მნიშვნელოვანი ინფორმაცია
30
მაისიდღის ზოგადი ასტროლოგიური პროგნოზი
30 მაისი, პარასკევი, მთვარის მეოთხე დღე დაიწყება 07:23-ზე, მთვარე ლომში გადაბრძანდება 23:58-ზე – ნუ აჰყვებით პროვოკაციებს, მოერიდეთ კამათსა და კონფლიქტს. კარგია ახალი ინფორმაციის შეგროვება და დამუშავება. წარმოების გაზრდა. არ არის შესაფერისი დღე მოგზაურობის დასაწყებად ან მივლინებაში წასასვლელად. დღის ენერგიამ შეიძლება გამოიწვიოს გაურკვევლობა, ადამიანებში იმატებს კომპრომისზე წასვლის უუნარობა. ასევე, არ არის მიზანშეწონილი რომანტიკული პაემანი. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა. საუკეთესოა თმის შეჭრა და შეღებვა. გაიკეთეთ თმისა და სახის ნიღაბი. მოუფრთხილდით გულს, სისხლის მიმოქცევის სისტემას, არტერიებს, ზურგს, დიაფრაგმას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ირაკლი ღარიბაშვილი - სისტემა დაჭაობებული იყო და სამინისტროს გაჯანსაღება სჭირდება
03:07 / 09-07-2013
სისტემა იყო დაჭაობებული და ამიტომ სამინისტროს გაჯანსაღებას თანამედროვედ მოაზროვნე ადამიანების შემოსვლა სჭირდება. ამის შესახებ შს მინისტრმა ირაკლი ღარიბაშვილმა დღეს სტუდენტებთან შეხვედრის დროს განაცხადა.
ირაკლი ღარიბაშვილი კონკურსის წესით შერჩეულ 30 სტუდენტს შეხვდა. ახალგაზრდები გამოსაცდელი ვადით შსს-ს სხვადასხვა დანაყოფებში დასაქმდებიან, ხოლო სხვადასხვა უმაღლესი სასწავლებლის 110 სტუდენტი სამინისტროში სტაჟირებას გაივლის.
მინისტრის განცხადებით, კონკურსის წესით შერჩეული 30 სტუდენტი სამინისტროში იმუშავებს.
"მე გთავაზობთ სხვადასხვა დეპარტამენტში ან სხვადასხვა მთავარ სამმართველოში დასაქმებას, იმის მიხედვით, ვის რა ინტერესი აქვს. ზოგს შეიძლება პოლიციის მიმართულებით ჰქონდეს ინტერესი, ზოგს - უსაფრთხოების სააგენტოში სურდეს მუშაობის დაწყება. ასევე არის ანტიკორუფციული და სხვა დეპარტამენტი. მე ახლა კადრების სამმართველოს დავაბარებ და თქვენ ხვალიდან უკვე გასაუბრებაზე მიხვალთ. უკვე შევარჩევთ თქვენთვის სასურველ დეპარტამენტს თუ სამმართველოს. ამავდროულად, ჩვენც, თქვენთან გასაუბრების საფუძველზე შეგვექმნება შეხედულება, რომელი სად უფრო ეფექტური იქნებით", - აღნიშნა მინისტრმა.
ღარიბაშვილმა სისტემის გაახალგაზრდავებაზეც ისაუბრა.
"მთელი გულით მინდა მოგილოცოთ, ასე უნდა მოხდეს სისტემის გაახალგაზრდავება და გაჯანსაღება. რეფორები, რაც გავატარეთ ჩემი დანიშვნიდან დღემდე, საკმარისი არ არის, სისტემა დაჭაობებული იყო და ამიტომ ამას სჭირდება გაჯანსაღება, თანამედროვედ მოაზროვნე ადამიანების შემოსვლა", - განაცხადა ღარიბაშვილმა.
მისივე თქმით, 110 სტუდენტი სამინისტროში სტაჟირებას გაივლის და საუკეთესო სამინისტროში მუშაობას გააგრძელებს.
"ვფიქრობ, სწორი არჩევანი გავაკეთეთ. კადრებს სჭირდება სიფრთხილით შერჩევა, განსაკუთრებით ისეთ საპასუხისმგებლო სამინისტროში, როგორიც არის შსს. დიდი პასუხისმგებლობა სჭირდება კადრების შერჩევას. ჩემთვის პრიორიტეტულია, მომავალ თაობას მიეცეს უპირატესობა. ძალიან შემიყვარდა ჩემი საქმიანობა და იმედია, თქვენც ასე შეგიყვარდებათ. მუშაობა კარგია, მაგრამ როცა იცი, რას ემსახურები, ორმაგად და ათმაგად უფრო საინტერესო ხდება. გირჩევდით, ბოლომდე დაიხარჯოთ და თავი არ დაზოგოთ", - მიმართა მინისტრმა სტუდენტებს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
