მნიშვნელოვანი ინფორმაცია
5
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მიხეილ სააკაშვილი - ჯინში ჩადგომას სჯობს, ახალმა მთავრობამ ხელი გაანძრიოს და "9 საათზე არ დაიძინოს"
12:48 / 09-07-2013
ყარსი-ახალქალაქის რკინიგზის და ლაზიკას პროექტი ჩემი შვილები არიან, - ამის შესახებ საქართველოს პრეზიდენტმა, მიხეილ სააკაშვილმა ევროკავშირის გაფართოებისა და ევროპის სამეზობლო პოლიტიკის საკითხებში ევროკომისარ შტეფან ფულესთან გამართულ ერთობლივ პრესკონფერენციაზე განაცხადა.
პრეზიდენტის თქმით, მას სამწუხაროდ ხშირად უწევს იმის გამეორება, რომ მთელი რიგი ინფრასტრუქტურული პროექტები არის ძალიან შენელებული ან შეჩერებული.
"მე ისიც მოვისმინე, თურმე ინფრასტრუქტურის მინისტრს ათქმევინეს, რომ ლაზიკას მშენებლობა გრძელდება. ლაზიკაში წარწერებიც კი მოხსნეს, სადაც "ლაზიკა" იყო მოხსენებული. რაც შეეხება ყარსი-ახალქალაქს, ეს აზერბაიჯანული ფული იყო და არა სუფთა ქართული, როგორც ლაზიკა და იქ მოხდა არა მშენებლობის შეჩერება, არამედ მკვეთრი შენელება", - აღნიშნა სააკაშვილმა.
მიხეილ სააკაშვილის განცხადებით, ყარსი-ახალქალაქი იყო მისი საყვარელი პროექტი, რომელიც ემთხვეოდა ისე, რომ მისი პრეზიდენტობის ბოლოს მას უნდა გაეხსნა.
"როგორც მიყვარდა და მიყვარს, პირველ მატარებელში მე უნდა ჩავმჯდარიყავი მემანქანესთან ერთად, მატარებლის ტარებასაც ვსწავლობდი. ახლა აღმოჩნდა, რომ ეს მატარებელი წელს არ გავა. რამდენიც არ უნდა ილაპარაკონ ამათ, ეს მატარებელი უნდა გასულიყო წელს და ვეღარ გავა კიდევ ორი წელი. ვიყავი მე იმ გვირაბის მშენებლობაზე, მე ვერ მომატყუებენ. ბოლო წლებში "პრარაბადაც" ჩამოვყალიბდი. თქვეს, კვირას იმიტომ ჩამოვიდა, რომ იმედი ჰქონდა არ ვიმუშვებდითო. რა სისულელეა, კვირაობითაც, შაბათობითაც, ღამეც ვმუშაობდით. ეტყობა მე ვიღაცაში ვეშლები, თავისი მთავრობის რომელიმე წევრში. მე შაბათ-კვირასაც ვმუშაობდი, ღამეც და 9 საათზე არ ვიძინებ. ჩემი გრაფიკი მაქვს, მთელი ეს წლები ასე იყო და მშენებლობებიც ამ გრაფიკს იყო მორგებული. ჩავედი და აღმოვაჩინე, რომ მუშებს თვეობით არ აუღიათ ხელფასები.
მთავარი გვირაბი, რომელიც შარშან უნდა დაგვემთავრებინა, დღეს უკვე გვეუბნებიან, თუ წელს დაიწყო, 456 დღეში დამთავრდებაო. ეს ნიშნავს არა მომავალ, არამედ იმის მომავალ წელს. რას ნიშნავს ეს ქართული ეკონომიკისთვის?! ავღანური ტვირთები, რომელიც უნდა გამოგვეტანა მომავალ წელს ლაზიკის პორტით და ყარსი-ახალქალაქით, ამით უამრავი ბიზნესი შეიქმნებოდა. ამ ყველაფერს გადაესვა დიდი ხაზი მხოლოდ იმის გამო, რომ ლაზიკაში სახელი არ მოეწონათ, რომ ძალიან დაკავშირებულია სააკაშვილთან. ამის გამო მშიერი დატოვეს სამეგრელო, მათ შორის იმერეთი, გურია და აფხაზეთი, ჩვენი ხალხი, ამ პროექტს ერგებოდა და ამას დიდი პოლიტიკური მნიშვნელობა ჰქონდა",-განაცხადა სააკაშვილმა.
მისივე თქმით, ამ ყველაფრის ფონზე საუბარია აფხაზეთის მიმართულებით რკინიგზის გახსნაზე. "ამასობაში საუბრობენ იმაზე, რომ უნდა გაიხსნას აფხაზეთის რკინიგზა. როგორ არ ვიფიქრო, რომ ამ ორ მოვლენას შორის არის კავშირი. აფხაზეთის რკინიგზის მნიშვნელობა კომერციულად ნულს უტოლდება, ხოლო ყარსი-ახალქალაქის რკინიგზით დიდი შესაძლებლობები ეხსნება ქვეყანას. მაგრამ ეს არ შედის ერთი ქვეყნის ინტერესებში, რომელსაც უნდა ყარსი-ახალქალაქის პროექტი მოკლას და გახსნას აფხაზეთის. სულელი მართლა არავინ არის და კარგად ვხედავ რა თამაშიც მიმდინარეობს",-აღნიშნა პრეზიდენტმა.
მისივე თქმით, მას ეს ყველაფერი არ უხარია, რადგან ეს მისი პროექტებია. "ეს პროექტები ჩემი შვილები არიან. ვის შეიძლება თავისი შვილის გაჩერება ან წარუმატებლობა უხაროდეს. ერთი შვილი, ლაზიკას სახით, საერთოდ შემიჩერა, ააორთქლა სადღაც და მეორე, ყარსი-ახალქალაქის, კლასში ჩამიტოვა. ეს ხალხი ამბობს, რომ სააკაშვილს უხარიაო. რანაირად შეიძლება ეს მიხაროდეს. ეს არის ჩემი და საქართველოს პროექტები და სტრატეგიული მემკვიდრეობა",-განაცხადა სააკაშვილმა.
მისივე თქმით, ახლა ჯინში ჩადგომას სჯობს ახალმა მთავრობამ ხელი გაანძრიოს, "9 საათზე არ დაიძინოს". "თუ უნდათ გვიან ღამემდე სვან სტაფილოს წვენი, ოღონდ იმუშაონ და ქვეყანა არ იყოს დაპაუზებულ მდგომარეობაში", - დასძინა სააკაშვილმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქართულ კომერციულ ბანკებში დაახლოებით 2 მილიარდი რუსული რუბლი ინახება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
