მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ცენტრ პოინტის ჯგუფი" დაყადაღებულია, მაია რჩეულიშვილს, რუსუდან კერვალიშვილს და ივანე ცაგურიას ბრალი წაუყენეს
04:01 / 11-07-2013
"ცენტრ პოინტის ჯგუფი" დაყადაღებულია. მაია რჩეულიშვილს, რუსუდან კერვალიშვილს და ივანე ცაგურიას ბრალი წაუყენეს. პროკურატურის ინფორმაციით, საქმე ეხება "ცენტრ პოინტის ჯგუფის" მიერ დაზარალებული მოქალაქეების საჩივრების საფუძველზე მიმდინარე გამოძიებას, რომლითაც დადგინდა, რომ ამხანაგობა "თაბუკაშვილი 88"-ის წევრების მიერ შეტანილი დიდი ოდენობით თანხები უკანონოდ დაისაკუთრეს.
"ცენტრ პოინტ ჯგუფის" გარდა, მასთან დაკავშირებული ფიზიკური პირებისა და კომპანიების არაერთი უძრავი ქონებაც დაყადაღებულია. ასევე დაყადაღებულია შპს "დექსუსისა" და მასთან დაკავშირებული კომპანიის შპს "ალიანს კაპიტალის" საკუთრებაში არსებული უძრავი ქონებაც.
რამდენიმე წუთის წინ მთავარმა პროკურატურამ "ცენტრ პოინტისა" და "დექსუსის" დამფუძნებლებისთვის ბრალის წაყენების დაკითხვაზე განცხადება გაავრცელა. როგორც განცხადებაშია ნათქვამი, უწყება "ცენტრ პოინტ ჯგუფის" მიერ დაზარალებულ მოქალაქეთა საჩივრების საფუძველზე გამოძიებას უკვე რამდენიმე თვეა აწარმოებს. მთავარი პროკურატურის განცხადებას უცვლელად გთავაზობთ:
"მთავარი პროკურატურა რამდენიმე თვის განმავლობაში აწარმოებს გამოძიებას "ცენტრ პოინტ ჯგუფის" მიერ დაზარალებულ მოქალაქეთა საჩივრების საფუძველზე. გამოძიებით დადგინდა ამხანაგობა "თაბუკშვილი 88"-ის წევრების მიერ შეტანილი დიდი ოდენობით თანხების უკანონო დასაკუთრების სხვადასხვა დანაშაულებრივი სქემები, რაშიც იმხილებიან რუსუდან კერვალიშვილი ("ცენტრ პოინტ ჯგუფის" დამფუძნებელი, 50% წილის მფლობელი), მაია რჩეულიშვილი, ("ცენტრ პოინტ ჯგუფის" დამფუძნებელი, 50% წილის მფლობელი) და ივანე ცაგურია, (კომპანია "დექსუსის" დამფუძნებელი, 33% წილის მფლობელი).
ამხანაგობა "თაბუკაშვილი 88"-ის წევრების მიერ 2004-2009 წლებში ამავე ამხანაგობის წევრების ბინათმშენებლობისათვის მოზიდულ იქნა 27.701.299,13 აშშ დოლარი, მათ შორის უშუალოდ მენაშენეების შენატანები შეადგენდა 23. 380.000 აშშ დოლარის ექვივალენტს ლარში.
მენაშენეთა მიერ შეტანილი დიდი ოდენობით თანხების "ცენტრ პოინტი ჯგუფის" დამფუძნებელთა მიერ წინასწარ შეთანხმებული და სხვადასხვა დანაშაულებრივი სქემებით მართლსაწინააღმდეგო დასაკუთრების გამო შეუძლებელი გახდა ამხანაგობის წევრთა წინაშე აღებული ვალდებულებების შესრულება და მშენებლობის დასრულება.
ამხანაგობა "თაბუკაშვილი 88"-ის პროექტიდან სხვადასხვა დანაშაულებრივი სქემებით მაია რჩეულიშვილმა ამავე ამხანაგობის წევრების მიერ საცხოვრებელი სახლის მშენებლობისთვის მობილიზებული თანხებიდან მიითვისა 1.065.159 აშშ დოლარი, რუსუდან კერვალიშვილმა ამავე ამხანაგობის საცხოვრებელი სახლის მშენებლობისთვის მობილიზებული თანხებიდან მიითვისა 1.833.806 აშშ დოლარი და 185.069 ფუნტი სტერლინგი, ხოლო მაია რჩეულიშვილმა და რუსუდან კერვალიშვილმა მითითებული თანხის გარდა დამატებით ერთობლივად მიითვისეს - 2.023.202 აშშ დოლარი და 2.403.750 ლარი;
ჯამში, "ამხანაგობა 88"-ის მენაშენეთა მიერ გადახდილი თანხებიდან, რაც განკუთვნლი იყო ამხანაგობის ბინათმშენებლობისათვის (რომელიც უნდა დასრულებულიყო 2007 წელს), მაია რჩეულიშვილმა და რუსუდან კერვალიშვილმა უკანონოდ, სხვადახვა გზებით მიისაკუთრეს 11 მილიონზე მეტი ლარი, რის გამოც შეუძლებელი გახდა ამხანაგობის წევრთათვის განკუთვნილი სახლის მშენებლობა.
რუსუდან კერვალიშვილს წარედგინა ბრალდება დანაშაულთათვის, რაც გათვალისწინებულია საქართველოს სისხლის სამართლის კოდექსის 180-ე მუხლის მე-2 ნაწილის "ა" და მე-3 ნაწილის "ბ" ქვეპუნქტებით (თაღლითობა, წინასწარი შეთანხმებით ჯგუფის მიერ, დიდი ოდენობით), 182-ე მუხლის მე-2 ნაწილის "ა" და მე-3 ნაწილის "ბ" ქვეპუნქტებით (მითვისება, წინასწარი შეთანხმებით ჯგუფის მიერ, დიდი ოდენობით), 180-ე მუხლის მე-2 ნაწილის "ა" და მე-3 ნაწილის "ბ" ქვეპუნქტებით (თაღლითობა, წინასწარი შეთანხმებით ჯგუფის მიერ, დიდი ოდენობით).
მაია რჩეულიშვილს წარედგინა ბრალდება დანაშაულთათვის, რაც გათვალისწინებულია საქართველოს სისხლის სამართლის კოდექსის 180-ე მუხლის მე-2 ნაწილის "ა" და მე-3 ნაწილის "ბ" ქვეპუნქტებით (თაღლითობა, წინასწარი შეთანხმებით ჯგუფის მიერ, დიდი ოდენობით), 182-ე მუხლის მე-2 ნაწილის "ა" და მე-3 ნაწილის "ბ" ქვეპუნქტებით (მითვისება, წინასწარი შეთანხმებით ჯგუფის მიერ, დიდი ოდენობით);180-ე მუხლის მე-2 ნაწილის "ა" და მე-3 ნაწილის "ბ" ქვეპუნქტებით (თაღლითობა, წინასწარი შეთანხმებით ჯგუფის მიერ, დიდი ოდენობით).
ივანე ცაგურიას წარედგინა ბრალდება დანაშაულთათვის, რაც გათვალისწინებულია საქართველოს სისხლის სამართლის კოდექსის 25 ,180-ე მუხლის მე-2 ნაწილის "ა" და მე-3 ნაწილის "ა" და "ბ" ქვეპუნქტებით (დახმარება თაღლითობაში, წინასწარი შეთანხმებით ჯგუფის მიერ, სამსახურებრივი მდგომარეობის გამოყენებით და დიდი ოდენობით), 182-ე მუხლის მე-2 ნაწილის "დ" და მე-3 ნაწილის "ბ" ქვეპუნქტებით (გაფლანგვა, სამსახურებრივი მდგომარეობის გამოყენებით და დიდი ოდენობით).
გამოძიების მოთხოვნით დაყადაღებულია "ცენტრ პოინტი ჯგუფი"-ს და მასთან დაკავშირებული ფიზიკური პირების და კომპანიების არაერთი უძრავი ქონება, ასევე შპს "დექსუსის" და მასთან დაკავშირებული კომპანიის შპს "ალიანს კაპიტალის" საკუთრებაში რიცხული არაერთი უძრავი ქონება. გამოძიება გრძელდება", - ნათქვაია პროკურატურის განცხადებაში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
