელევიზიის რამდენი თანამშრომელი იმყოფება უხელფასო შვებულებაში.
ამასთან, როგოც კიკაბიძემ სააგენტოს განუცხადა, ყველა იმის მიხედვით დაბრუნდება, რომელ გადაცემას როგორ ჩაუტარდება რეორგანიზაცია. "ზოგადად, დიდი გეგმები გვაქვს. სექტემბრიდან ეთერში ოდნავ შეცვლილი სახით გავალთ, ხოლო გაზაფხულიდან ძალიან სახეშეცვლილი და გაძლიერებული მაუწყებლობა გვექნება", - აღნიშნა ბაჩო კიკაბიძემ.
"იბერიას" ჟურნალისტები განცხადებას ავრცელებენ
უჩა მამაცაშვილი "იბერიასა" და "ომეგა ჯგუფის" ირგვლივ მიმდინარე პროცესებზე პროკურატურას მიმართავს
