"დინამო არენაზე" რუსული დროშების აფრიალება გულშემატკივართა ნაწილმა გააპროტესტა
თბილისის "დინამოს" გულშემატკივრების ნაწილმა პროტესტის ნიშნად, გუშინ "დინამო არენის" ტრიბუნები დატოვა. როგორც "ინტერპრესნიუსს" ერთ-ერთმა გულშემატკივარმა განუცხადა, მათი პროტესტი უკავშირდება იმ დროშებს, რომლებიც მოსკოვის "დინამოს" გულშემატკივრებმა ტრიბუნებზე გამოფინეს.
"მათ გამოფინეს იმპერიალისტური დროშები და ამით კიდევ ერთხელ უნდათ გვაგრძნობინონ ის, რომ რუსეთი არის იმპერია და ჩვენც იმპერიის ნაწილი ვართ. სწორედ ამიტომ ჩვენ მოვითხოვეთ, რომ ეს დროშები ჩამოეხსნათ, თუმცა ამაზე უარი მივიღეთ, რის შემდეგაც ასეთი ფორმა ავირჩიეთ და ჩვენ მშვიდობიან პროტესტს მივმართავთ", – აღნიშნა ერთ-ერთმა გულშემატკივარმა.
გარკვეული დროით გულშემატკივრები სტადიონის პირველ და მეორე იარუსებს შორის არსებულ დერეფანში იყვნენ განლაგებული და სკანდირებდნენ - "საქართველოს გაუმარჯოს" და თბილისის "დინამოს" გამამხნევებელ შეძახილებს. საბოლოოდ გულშემატკივრები ტრიბუნებს დაუბრუნდნენ.
ამხანაგური მატჩი "დინამო არენაზე" თბილისის "დინამოსა" და მოსკოვის "დინამოს" შორის 1:1 დასრულდა. გუშინდელ მატჩს კრიშტიანუ რონალდუ და ანდრე შევჩენკოც ესწრებოდნენ.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
