სა­ქარ­თვე­ლოს მთა­ვა­რი პრო­კუ­რა­ტუ­რის ფი­ნან­სუ­რი დე­პარ­ტა­მენ­ტი, "მად­ნე­უ­ლის", "კვარ­ცი­ტი­სა" და "ეროვ­ნუ­ლი ზა­რა­ფხა­ნის" პრი­ვა­ტი­ზა­ცი­ის კა­ნო­ნი­ე­რე­ბას სწავ­ლობს. ეს ინ­ფორ­მა­ცია "ქრო­ნი­კას" მთა­ვა­რი პრო­კუ­რა­ტუ­რის სა­ზო­გა­დო­ე­ბას­თან ურ­თი­ერ­თო­ბის სამ­სა­ხურ­ში და­უ­დას­ტუ­რეს. ეს კი იმას ნიშ­ნავს, რომ პრო­კუ­რა­ტუ­რა მალე მი­ხე­ილ სა­ა­კაშ­ვი­ლის კლა­ნის სა­ჩი­ნო წარ­მო­მად­გენ­ლებს - კახა ბენ­დუ­ქი­ძე­სა და კობა ნა­ყო­ფი­ას მი­ად­გე­ბა. ჩვენს ხელთ არ­სე­ბუ­ლი მა­სა­ლე­ბის მი­ხედ­ვით, ამ სა­მი­ვე სა­ხელ­მწი­ფო ობი­ექ­ტის პრი­ვა­ტი­ზა­ცია იმ­დე­ნად უკა­ნო­ნოდ, მე­ტიც, ცი­ნი­კუ­რი სა­მარ­თალ­დარ­ღვე­ვე­ბით მოხ­და, სა­ეჭ­ვოა, რომ კახა ბენ­დუ­ქი­ძე და კობა ნა­ყო­ფია ცი­ხეს გა­და­ურჩნენ. გა­მო­რი­ცხუ­ლი არ არის, "ვი­რის აბა­ნო­ში" ყო­ფი­ლი პრე­მი­ე­რი ზუ­რაბ ნო­ღა­ი­დე­ლი, ქო­ნე­ბის მარ­თვის სა­ა­გენ­ტოს ყო­ფი­ლი უფ­რო­სი, ირაკ­ლი ჩო­გო­ვა­ძე და სხვა ყო­ფი­ლი მა­ღალ­ჩი­ნოს­ნე­ბიც მი­აბ­რძა­ნონ.

"ქრო­ნი­კა" "მად­ნე­უ­ლის", "კვარ­ცი­ტი­სა" და "ეროვ­ნუ­ლი ზა­რა­ფხა­ნის" უკა­ნო­ნო პრი­ვა­ტი­ზა­ცი­ის შე­სა­ხებ მო­გი­თხრობთ და ასე­ვე, იმ გა­ნუ­კი­თხა­ო­ბის შე­სა­ხებ, რაც წლე­ბის გან­მავ­ლო­ბა­ში ამ თაღ­ლი­თუ­რი გზით შე­ძე­ნილ ობი­ექ­ტებ­ში ხდე­ბო­და.

კახა ბენ­დუ­ქი­ძე ჯერ ეკო­ნო­მი­კის მი­ნის­ტრი იყო, მერე უპორ­ტფე­ლო სა­ხელ­მწი­ფო მი­ნის­ტრი, ხე­ლი­სუფ­ლე­ბა­ში ყოფ­ნი­სას და იქი­დან წა­მოს­ვლის შემ­დე­გაც, ის უხ­ვად აფი­ნან­სებ­და "ნაც­მოძ­რა­ო­ბას". ადრე ბევ­რს ეგო­ნა, ბენ­დუ­ქი­ძე რუ­სეთ­ში ნა­შოვ­ნი ფუ­ლით ხე­ლი­სუფ­ლე­ბას ეხ­მა­რე­ბა და ქარ­თულ საქ­მეს აკე­თებ­სო. თქვენც არ მო­მიკ­ვდეთ! მა­გის ჩი­ტია ბენ­დუ­ქი­ძე? რუ­სეთ­ში ნა­შოვნ მი­ლი­ო­ნებს აქ, სა­ქარ­თვე­ლო­შიც, მრა­ვა­ლი მი­ლი­ო­ნი აშოვ­ნი­ნა და ამას მუ­დამ ხე­ლი­სუფ­ლე­ბის ხელ­შე­წყო­ბი­თა და და­ნა­შა­უ­ლებ­რი­ვი წაყ­რუ­ე­ბით აკე­თებ­და. შე­სა­ბა­მი­სად, უბ­რა­ლოდ, წილი მიჰ­ქონ­და სა­ა­კაშ­ვი­ლი­სა და მისი რე­ჟი­მის ბო­სებ­თან, "ნა­ცი­ო­ნალ­თა კლან­ში" მას­ზე გავ­ლე­ნი­ან ადა­მი­ა­ნებ­თან. მან ჩა­წყო­ბი­თა და უკა­ნო­ნო პრი­ვა­ტი­ზა­ცი­ის გზით უამ­რა­ვი ქო­ნე­ბა იყი­და სა­ქარ­თვე­ლო­ში.

კახა ბენ­დუ­ქი­ძი­სა და მისი ბიზ­ნესკლა­ნის სა­ხელს უკავ­შირ­დე­ბა ქარ­თუ­ლი ოქ­როს წარ­მო­ე­ბის მთე­ლი ციკ­ლის ხელ­ში ჩაგ­დე­ბა და მოკ­ვლა, რის სა­ნაც­ვლო­დაც ათე­უ­ლო­ბით მი­ლი­ო­ნი იშო­ვეს. ეს სპე­ცო­პე­რა­ცია ბენ­დუ­ქი­ძემ და მის­მა კლან­მა მა­შინ და­ი­წყო, როცა ის ერთი წლის და­ნიშ­ნუ­ლი იყო ეკო­ნო­მი­კის მი­ნის­ტრად. მათ სა­ხე­ლი­სუფ­ლე­ბო ბერ­კე­ტე­ბის მეშ­ვე­ო­ბით მო­ა­ხერ­ხეს, რომ ერთი კლა­ნის ხელ­ში მოქ­ცე­უ­ლი­ყო "მად­ნე­უ­ლი" (ოქ­როს მო­პო­ვე­ბა), კვარ­ცი­ტი (ოქ­როს წარ­მო­ე­ბა) და "ეროვ­ნუ­ლი ზა­რა­ფხა­ნა" (ოქ­როს ნა­კე­თო­ბა­თა წარ­მო­ე­ბა). მათ ეს სა­მი­ვე ობი­ექ­ტი უპ­რობ­ლე­მოდ იყი­დეს, მაგ­რამ ამ სპე­ცო­პე­რა­ცი­ი­დან, ბენ­დუ­ქი­ძემ რომ და­გეგ­მა და მის­მა "ხე­ლის ბი­ჭებ­მა" შე­ას­რუ­ლეს, გან­სა­კუთ­რე­ბუ­ლი ცი­ნიზ­მი­თა და არა­ა­და­მი­ა­ნუ­რო­ბით, "ეროვ­ნუ­ლი ზა­რა­ფხა­ნის" ხე­ლოვ­ნუ­რად გა­კოტ­რე­ბა, მისი, ანუ სა­ხელ­მწი­ფო სიმ­დიდ­რის, გა­ჩა­ნა­გე­ბა და მერე ია­ფად შე­ძე­ნა გა­მო­ირ­ჩე­ვა. შე­საძ­ლოა, ვინ­მეს სჯე­რა, რომ ამ ობი­ექ­ტის მფლო­ბე­ლი მხო­ლოდ მი­ლი­არ­დე­რი და ყო­ფი­ლი დე­პუ­ტა­ტი კობა ნა­ყო­ფი­აა, მაგ­რამ ასე არ გახ­ლავთ. კი, ნა­ყო­ფი­აა "ზა­რა­ფხა­ნას" ფორ­მა­ლუ­რი მფლო­ბე­ლი, მაგ­რამ ეს კაცი ბენ­დუ­ქი­ძის კლა­ნის წევ­რია, "ზა­რა­ფხა­ნის" გა­კოტ­რე­ბის ოპე­რა­ცი­ის მო­ნა­წი­ლე და მსუ­ყე ლუკ­მაც ამი­ტომ ერგო - ფული დიდ ბიზ­ნეს­ში და­ა­ბან­დე­ბი­ნეს და წილ­ში შე­იყ­ვა­ნეს.

"ქრო­ნი­კა" გთა­ვა­ზობთ "ზა­რა­ფხა­ნას" გა­კოტ­რე­ბის შემ­ზა­რავ ის­ტო­რი­ას. ამის შე­სა­ხებ ქარ­თულ მე­დი­ა­ში არა­ერ­თხელ და­წე­რი­ლა და ცხა­დია, ამ გავ­რცე­ლე­ბულ ფაქ­ტებს გვერდს ვერ ავუვ­ლით და მა­თაც შე­გახ­სე­ნებთ. თუმ­ცა, "ქრო­ნი­კამ" კლა­სი­კუ­რი მა­ფი­ის­თვის შე­სა­შუ­რი ის­ტო­რი­ის შე­სა­ხებ ექ­სკლუ­ზი­უ­რი ინ­ფორ­მა­ცი­ე­ბიც მო­ი­პო­ვა. თუმ­ცა, "ეროვ­ნუ­ლი ზა­რა­ფხა­ნა" სულ ბო­ლოს გა­ი­ყი­და, რო­გორც ოქ­როს წარ­მო­ე­ბის ციკ­ლის ბოლო ეტა­პი. ქარ­თუ­ლი ოქ­როს "მომ­პო­ვებ­ლებს", ყვე­ლა­ფე­რი იუ­ვე­ლი­რის სი­ზუს­ტით ჰქონ­დათ გათ­ვლი­ლი.

სა­ქარ­თვე­ლოს ერთ-ერთი უმ­დიდ­რე­სი ადა­მი­ა­ნი, "ია­ტაკ­ქვე­შა მი­ლი­არ­დე­რი" კობა ნა­ყო­ფია სა­ქარ­თვე­ლო­ში 2005 წელს გა­მოჩ­ნდა. ის რუ­სეთ­ში კახა ბენ­დუ­ქი­ძის მე­გობ­რად და ბიზ­ნეს­პარტნი­ო­რად ით­ვლე­ბო­და და სწო­რედ ბენ­დუ­ქი­ძემ გა­უხ­სნა გზა ქარ­თულ ბიზ­ნეს­სა და შემ­დეგ პო­ლი­ტი­კა­ში ნა­ყო­ფი­ას. ბენ­დუ­ქი­ძე ეკო­ნო­მი­კის მი­ნის­ტრი იყო და ამ პოსტზე და­ნიშ­ვნის­თა­ნა­ვე, სა­კუ­თარ ბიზ­ნეს­ზე ზრუნ­ვა და­ი­წყო. ბენ­დუ­ქი­ძე-ნა­ყო­ფი­ას წყვილ­მა დიდი მა­რი­ფა­თი გა­მო­ი­ჩი­ნა - მათ ქვეყ­ნის სტრა­ტე­გი­უ­ლი ობი­ექ­ტე­ბის ნა­წი­ლი ჩა­ლის ფა­სად ჩა­იგ­დეს ხელ­ში. ნა­ყო­ფია სა­ხელ­მწი­ფო აუქ­ცი­ო­ნებ­სა და ტენ­დერებ­ში მო­ნა­წი­ლე­ობ­და, კახა ბენ­დუ­ქი­ძე და მისი პარტნი­ო­რი, რუსი ბიზ­ნეს­მე­ნი გე­ნე­რა­ლო­ვი კი ჩრდილ­ში რჩე­ბოდ­ნენ, თუმ­ცა შე­ძე­ნილ ქო­ნე­ბა­საც და მო­გე­ბა­საც იყოფ­დნენ. ერთ დროს ხე­ლი­სუფ­ლე­ბის ფა­ვო­რიტ­მა ბიზ­ნეს­მენ­მა კობა ნა­ყო­ფი­ამ (იგი­ვე ბენ­დუ­ქი­ძე და გე­ნე­რა­ლო­ვი), 2006 წელს სს "მად­ნე­უ­ლის" 97 პრო­ცენ­ტი 40 მი­ლი­ო­ნად იყი­და. ამ კომ­პა­ნი­ის ყიდ­ვა ბად­რი პა­ტარ­კა­ციშ­ვილ­საც ჰქონ­და გან­ზრა­ხუ­ლი და ეკო­ნო­მი­კის სა­მი­ნის­ტრო­ში მის­მა კომ­პა­ნია "ენერ­გო­ინ­დუსტრია-კომ­პლექ­ტმაც" შე­ი­ტა­ნა ტენ­დერ­ში მო­ნა­წი­ლე­ო­ბის გა­ნა­ცხა­დი. ამ დროს ბენ­დუ­ქი­ძე უკვე უპორ­ტფე­ლო სა­ხელ­მწი­ფო მი­ნის­ტრია, თუმ­ცა ამით მისი გავ­ლე­ნა ხე­ლი­სუფ­ლე­ბა­ში არ შემ­ცი­რე­ბუ­ლა. იმ­ჟა­მად ეკო­ნო­მი­კის მი­ნის­ტრი ნა­ყო­ფი­ას კლა­სე­ლი ირაკ­ლი ჩო­გო­ვა­ძეა, რო­მე­ლიც მი­ნის­ტრად ბენ­დუ­ქი­ძის რე­კო­მენ­და­ცი­ით და­ნიშ­ნა სა­ა­კაშ­ვილ­მა. ბად­რი პა­ტარ­კა­ციშ­ვი­ლი 36 მი­ლი­ონ დო­ლარს იხ­დი­და "მად­ნე­ულ­ში", ხოლო ნა­ყო­ფი­ას კომ­პა­ნია "პრო­მინ­ვეს­ტო­რი" - 35 მი­ლი­ონს.

"ქრო­ნი­კის" ინ­ფორ­მა­ცი­ით, ჩო­გო­ვა­ძემ ფა­რუ­ლად გახ­სნა "ინ­დუსტრია-კომ­პლექ­ტის" პა­კე­ტი, ნახა პა­ტარ­კა­ციშ­ვი­ლის სა­ტენ­დერო პი­რო­ბე­ბი და ბენ­დუ­ქი­ძეს აც­ნო­ბა. იმა­ვე დღეს "პრო­ინ­ვეს­ტორ­მა" ახა­ლი პა­კე­ტი შე­ი­ტა­ნა სა­მი­ნის­ტრო­ში როცა ტენ­დე­რი ჩა­ტარ­და, "პრო­მინ­ვეს­ტორ­მა" გა­ი­მარ­ჯვა - ის 4 მი­ლი­ო­ნით მეტს იხ­დი­და "მად­ნე­უ­ლის" 97 პრო­ცენ­ტში. ბად­რი პა­ტარ­კა­ციშ­ვი­ლი ამ 4 მი­ლი­ონ­ზე უკან არ და­ი­ხევ­და, მე­ტიც გა­დამ­ხდე­ლიც იყო "მად­ნე­ულ­ში", მაგ­რამ პა­ტარ­კა­ციშ­ვი­ლი გა­ა­ცუ­რეს და ამ­გვა­რი მა­ქი­ნა­ცი­ით ეს კომ­პა­ნია გე­ნე­რა­ლო­ვი­სა გახ­და, თუმ­ცა, მისი მო­წი­ლე ბენ­დუ­ქი­ძეც გახ­ლდათ, ვიდ­რე არ გა­ყი­დეს და პატ­რო­ნი არ გა­მო­იც­ვა­ლა.

სა­ინ­ტე­რე­სოა, რომ "პრო­მინ­ვეს­ტორ­სა" და მის ოფი­ცი­ა­ლურ წარ­მო­მად­გენ­ლებს - გე­ნე­რა­ლოვ­სა და ნა­ყო­ფი­ას, ამ 40 მი­ლი­ონ­ში "კვარ­ცი­ტის" აქ­ცი­ა­თა 50 პრო­ცენ­ტიც ერ­გოთ ხურ­და­ში - "მად­ნე­უ­ლი" სწო­რედ "კვარ­ცი­ტის" წი­ლის ნა­ხე­ვარს ფლობ­და. არა­და, "მად­ნე­უ­ლის" შე­ძე­ნა, თა­ნაც გა­ცი­ლე­ბით უკე­თე­სი პი­რო­ბე­ბით, უკ­რა­ი­ნულ, ამე­რი­კულ, გერ­მა­ნულ, იტა­ლი­ურ და სამ ბრი­ტა­ნულ კო­პა­ნი­ას სურ­და. თუმ­ცა, "ბენ­დუ­ქი­ძემ და კომ­პა­ნი­ამ" რე­ა­ლურ ინ­ვეს­ტო­რებ­სა და იმ­ჟა­მად ხე­ლი­სუფ­ლე­ბის ურჩ პა­ტარ­კა­ციშ­ვილს უსი­ტყვოდ მორ­ჩი­ლი ბენ­დუ­ქი­ძე-ნა­ყო­ფია არ­ჩი­ეს.

ამის შემ­დეგ კობა ნა­ყო­ფი­ამ უკვე "ეროვ­ნუ­ლი ზა­რა­ფხა­ნა" ჩა­იგ­დო ხელ­ში. ესეც ჩო­გო­ვა­ძი­სა და ბენ­დუ­ქი­ძის მი­ნის­ტრო­ბი­სას მოხ­და, რად­გან "ეროვ­ნუ­ლი ზა­რა­ფხა­ნა" სტრა­ტე­გი­უ­ლი მნიშ­ვნე­ლო­ბის სა­ხელ­მწი­ფო ობი­ექ­ტი იყო, მისი გა­ყიდ­ვა ბენ­დუ­ქი­ძეს არ შე­ეძ­ლო - კა­ნო­ნი არ აძ­ლევ­და სტრა­ტე­გი­უ­ლი ობი­ექ­ტის გა­ყიდ­ვის ნე­ბას. ადგა ეს შენი ბენ­დუ­ქი­ძე და მარ­ტი­ვი გა­მო­სა­ვა­ლი მო­ძებ­ნა - კო­მუ­ნის­ტე­ბის­გან ისეს­ხა ძვე­ლი სა­ხე­ლი და ობი­ექტს "სა­ი­უ­ვე­ლი­რო ნა­წარ­მის ქარ­ხა­ნა" და­არ­ქვა, სა­ხელ­წო­დე­ბი­ან "ეროვ­ნუ­ლი ზა­რა­ფხა­ნა" ამო­ვარ­და და მას სტრა­ტე­გი­უ­ლი მნიშ­ვნე­ლო­ბის სტა­ტუ­სიც მო­ეხ­სნა. ვა­შა­ა­აა, ბენ­დუ­ქი­ძე­ეე!!!

ამის მერე, 2006 წლის მა­ის­ში, გა­ი­მარ­თა "ზა­რა­ფხა­ნის" აუქ­ცი­ო­ნი, რო­მელ­შიც ისევ ნა­ყო­ფია-პა­ტარ­კა­ციშ­ვი­ლი და­ე­ჯახ­ნენ ერ­თმა­ნეთს. ნა­ყო­ფი­ამ ტენ­დერამ­დე 1 კვი­რით ადრე და­ა­ფუძნა კომ­პა­ნია "გოლდ ინ­ვეს­ტი". სა­ინ­ტე­რე­სოა, რომ ეს კომ­პა­ნია ნა­ყო­ფი­ას სა­ცხოვ­რე­ბე­ლი სახ­ლის მი­სა­მარ­თზე - არა­ყიშ­ვი­ლის ქუ­ჩა­ზე იყო და­რე­გის­ტრი­რე­ბუ­ლი და ამ­ხე­ლა სა­წარ­მოს შე­ძე­ნის მსურ­ველ შპს-ს სა­წეს­დე­ბო კა­პი­ტა­ლად 2000 ლარი ჰქონ­და მხო­ლოდ ან­გა­რიშ­ზე.

"გოლდ ინ­ვეს­ტმა" სას­წრა­ფოდ 2 მი­ლი­ო­ნი დო­ლა­რი აიღო სეს­ხად "სა­ქარ­თვე­ლოს ბან­კი­დან" და ასე მი­ი­ღო ტენ­დერ­ში მო­ნა­წი­ლე­ო­ბა. ცხა­დია, "გა­ი­მარ­ჯვა" და 2 მი­ლი­ონ 40 ათას დო­ლა­რად ჩა­იგ­დო ხელ­ში "ზა­რა­ფხა­ნა". არა­და, ეკო­ნო­მი­კის სა­მი­ნის­ტრომ წინა წელს "ეროვ­ნულ ზა­რა­ფხა­ნა­ში" აუ­დი­ტი ჩა­ა­ტა­რა და მისი ქო­ნე­ბა 40 მი­ლი­ონ დო­ლა­რად შე­ფას­და. ტენ­დე­რის მერე, ამ აუ­დი­ტის დას­კვნა ეკო­ნო­მი­კის სა­მი­ნის­ტრო­და­ნაც გაქ­რა, იმ­ჟა­მინ­დე­ლი პრე­მი­ე­რის - ზუ­რაბ ნო­ღა­ი­დე­ლის ოფი­სი­და­ნაც და პრე­ზი­დენ­ტის ად­მი­ნის­ტრა­ცი­ის ეკო­ნო­მი­კუ­რი სამ­სა­ხუ­რი­და­ნაც. ამ­ბო­ბენ, რომ ეს ყვე­ლა­ფე­რი ბენ­დუ­ქი­ძის ნა­მოქ­მე­და­რია.

ორი­ო­დე სი­ტყვით იმ ქო­ნე­ბა­ზეც მო­გახ­სე­ნებთ, 2 მი­ლი­ონ 40 ათას დო­ლა­რად რომ მო­ი­ხელ­თეს ბენ­დუ­ქი­ძემ, ნა­ყო­ფი­ამ და სხვა მა­ფი­ოზ­მა ოლი­გარ­ქებ­მა. "ზა­რა­ფხა­ნა" დი­ღომ­ში, ლუბ­ლი­ა­ნას ქუ­ჩა­ზე მდე­ბა­რე­ობს: 4 სარ­თუ­ლი­ა­ნი შე­ნო­ბა, დამ­ხმა­რე სა­თავ­სო-ნა­გე­ბო­ბე­ბი, ასამ­დე უნი­კა­ლუ­რი, ძვი­რა­დღი­რე­ბუ­ლი დაზ­გა-მა­გი­და, 8 მი­ლი­ო­ნი დო­ლა­რის ოქ­რო­სა და ძვირ­ფა­სი თვლე­ბის მა­რა­გი, რო­მე­ლიც 90-იანი წლე­ბის გა­ნუ­კი­თხა­ო­ბი­სას, "მხედ­რი­ო­ნის" თა­რე­შის პი­რო­ბებ­შიც კი ხე­ლუხ­ლებ­ლად დარ­ჩა "ზა­რა­ფხა­ნა­ში". და კი­დევ, "ზა­რა­ფხა­ნის" კუთ­ვნი­ლი 30 ათა­სი კვ.მ მიწა დი­ღომ­ში, ლუბ­ლი­ა­ნას ქუ­ჩა­ზე; მის მიმ­დე­ბა­რე ტე­რი­ტო­რი­ა­ზე 2006 წელს 1 კვ.მ მი­წის მი­ნი­მა­ლუ­რი ფასი 230 ათა­სი დო­ლა­რი იყო. თუ 30 ათას კვ.მ-ს 230 დო­ლარ­ზე გა­ვამ­რავ­ლებთ, აღ­მოჩ­ნდე­ბა, რომ მარ­ტო მიწა 6 მი­ლი­ონ 900 ათა­სი დო­ლა­რი ღირ­და. აი, ამ­ხე­ლა ქო­ნე­ბა ჩა­იგ­დეს ხელ­ში მარ­თლაც­და ჩა­ლის ფა­სად კახა ბენ­დუ­ქი­ძემ და კობა ნა­ყო­ფი­ამ. მი­წის ღი­რე­ბუ­ლე­ბის მე­სა­მე­დიც კი არ გა­და­ი­ხა­დეს ამ­ხე­ლა ქო­ნე­ბა­ში. აი, ეს იყო კახა ბენ­დუ­ქი­ძის ლი­ბე­რა­ლუ­რი სა­ბაზ­რო ეკო­ნო­მი­კა. ამი­ტო­მაც იყო, ბენ­დუ­ქი­ძე თავს რომ იკ­ლავ­და და ათო­ბით ობი­ექტს სა­ხელ­მწი­ფოს­თვის სტრა­ტე­გი­უ­ლი მნიშ­ვნე­ლო­ბის სტა­ტუ­სი მო­უხ­სნა. თუმ­ცა ეს არ არის ყვე­ლა­ფე­რი.

ტენ­დე­რის პი­რო­ბე­ბის თა­ნახ­მად, "გოლდ-ინ­ვესტს" უნდა და­ე­ფა­რა "ზა­რა­ფხა­ნის" 6 მი­ლი­ო­ნი ვალი, რო­მე­ლიც სა­წარ­მოს სა­ხელ­მწი­ფოს მი­მართ და­უგ­როვ­და. "ზა­რა­ფხა­ნის" დი­რექ­ტო­რი და­ვით ლორ­თქი­ფა­ნი­ძე, სწო­რედ ბენ­დუ­ქი­ძეს­თან და­პი­რის­პი­რე­ბის გამო მოხ­სნეს - ის ეწი­ნა­აღ­მდე­გე­ბო­და ქვეყ­ნის ერ­თა­დერ­თი ასე­თი პრო­ფი­ლის სა­წარ­მოს გა­ყიდ­ვას. ლორ­თქი­ფა­ნი­ძის დი­რექ­ტო­რო­ბის პე­რი­ოდ­ში და­ი­წყო სა­ხელ­მწი­ფო ვა­ლის ეტა­პობ­რი­ვი და­ფარ­ვა, მაგ­რამ ეს არა­ნა­ი­რად არ ჯდე­ბო­და ბენ­დუ­ქი­ძის გეგ­მა­ში - მას გა­კოტ­რე­ბუ­ლი "ზა­რა­ფხა­ნა" სჭირ­დე­ბო­და. ლორ­თქი­ფა­ნი­ძის შემ­დეგ, დი­რექ­ტო­რად და­ნიშ­ნეს აკა­კი რა­მიშ­ვი­ლი, ოქ­როს სა­სინ­ჯი დე­პარ­ტა­მენ­ტის ყო­ფი­ლი ხელ­მძღვა­ნე­ლი. "ზა­რა­ფხა­ნის" თა­ნამ­შრომ­ლებს ამ კა­ცის დი­რექ­ტო­რო­ბა არ სურ­დათ, რა­მიშ­ვი­ლი სპეც­რაზ­მით მი­ვი­და სამ­სა­ხურ­ში და ისე შე­ვი­და დი­რექ­ტო­რის კა­ბი­ნეტ­ში. მე­რეც, კარ­გა ხანს დაც­ვით და­დი­ო­და. მოკ­ლედ, რა­მიშ­ვილ­მა ეს ხე­ლოვ­ნუ­რად წარ­მო­შო­ბი­ლი ვალი არ გა­და­ი­ხა­და, შე­წყვი­ტა ლორ­თქი­ფა­ნი­ძის დროს და­წყე­ბუ­ლი ვა­ლის გრა­ფი­კით და­ფარ­ვა. ჰოდა, როცა აუქ­ცი­ო­ნი ჩა­ტარ­და, "ზა­რა­ფხა­ნის" ვალი უკვე 6 მი­ლი­ო­ნი ლარი იყო. აუქ­ცი­ო­ნის პი­რო­ბე­ბის თა­ნახ­მად, ეს 6 მი­ლი­ო­ნი 2 წე­ლი­წად­ში უნდა გა­და­ე­ხა­და "ზა­რა­ფხა­ნას". თქვენც არ მო­მიკ­ვდეთ, ნა­ყო­ფი­ას არც უფიქ­რია ამ 6 მი­ლი­ო­ნის ბი­უ­ჯეტ­ში გა­დახ­და. ნა­ყო­ფი­ამ ცალ­კე თა­ნაკ­ლა­სელ მი­ნისტრს, ირაკ­ლი ჩო­გო­ვა­ძეს მის­წე­რა და ცალ­კე ზუ­რაბ ნო­ღა­ი­დელს: ქარ­თუ­ლი ოქ­როს ნა­კე­თო­ბა­თა წარ­მო­ე­ბა უნდა ავაყ­ვა­ვო და ეს ვალი ჩა­მო­მა­წე­რე­თო. აბა, ასე­თი სუ­ლის სა­ცხო­ნე­ბე­ლი საქ­მის გა­კე­თე­ბა­ში ხელს ხომ არ შე­უშ­ლიდ­ნენ ნა­ყო­ფი­ას ეკო­ნო­მი­კის მი­ნის­ტრი და პრე­მი­ერ-მი­ნის­ტრი? ერ­თობ­ლი­ვად გა­და­წყვი­ტეს, - ოღონდ ეგ საშ­ვი­ლიშ­ვი­ლო საქ­მე გა­ა­კე­თე, 6 მი­ლი­ო­ნი რა სა­ლა­პა­რა­კო­აო და... ჩა­მო­ა­წე­რეს სა­ხელ­მწი­ფო ვალი. რო­გო­რი ბექა ოპი­ზა­რიც კობა ნა­ყო­ფია გა­მოდ­გა, ყვე­ლას კარ­გად მო­ეხ­სე­ნე­ბა. ნა­ყო­ფია და მისი ჯგუ­ფი, ძი­რი­თა­დად, ინ­დო­ე­თი­დან და არა­ბე­თი­დან ეზი­დე­ბი­ან ია­ფ­ფა­სი­ან ოქ­როს ნა­კე­თო­ბებს და მერე "ზა­რა­ფხა­ნის" დამ­ღით ყი­დი­ან ვი­თომ ქარ­თულ ნა­წარმს. ში­გა­და­შიგ, ევ­რო­პა­შიც ყი­დუ­ლო­ბენ და­ბა­ლი ხა­რის­ხის ოქ­როს. წა­ლე­კა ქარ­თუ­ლი ოქ­როს ბა­ზა­რი უხა­რის­ხო ოქ­რომ. "მად­ნე­ულ­ში" მო­პო­ვე­ბულ, "კვარ­ცი­ტში" გა­და­მუ­შა­ვე­ბულ ოქ­როს კი ნა­ყო­ფია უცხო­ეთ­ში ეზი­დე­ბა, რად­გან მა­ღა­ლი ხა­რის­ხი­საა და ევ­რო­პა­ში კარ­გად იყი­დე­ბა. "ზა­რა­ფხა­ნის" ქი­მი­უ­რი ლა­ბო­რა­ტო­რი­ის ყო­ფი­ლი თა­ნამ­შრო­მე­ლი, ჟანა ქა­რე­ლი­ძე ერთ ასეთ შემ­თხვე­ვა­საც იხ­სე­ნებს "ქრო­ნი­კას­თან": "რამ­დე­ნი­მე მა­ღა­ზია აქვს "ზა­რა­ფხა­ნას" და ერთ-ერთი ვა­კე­ში მდე­ბა­რე­ობს. სწო­რედ ამ მა­ღა­ზი­ა­ში შე­ვე­დი და ვათ­ვა­ლი­ე­რებ­დი ქარ­ხნის ნა­წარმს. ერთი ვერ­ცხლის ძეწ­კვი შევ­ნიშ­ნე, რო­მელ­საც მე­ტად უცხო ფსკვნი­ლი ჰქონ­და. და­ნამ­დვი­ლე­ბით ვი­ცო­დი, რომ "ზა­რა­ფხა­ნას" ისე­თი დაზ­გა არ ჰქონ­და, რომ­ლი­თაც ასე­თი ფსკვნი­ლე­ბი კეთ­დე­ბო­და. გამ­ყიდ­ველ გო­გო­ნას ვკი­თხე, სი­მარ­თლე მი­თხა­რი, მა­ინც ვერ მო­მა­ტყუ­ებ, ეს ძეწ­კვი მარ­თლა "ზა­რა­ფხა­ნის" ნა­წარ­მია-მეთ­ქი? არა, ქალ­ბა­ტო­ნო, უცხო­ე­თი­და­ნაა შე­მო­ტა­ნი­ლი და "ზა­რა­ფხა­ნას" დამ­ღა აზის, ვი­თომ ჩვე­ნი ქარ­ხნის ნა­წარ­მი­აო. აი, ასე ატყუ­ე­ბენ ხალ­ხს წლე­ბის მან­ძილ­ზე, მაგ­რამ განმკი­თხა­ვი არა­ვი­ნა­აა".

"ქრო­ნი­კას" ერთი ძვე­ლი ის­ტო­რი­აც მო­უ­თხრეს ექ­სკლუ­ზი­უ­რად. "ცენ­ტრ-პო­ინ­ტის" თა­ნა­დამ­ფუძ­ნე­ბე­ლი რუ­სუ­დან კერ­ვა­ლიშ­ვი­ლი (მა­შინ პო­ლი­ტი­კა­ში არ იყო) ეს­ტუმ­რა "ზა­რა­ფხა­ნის" ვა­კის მა­ღა­ზი­ას. იმ დღეს შინ პა­ტა­რა წვე­უ­ლე­ბა ჰქონ­და, რო­მელ­საც მხო­ლოდ ოჯა­ხის წევ­რე­ბი და რამ­დე­ნი­მე უახ­ლო­ე­სი მე­გო­ბა­რი უნდა დას­წრე­ბო­და. ქალ­ბა­ტონ­მა რუ­სუ­დან­მა გა­და­წყვი­ტა, ყვე­ლას­თვის მცი­რე სი­ურპრი­ზი გა­ე­კე­თე­ბი­ნა, ადგა და ყვე­ლას თითო ოქ­როს ნა­კე­თო­ბა უყი­და - მა­მა­კა­ცებს სა­მა­ჯუ­რე­ბი და ძეწ­კვე­ბი, ქა­ლებს ბეჭ­დე­ბი და სა­ა­თე­ბი... სა­გუ­რა­მო­ში, რჩე­უ­ლიშ­ვი­ლე­ბის სახ­ლში გა­მარ­თუ­ლი წვე­უ­ლე­ბა, რომ იტყვი­ან, ეშხში შე­დი­ო­და, რო­დე­საც რუ­სუ­დან კერ­ვა­ლიშ­ვილ­მა სტუმ­რებ­სა და ოჯა­ხის წევ­რებს ოქ­როს სა­ჩუქ­რე­ბი ჩა­მო­უ­რი­გა, თან დას­ძი­ნა, რომ ყვე­ლა­ფე­რი ქარ­თუ­ლი და "ზა­რა­ფხა­ნის" წარ­მო­ე­ბი­სა იყო. ერთ-ერ­თმა სტუ­მარ­თა­გან­მა დიდ­ხანს ატ­რი­ა­ლა ხელ­ში ნა­ჩუ­ქა­რი სა­მა­ჯუ­რი, მერე კი გა­ნა­ცხა­და, რომ ზუს­ტად ასე­თი პა­რიზ­ში ჰქონ­და ნა­ყი­დი და ერთი მე­ო­რის­გან იმით გან­სხვავ­დე­ბო­და, რომ ერთს ფრან­გუ­ლი კომ­პა­ნი­ის ნი­შან­დე­ბა ჰქონ­და, მე­ო­რეს კი - "ზა­რა­ფხა­ნა­სი" (ისე, ნა­ჩუ­ქარ ცხენს კბილს ვინ უსინ­ჯავს, შე ოხე­რო? გა­ჩუ­ქეს? აიღე, მად­ლო­ბა თქვი და შე­ირ­გე, რა, თუ ინ­ტრი­გა­ნი არა ხარ). მოკ­ლედ, დიდი კა­მა­თის შემ­დეგ, ეს კაცი იძუ­ლე­ბუ­ლი გახ­და, სახ­ლში წა­სუ­ლი­ყო და ში­ნი­დან "ზა­რა­ფხა­ნის" სა­მა­ჯუ­რის ზუს­ტი ასლი, ფრან­გუ­ლი სა­მა­ჯუ­რიც მო­ი­ტა­ნა. თან კა­ტა­ლო­გიც მო­ა­ყო­ლა, სა­დაც ამ სა­მა­ჯუ­რის მწარ­მო­ე­ბე­ლი ფირ­მა და დი­ზა­ი­ნე­რის გვარ-სა­ხე­ლიც იყო მი­თი­თე­ბუ­ლი. რუ­სუ­დან კერ­ვა­ლიშ­ვი­ლი დარ­წმუნ­და, რომ სას­ტი­კად მო­ა­ტყუ­ეს. მე­ო­რე დღეს, თა­ვის დას­თან, მაია კერ­ვა­ლიშ­ვილ­თან ერ­თად გამ­წა­რე­ბუ­ლი მი­ვი­და "ზა­რა­ფხა­ნის" მა­ღა­ზი­ა­ში და ლა­მის სა­ხე­ში შე­ა­ყა­რა ოქ­რო­უ­ლო­ბა ვა­კის ფი­ლი­ა­ლის დი­რექ­ტორს. ატყდა დიდი აყალ­მა­ყა­ლი. კერ­ვა­ლიშ­ვი­ლებ­მა და­ამ­ტკი­ცეს, რომ არა მარ­ტო ერთი სა­მა­ჯუ­რი, რაც "ზა­რა­ფხა­ნის" მა­ღა­ზი­ა­ში იყი­და, ყვე­ლა ნივ­თი დუ­ბა­ი­სა და პა­რი­ზის მა­ღა­ზი­ებ­ში იყო ნა­ყი­დი და მერე, თბი­ლის­ში ფრან­გუ­ლი ქარ­ხნის დამ­ღა გა­დაც­ლი­ლი ჰქონ­დათ და "ზა­რა­ფხა­ნის" დამ­ღით იყო ხე­ლახ­ლა და­და­ღუ­ლი. რუ­სუ­დან კერ­ვა­ლიშ­ვილს, ცხა­დია, თან­ხა უკან და­უბ­რუ­ნეს, მაგ­რამ დებს თურ­მე ვერ აჩე­რებ­დნენ და ამ ამ­ბის მე­დი­ით გახ­მა­უ­რე­ბას აპი­რებ­დნენ, - ჩვენ მოვ­ტყუვ­დით, მაგ­რამ სხვას აღარ მო­გა­ტყუ­ე­ბი­ნებთ, ხალ­ხმა უნდა გა­ი­გოს თქვე­ნი თაღ­ლი­თო­ბის ამ­ბა­ვიო. ბო­ლოს საქ­მე­ში კობა ნა­ყო­ფია ჩა­ე­რია. ვახ­ტანგ რჩე­უ­ლიშ­ვი­ლის, მაია და რუ­სუ­დან კერ­ვა­ლიშ­ვი­ლე­ბის თუკი ვინ­მე სა­ერ­თო ნაც­ნო­ბი ჰყავ­და, ყვე­ლა ჩა­რია საქ­მე­ში, ყვე­ლას და­ა­რე­კი­ნა მათ­თან, რომ გა­ჩე­რე­ბუ­ლიყ­ვნენ და ბო­დი­შიც პი­რა­დად მო­უ­ხა­და დებს. თბი­ლი­სი, მო­გეხ­სე­ნე­ბათ, პა­ტა­რა და ხათ­რი­ა­ნი ქა­ლა­ქია - ნა­ყო­ფი­ამ ეს შა­რი­ა­ნი საქ­მე ჩა­ფარ­ცხა. თუმ­ცა, დრო­ე­ბით. "ქრო­ნი­კის" მკი­თხველ­მა ხომ ამ წუ­თას ექ­სკლუ­ზი­უ­რად გა­ი­გო ამ მა­ქი­ნა­ცი­ის შე­სა­ხებ. ოქ­როს წარ­მო­ე­ბა­ში მეტ-ნაკ­ლე­ბად ჩა­ხე­დუ­ლი ხალ­ხი შე­მე­და­ვე­ბა ახლა - ფრან­გულ ოქ­როს "ზა­რა­ფხა­ნის" დამ­ღა რომ და­არ­ტყა, ძვე­ლი წა­შა­ლო და ახ­ლით გა­ყი­დო, ეგ რა ხე­ი­რი იქ­ნე­ბა, ფრან­გი იუ­ვე­ლირ-დი­ზა­ი­ნე­რე­ბის ოქ­როს ნა­წარ­მი უფრო ძვი­რი არ ეღი­რე­ბა, ვიდ­რე მისი გად­მო­ქარ­თუ­ლე­ბუ­ლი ვა­რი­ან­ტიო? ასე­თი მა­ნი­პუ­ლა­ცი­ით რა ხე­ი­რი ექ­ნე­ბო­და "ზა­რა­ფხა­ნას", პი­რი­ქით, იზა­რა­ლებ­და, რად­გან საფ­რან­გეთ­ში ნა­ყიდ, და­ვუშ­ვათ, "პერ­სტენს", "ზა­რა­ფხა­ნის" დამ­ღით თა­ვის ფას­შიც ვერ გა­ყიდ­დაო. კი, ლო­გი­კუ­რი კი­თხვაა, მაგ­რამ ნა­ყო­ფია მა­გის ჩი­ტია ახლა, 2000 ევ­როდ პა­რიზ­ში "პერ­სტე­ნი" იყი­დოს, მერე თბი­ლის­ში 2000 ლა­რად გა­ყი­დოს და იზა­რა­ლოს? აი, და­მარ­ხულ ძაღ­ლის თავ­საც მი­ვა­დე­ქით. საქ­მე ისაა, რომ "ზა­რა­ფხა­ნა­ში" არა მარ­ტო ფირ­მის აღმნიშ­ვნელ ნი­შანს ცვლი­ან, არა­მედ ოქ­როს სინ­ჯის მაჩ­ვე­ნე­ბელ­საც. ოქ­როს ყი­დუ­ლო­ბენ პა­რიზ­ში და ევ­რო­პა-აზი­ის სხვა ქა­ლა­ქებ­ში, დი­ღომ­ში კი სინ­ჯის აღმნიშ­ვნელ დამ­ღას აც­ლი­ან, სხვა, უფრო მა­ღა­ლი ხა­რის­ხის ოქ­როს სინ­ჯის დამ­ღას და­არ­ტყა­მენ და საქ­მეც გა­ჩარ­ხუ­ლია - 5 გრა­მი­ან ნივთს, რო­მელ­შიც 1 გრამ­ში 20 ევრო ანუ, მთლი­ა­ნად 100 ევრო გა­და­ი­ხა­დეს, 1 გრამს 50 ევ­როდ ანუ, ჯამ­ში, 250 ევ­როდ გა­ყი­დი­ან. და ყი­დი­ან კი­დეც!

შე­საძ­ლოა, მკი­თხვე­ლი იმა­შიც შე­მე­და­ოს, რა­ტომ არის ქარ­თუ­ლი ბა­ზა­რი უხა­რის­ხო ოქ­რო­თი გა­დავ­სე­ბუ­ლი, ხომ არი­ან ე.წ. ოქ­როს ბირ­ჟებ­ზე ოქ­როს შე­მოწ­მე­ბის სპე­ცი­ა­ლის­ტე­ბიო. კი, იქ არი­ან, მაგ­რამ "ზა­რა­ფხა­ნას" თა­ვი­სი სპე­ცი­ა­ლის­ტე­ბი ჰყავს და მათ რა­საც და­ა­ვა­ლე­ბენ, იმ კა­ტე­გო­რი­ის დამ­ღას დას­ცხე­ბენ ნა­კე­თო­ბას. მერე წა­ი­ღე და ამოწ­მე, რამ­დე­ნიც გინ­და. რაც დებ­მა კერ­ვა­ლიშ­ვი­ლებ­მა მო­ი­გეს, სხვაც იმას მო­ი­გებს. რაც შე­ე­ხე­ბა ოქ­როს ხა­რისხზე სა­ხელ­მწი­ფო კონ­ტროლს, სა­ქარ­თვე­ლო ერ­თა­დერ­თი ოქ­როს მომ­პო­ვე­ბე­ლი ქვე­ყა­ნაა მსოფ­ლი­ო­ში, რო­მელ­საც ოქ­როს ხა­რის­ხის სა­ხელ­მწი­ფო სამ­სა­ხუ­რი არ გა­აჩ­ნია. ეს სამ­სა­ხუ­რი ფი­ნანსთა სა­მი­ნის­ტროს სის­ტე­მა­ში შე­დი­ო­და, ბო­ლოს დე­პარ­ტა­მენ­ტის სა­ხით და ოქ­როს სა­სინ­ჯი დე­პარ­ტა­მენ­ტი ერ­ქვა. 2005 წელს კახა ბენ­დუ­ქი­ძემ ამ სამ­სა­ხუ­რის გა­უქ­მე­ბაც მო­ა­ხერ­ხა. ფი­ნანსთა მი­ნის­ტრმა ზუ­რაბ ნო­ღა­ი­დელ­მა არა­ნა­ი­რი წი­ნა­აღ­მდე­გო­ბა არ გა­უ­წია, მხო­ლოდ ეს სთხო­ვა ბენ­დუ­ქი­ძეს, - მაგ დე­პარ­ტა­მენ­ტის უფ­რო­სი, აკა­კი რა­მიშ­ვი­ლი ჩემი ნა­თე­სა­ვია და ეს კაცი და­მი­საქ­მეო. ოქ­როს სა­სინ­ჯი დე­პარ­ტა­მენ­ტი გა­უქ­მდა და რა­მიშ­ვი­ლი ჯერ კი­დევ სა­ხელ­მწი­ფოს კუთ­ვნი­ლი "ეროვ­ნუ­ლი ზა­რა­ფხა­ნის" დი­რექ­ტო­რად და­ნიშ­ნა ბენ­დუ­ქი­ძემ.

"ზა­რა­ფხა­ნა­ში" რომ ანა­ლო­გი­უ­რი მა­ქი­ნა­ცი­ე­ბი ხდე­ბა, ეს "ქრო­ნი­კას" ჟანა ასა­ნი­ძე­მაც და­უ­დას­ტუ­რა, და­ვით ლორ­თქი­ფა­ნი­ძეს კი გა­ე­ცი­ნა, როცა ვკი­თხე, მარ­თლა შე­საძ­ლე­ბე­ლია ასე­თი რა­მის გა­კე­თე­ბა "ზა­რა­ფხა­ნა­ში"-მეთ­ქი და მი­პა­სუ­ხა: ვინც მა­გას აკე­თებს, იმ ხალ­ხს იუ­ვე­ლი­რე­ბი ჰქვი­ათ, მეტს აღა­რა­ფერს გე­ტყვი და ახლა თა­ვად გან­სა­ჯე, შეძ­ლე­ბენ თუ არაო.

ბენ­დუ­ქი­ძე-ნა­ყო­ფი­ას ტან­დემს ჟანა ქა­რე­ლი­ძე სხვა რა­მე­შიც სდებს ბრალს. თვალ­გა­ფა­ცი­ცე­ბულ მკი­თხველს უთუ­ოდ ემახ­სოვ­რე­ბა, ამ 3 წლის წი­ნათ, სოსო თო­ფუ­რი­ძის ავად სახ­სე­ნე­ბელ­მა კუდ-მა ერთი რი­გი­ა­ნი საქ­მე მარ­თლა გა­ა­კე­თა. "ზა­რა­ფხა­ნი­დან" და­კარ­გუ­ლი ოქ­როს ქურ­დე­ბი და­ა­კა­ვა და და­კარ­გუ­ლი ოქ­როც ამო­ი­ღო. მა­შინ თო­ფუ­რი­ძემ ბრი­ფინგზე აღ­ნიშ­ნა, 132 კგ. ოქრო ამო­ვი­ღე­თო. არა­და, ქალ­ბა­ტო­ნი ჟანა ქა­რე­ლი­ძე ირ­წმუ­ნე­ბა, 132 კი არა, 176 კგ. ოქრო და­ი­კარ­გაო. ამ ინ­ფორ­მა­ცი­ას მივ­დიე და აღ­მოჩ­ნდა, რომ თა­ვის დრო­ზე, საქ­მე მარ­თლა 176 კგ. ოქ­როს ქურ­დო­ბის ფაქ­ტზე იყო აღ­ძრუ­ლი კუდ­ში. ეს ინ­ფორ­მა­ცია, ქურ­დო­ბი­დან მე­სა­მე დღეს ოფი­ცი­ა­ლუ­რა­დაც გავ­რცელ­და. მაშ, სად გაქ­რა და­კარ­გულ და ამო­ღე­ბულ ოქ­როს შო­რის არ­სე­ბუ­ლი სხვა­ო­ბა - "ზა­რა­ფხა­ნის" კუთ­ვნი­ლი 44 კი­ლოგ­რა­მი ოქრო? ამის გარ­კვე­ვას, წე­სით, კი­დევ ერთი გა­მო­ძი­ე­ბა სჭირ­დე­ბა, თუმ­ცა, "ქრო­ნი­კამ" ამ კი­თხვის პა­სუხს ისევ "ზა­რა­ფხა­ნას" ყო­ფილ თა­ნამ­შრომ­ლებ­ში მი­აგ­ნო. 44 კი­ლოგ­რა­მი ოქრო, და­კარ­გუ­ლის პოვ­ნით გა­ხა­რე­ბულ კახა ბენ­დუ­ქი­ძე­სა და კობა ნა­ყო­ფი­ას, ვანო მე­რა­ბიშ­ვი­ლის­თვის უჩუ­ქე­ბი­ათ. ვა­ნოს კი, ნა­ჩუ­ქა­რი ოქ­როს ნა­წი­ლი სოსო თო­ფუ­რი­ძის­თვის მი­უ­ცია პი­რად სა­ჩუქ­რად, ნა­წი­ლი კი არა­ო­ფი­ცი­ა­ლურ პრე­მი­ად კუდ-ის იმ რამ­დე­ნი­მე მა­ღალ­ჩი­ნო­სანს მის­ცეს, რომ­ლე­ბიც ამ საქ­მის გა­მო­ძი­ე­ბა­ში იყ­ვნენ ჩარ­თულ­ნი. რაც ოქრო დარ­ჩა, ვანო მე­რა­ბიშ­ვი­ლი ამ­დგა­რა და ბავ­შვთა დაც­ვის მსოფ­ლიო ორ­გა­ნი­ზა­ცი­ის­თვის შე­უ­წი­რავს. ეს ხუმ­რო­ბით, ცხა­დია. ისე, გსმე­ნი­ათ ვანო მე­რა­ბიშ­ვი­ლის ქველ­მოქ­მე­დე­ბის შე­სა­ხებ? ვიცი, არც გა­გი­გო­ნი­ათ და ახლა, მით უმე­ტეს, ვერც ვე­რას­დროს გა­ი­გებთ. ეს დარ­ჩე­ნი­ლი ოქრო მე­რა­ბიშ­ვილს ახალ­ცი­ხე­ში ჩა­უ­ტა­ნია და დე­და­მი­სის­თვის - ჟე­ნია თუ­მა­ნიშ­ვი­ლის­თვის ჩა­უ­ბა­რე­ბია. ამ­ბო­ბენ, ქალ­ბა­ტო­ნი ჟე­ნია ამ ოქ­როს მი­წა­ში და­მარ­ხვას აპი­რებ­და და ვა­ნოს შე­უ­ჩე­რე­ბია, - შვი­ლი ში­ნა­გან საქ­მე­თა მი­ნის­ტრი გყავს და ოქ­როს მი­წა­ში მარ­ხა­ვო? მოკ­ლედ, ჩემი ში­შით ამ არე­მა­რე­ზე ვე­რა­ვინ გა­ჭა­ჭან­დე­ბა და ჩემი სახ­ლი­დან ოქ­როს მო­პარ­ვას ვინ გა­ბე­დავ­სო, - უთ­ქვამს ვა­ნოს. ახლა სად აქვთ შე­ნა­ხუ­ლი ის ოქრო, არ ვიცი. შე­საძ­ლოა, ჟე­ნია დე­ი­დამ მა­ინც მი­წა­ში ჩაფ­ლა - ვანო ხომ პო­ლი­ცი­ის მი­ნის­ტრი აღარ არის?!

"ზა­რა­ფხა­ნი­დან" მარ­ტო ოქრო არ და­კარ­გუ­ლა. მა­ნამ­დე, სა­ნამ ქარ­ხნის პრი­ვა­ტი­ზა­ცია მოხ­დე­ბო­და, 1 თვით ადრე, ერთ ღა­მე­ში 3 ტონა თით­ბე­რი გაქ­რა. ამ რა­ო­დე­ნო­ბის თით­ბერს 3-4 კაცი ვერ მო­ი­პა­რავს, მით უფრო, სპე­ცი­ა­ლუ­რი ტექ­ნი­კი­სა და სატ­ვირ­თო ავ­ტო­მო­ბი­ლის გა­რე­შე ვერ წა­ი­ღებ­დნენ ქურ­დე­ბი. სა­ინ­ტე­რე­სოა, რომ "ზა­რა­ფხა­ნის" დაც­ვა­მაც ვე­რა­ფე­რი გა­ი­გო. დაც­ვის ყვე­ლა თა­ნამ­შრო­მელს, რა­ტომ­ღაც, ერ­თდრო­უ­ლად ჩა­ე­ძი­ნა და მერე, ყვე­ლამ, ასე­ვე, ერ­თდრო­უ­ლად გა­იღ­ვი­ძა, - ასე უწე­რი­ათ გა­მო­ძი­ე­ბის­თვის მი­ცე­მულ ჩვე­ნე­ბებ­ში. კი, რა­ღა­ცით ჰგავს ჰო­ლი­ვუ­დუ­რი ფილ­მის სი­უ­ჟეტს, მაგ­რამ ეს ამ­ბა­ვი დიღ­მის მა­სივ­ში მოხ­და და რო­გორც ყო­ფი­ლი "ზა­რა­ფხა­ნე­ლე­ბი" ამ­ბო­ბენ, ამ "ფილ­მის" სცე­ნა­რი კახა ბენ­დუ­ქი­ძის კა­ბი­ნეტ­ში და­ი­წე­რა. ქურ­დო­ბის ფაქ­ტზე საქ­მე აღიძ­რა და იმ პო­ლი­ცი­ამ, რო­მე­ლიც ნარ­კო­რე­ა­ლი­ზა­ტო­რებს უკა­ნა­ლი­დან 00,1 გრამ ნარ­კო­ტიკს აძ­რობს (უფრო ნაკ­ლებ­საც), 3 ტონა თით­ბე­რის კვალს ვერ­სად მი­აგ­ნო. ისევ "ზა­რა­ფხა­ნის" ყო­ფი­ლი თა­ნამ­შრომ­ლე­ბი აცხა­დე­ბენ, რომ ეს თით­ბე­რი, როცა ბენ­დუ­ქი­ძის კლან­მა ქარ­ხა­ნა იყი­და, კი­ლოგ­რა­მო­ბით უკან ჩუ­მად ბრუნ­დე­ბო­და და "ზა­რა­ფხა­ნის" მა­ღა­ზი­ებ­ში ნა­პა­რა­ვი თით­ბე­რის­გან დამ­ზა­დე­ბუ­ლი ნა­კე­თო­ბე­ბი ძვი­რა­დაც იყი­დე­ბო­და.

ეს მხო­ლოდ ნა­წი­ლია იმ უბე­დუ­რე­ბე­ბი­სა, რა­საც ბენ­დუ­ქი­ძე-ნა­ყო­ფი­ას კლა­ნი სჩა­დი­ო­და "ზა­რა­ფხა­ნა­ში" წლე­ბის მან­ძილ­ზე. კახა ბენ­დუ­ქი­ძემ 200 კაცი უმუ­შე­ვა­რი და­ტო­ვა, ერთ დროს უძ­ლი­ე­რე­სი სა­წარ­მო დღეს პა­ტა­რა სა­ამ­ქრო­დაა ქცე­უ­ლი. რაც მთა­ვა­რია, სა­ქარ­თვე­ლოს და­უ­კარ­გეს "ეროვ­ნუ­ლი ზა­რა­ფხა­ნა", რო­მელ­საც იმის რე­ა­ლუ­რი პერ­სპექ­ტი­ვა ჰქონ­და, რომ სა­კუ­თა­რი, ქარ­თუ­ლი ფული, სა­კუ­თარ ზა­რა­ფხა­ნა­ში მო­ეჭ­რა. მე­ტიც, სა­ნამ გა­ი­ყი­დე­ბო­და, მისი მმარ­თვე­ლე­ბი იმა­საც ვა­რა­უ­დობ­დნენ, რომ ამ ზა­რა­ფხა­ნას სხვა ქვეყ­ნე­ბის დაკ­ვე­თე­ბის შეს­რუ­ლე­ბაც შე­ეძ­ლო და არა­ერ­თი ქვე­ყა­ნა სა­კუ­თარ ფულს ქარ­თულ ზა­რა­ფხა­ნას და­უკ­ვეთ­და. ამით კი ქვე­ყა­ნა სო­ლი­დურ მო­გე­ბას ნა­ხავ­და და, ცხა­დია, რაც და­საქ­მე­ბუ­ლი იყო, ორი იმ­დე­ნი კი­დევ და­საქმდე­ბო­და. დღეს კი, სა­ქარ­თვე­ლო სა­კუ­თარ ვა­ლუ­ტას - ლარს საფ­რან­გე­თის ზა­რა­ფხა­ნა­ში ჭრის და ეს ბი­უ­ჯეტს სო­ლი­დუ­რი თან­ხე­ბი უჯ­დე­ბა.

კახა ბენ­დუ­ქი­ძეს სულ ფე­ხებ­ზე არ ჰკი­დია ქვეყ­ნის ბი­უ­ჯე­ტი? მისი ჯი­ბი­დან ხომ არა­ფე­რი გა­დის.

კახა ბენ­დუ­ქი­ძე ოფი­ცი­ა­ლუ­რი მი­ლი­არ­დე­რია, ამის შე­სა­ხებ რუ­სულ და სხვა უცხო­ურ მე­დი­ა­ში არა­ერ­თხელ და­წე­რი­ლა და თქმუ­ლა. თა­ვის მი­ლი­არ­დებს სა­ქარ­თვე­ლო­ში კა­პი­კე­ბად ნა­ყი­დი ქო­ნე­ბით რამ­დე­ნი შე­მა­ტა, ჯერ­ჯე­რო­ბით უც­ნო­ბია. თუმ­ცა, თუ ამ ქვე­ყა­ნა­ში ოდეს­მე სა­მარ­თლი­ა­ნო­ბა აღ­დგე­ბა, მა­შინ ამა­საც აუ­ცი­ლებ­ლად გა­ვი­გებთ. და თუ ეს გა­ვი­გეთ, მა­შინ ამ ნა­ყა­ჩა­ღა­რი ქო­ნე­ბის უკან, სა­ხელ­მწი­ფოს­თვის დაბ­რუ­ნე­ბის სა­კი­თხიც უნდა დად­გეს და ამას ბენ­დუ­ქი­ძის პა­სუ­ხის­მგებ­ლო­ბის სა­კი­თხიც უნდა ჩა­ე­ბას. თუ ამ ჯაჭვს გავ­ყე­ვით, თა­ვის წილ პა­სუ­ხის­მგებ­ლო­ბას ვერც კობა ნა­ყო­ფია გა­და­ურ­ჩე­ბა. იმე­დია, ასეც იქ­ნე­ბა.

კობა ნა­ყო­ფი­ას არა­ო­ფი­ცი­ა­ლურ მი­ლი­არ­დე­რად მო­იხ­სე­ნი­ე­ბენ და ეს არ არის გა­და­ჭარ­ბე­ბუ­ლი. ეს კაცი სო­ლი­დურ წი­ლებს ფლობ­და და ფლობს იმ კომ­პა­ნი­ებ­ში, რო­მელ­თაც ქარ­თუ­ლი ოქ­როს მო­პო­ვე­ბა-გა­და­მუ­შა­ვე­ბა-დამ­ზა­დე­ბა, ანუ სრუ­ლი ციკ­ლი ჩა­იგ­დეს ხელ­ში. უც­ნო­ბია, ამ სამ კომ­პა­ნი­ა­ში ვის რამ­დე­ნი წილი ჰქონ­და ან აქვს, არც ერთი არ აქ­ვეყ­ნებს დამ­ფუძ­ნე­ბელ­თა თუ აუქ­ცი­ო­ნერ­თა სიას. "გოლდ ინ­ვეს­ტი" კი, რო­მელ­საც "ზა­რა­ფხა­ნა" აჩუ­ქეს, 2007 წელს ოფ­შო­რულ ზო­ნა­ში გა­და­რე­გის­ტრირ­და და სა­ხე­ლიც შე­იც­ვა­ლა, ახლა "კუ­ენ­ტრო პორ­ტფე­ლიო" ჰქვია და ბენ­დუ­ქი­ძემ და გე­ნე­რა­ლოვ­მა თა­ვი­დან მო­ი­შო­რეს - გა­ყი­დეს. დიახ, როცა ოქ­როს მომ­პო­ვე­ბელ ქვე­ყა­ნა­ში წლე­ბის მან­ძილ­ზე ერ­თა­დერ­თი მო­ნო­პო­ლის­ტი ხარ, 50 პრო­ცენტს ფლობ ოქ­როს გა­და­მუ­შა­ვე­ბის კომ­პა­ნი­ა­ში და ოქ­როს ნა­კე­თო­ბა­თა ბა­ზარ­ზეც, "ზა­რა­ფხა­ნის" სა­ხით, სრუ­ლი მო­ნო­პო­ლის­ტი ხარ, მა­შინ ძალ­ზე რე­ა­ლუ­რი და სა­ფუძ­ვლი­ა­ნია გავ­რცე­ლე­ბუ­ლი ინ­ფორ­მა­ცია, რომ ნა­ყო­ფია "ია­ტაკ­ქვე­შა მი­ლი­არ­დე­რია". ბო­ლოს და ბო­ლოს, კაცი ოქ­როს ყიდ­და და არა კარ­ტო­ფილს.

ხა­თუ­ნა ელ­ბა­ქი­ძე

გა­ზე­თი "კვი­რის ქრო­ნი­კა"