მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
microsoft-მა სმარტფონებს პატრონის ხასიათის გამოცნობა "ასწავლა"
02:58 / 09-07-2013
Microsoft-ში დარწმუნებულები არიან, რომ მომხმარებლის ხასიათის შესახებ ინფორმაციის ფლობა სმარტფონებს კიდევ უფრო მოსახერხებელ და გამოსადეგ მოწყობილობად აქცევს. კორპორაცია ისეთი ტექნოლოგიის შექმნაზე მუშაობს, რომელიც სმარტფონს საშუალებას მისცემს, დაადგინოს მისი მფლობელის ხასიათი და ავტომატურად გააგზავნოს ეს ინფორმაცია სოციალურ ქსელში.
ახალ ტექნოლოგიას უკვე აქვს სახელი Moodscope. ეს არის აპლიკაცია, რომელიც ხასიათის კლასიფიკაციას რამდენიმე კატეგორიის მიხედვით ახდენს: აღელვება, ბედნიერება, დაძაბულობა, მოწყენილობა, სიმშვიდე, განცდა და გაბრაზება.
ადამიანის განწყობა რამდენიმე მახასიათებლის მიხედვით დგინდება - ამა თუ იმ აპლიკაციის გამოყენება, ზარი, მიმოწერა, ბრაუზერის ისტორია, ადგილმდებარეობა.
მეცნიერებმა უკვე ჩაატარეს ტესტები 32 მოხალისის მონაწილეობით და 66%-იან სიზუსტესაც მიაღწიეს. ზოგ შემთხვევაში სიზუსტე 93%-იც კი იყო.
მოხალისეები 2 თვის განმავლობაში იყენებდნენ მოწყობილობას და მიღებული შედეგის პარალელურად, აღწერდნენ საკუთარ მდგომარეობას. სმარტფონების მიერ განსაზღვრული ხასიათი უმეტეს შემთხვევაში, მფლობელის ხასიათს დაემთხვა.
რა თქმა უნდა, ასეთი ტექნოლოგიის გამოყენება ერთგვარად ხელს უშლის პრივატულობას. ამასთან, Microsoft-ი დარწმუნებულია, რომ სისტემა ადამიანებს ურთიერთობაში დაეხმარება და უბიძგებს, რომ ერთმანეთისადმი მეტი ყურადღება გამოიჩინონ.
გაბრაზებულ მომხმარებელთან მალევე მივლენ მეგობრები, რომლებიც ამის შესახებ სოც-ქსელში წაიკითხავენ, ხოლო გაბრაზებულ უფროსს თანამშრომლები მოერიდებიან.
მომზადებულია topnews.ru-ს მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
