მნიშვნელოვანი ინფორმაცია
14
ივნისიდღის ზოგადი ასტროლოგიური პროგნოზი
შაბათი, მთვარის მეთვრამეტე დღე, მერწყულს ესტუმრება 14:57-ზე – იმუშავეთ მშვიდად და საფუძვლიანად. მოაგვარეთ მარტივი ფინანსური საკითხები. გადადეთ მნიშვნელოვანი საქმეები. იყავით ყურადღებიანი იმის მიმართ, რაც ხდება და მოუსმინეთ რას გეუბნებათ ხალხი. იყავით ფხიზლად და მოერიდეთ კონფლიქტს. გამოიჩინეთ მოქნილობა და ორიგინალურობა ადამიანებთან ურთიერთობისას. სამსახურში გამოავლინეთ თქვენი საუკეთესო მხარე. ხორცზე უარის თქმა ჯობია. გამოიყენეთ მცენარეული ზეთი. ალკოჰოლური სასმელები უნდა გამოირიცხოს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ბარბარე რაფალიანცის ოჯახი შსს-ს მიერ წარმოებულ გამოძიებას უნდობლობას უცხადებს
02:36 / 11-07-2013
10 თვის ბარბარე რაფალიანცის ოჯახი ირაკლი ღარიბაშვილის განცხადებას ეხმაურება და შინაგან საქმეთა სამინისტროს მიერ წარმოებულ გამოძიებას უნდობლობას უცხადებს. "ნდობა გვაქვს დაკარგული, გამომძიებლებს უნდობლობას ვუცხადებთ. თუ ვერ იძიებენ საქმეს ღარიბაშვილის გამოყოფილი გამომძიებლები, გადაეცეს ის პროკურატურას, თუმცა ამაზეც უარი მივიღეთ. ღარიბაშვილმა თქვა, ჩვენ გამოვიძიებთო, მაგრამ ამას რის საფუძველზე იძახის, როცა გამომძიებლებს ვურეკავთ და არანაირ დამაიმედებელს არ გვეუბნებიან", - განუცხადა ჟურნალისტებს დაღუპული ჩვილის დედა თათია მექერიშვილმა.
ამასთან, ის შს სამინისტროს სიცრუის დეტექტორზე დაკითხვის მიზნით უწყებაში ოჯახის წევრთა მოტყუებით მიყვანაში ადანაშაულებს.
"ჩვენ არავითარ შემთხვევაში არ დავთანხმდებოდით, მაგრამ გვითხრეს, მთავრობის პირს უნდა თქვენთან შეხვედრაო. წაგვიყვანეს მოტყუებით და დაგვსვეს სიცრუის დეტექტორზე", - აღნიშნა ბარბარე რაფალიანცის დედამ.
"ინტერპრესნიუსი" ოჯახის კიდევ ერთ წევრს, გარდაცვლილი ბავშვის ბებიას ესაუბრა. თინა მექერიშვილის შეფასებითაც, უკვე 9 თვეა შსს-გან ცრუ დაპირებებს იღებენ.
"აღარ მჯერა, რადგან 9 თვეა, გვეუბნება ღარიბაშვილი, წინა ხელისუფლებამ გამოძიება ჩიხში შეიყვანაო. სულ ამას იმეორებენ. როცა პირადად შევხდით, იმედი მოგვცა, რომ სამ კვირაში გახსნიდა საქმეს, მაგრამ მხოლოდ დაპირებები მოვისმინეთ. მაინტერესებს, რა აძლევს მინისტრს იმ განცხადების გაკეთების საფუძველს, რომ საქმე მალე გაიხსნება? დავიღალეთ ლოდინით", - დასძინა თინა მექერიშვილმა.
გარდაცვლილი ბავშვის ოჯახი კიდევ ერთხელ მოუწოდებს საქართველოს მთავარ პროკურორს, რაფალიანცის საქმე მისმა უწყებამ გამოიძიოს. ამასთან ოჯახი საქართველოს პრემიერ-მინისტრსაც მიმართავს და საქმეში FBI-ს გამომძიებლების ჩართვაში ფინანსურ დამარებას სთხოვს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისრაელმა ირანზე მასშტაბური დარტყმები განახორციელა: განადგურებულია ბირთვულ იარაღი, დაიღუპნენ სამხედრო მეთაურები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
